[81B
᭘᭑
ᬫᬶᬗ᭄ᬕᬢ᭄᭞ᬗᬯᬶᬓᬢᬸᬦᬦ᭄ᬤᬕᬶᬂ᭞ᬗᬸᬦ᭄ᬢᬸᬓᬸ᭄ᬧᭂᬩᭂᬂᬚ᭄ᬗᬄ᭞ᬳᬶᬳᬬᬸᬫᬗ᭄ᬮᬾᬦ᭄ᬮᬾᬦᬂ᭞ᬲᬫ᭄ᬩᬶᬮ᭄ᬫ᭄ᬩᬶᬢ᭄ᬩᬶᬢ᭄ᬩᬶᬩᬶᬄᬓ᭄ᬢᬶᬧ᭄᭞ᬦ᭄ᬤᭀᬳᬂᬘᬶᬢᬶᬦᬾᬕᬶᬲᬶ᭟᭐᭟᭗᭖᭟ᬘᬶᬢᬶᬦᬾᬫᬢᬸᬃᬭᬢᬸᬲᬂᬓᬯᬶᬲ᭄ᬫᬭ᭞ᬳᬶᬓᭂᬢ᭄ᬳᬗ᭄ᬕᬶᬢᬂᬭᬭᬶᬲ᭄᭞ᬳᬦ᭄ᬢᬸᬓ᭄ᬓᬫᬶᬫᬶᬢᬦ᭄᭞ᬲᭀᬮᬄᬭᬳᬶᬦ᭄ᬳᬶᬤᬾᬯ᭞ᬗᬓ᭄ᬱᬶᬓᬮᬗᭂᬦᬾᬲᬫᬶ᭞ᬓᬵᬤᬶᬫ᭄ᬭᬱ᭞ᬢᬦ᭄ᬯᬾᬦ᭄ᬢᭂᬦ᭄ᬤᬳᬶᬭᬶᬓᬶ᭟᭐᭟᭗᭗᭟ᬕᭂᬦ᭄ᬢᬸᬫᬥᬸᬓᬤᬶᬫᬓ᭄ᬭᬾᬢᬾᬲᬦ᭄ᬓᬶᬮᬂ᭞ᬳᬶᬩᬕᬸᬲ᭄ᬢᬩᬸᬄᬕᭂᬦ᭄ᬤᬶᬲ᭄᭞ᬘᬶᬗᬓ᭄ᬭᬢᬸᬘᬶᬗᬓ᭄᭞ᬳᬗ᭄ᬲᬡᬦᬾᬫᬲ᭄ᬓᬃ᭞ᬗᬸᬗ᭄ᬓᬸᬮ᭄ᬓᬧᬗ᭄ᬓᬸᬗᬾᬦᭂᬧᬶ᭞ᬕᬥᬸᬂᬫᬢᬸᬗ᭄ᬕ᭄ᬯᬦ᭄᭞ᬗᬮᬶᬮᬶᬢᬶᬦ᭄ᬦᭂᬥᭂᬂᬫᬶᬬᬶᬓ᭄᭟᭐᭟᭗᭘᭟ᬭᬹᬧᬫᭂᬍᬤ᭄ᬧᬘᬂᬲ᭄ᬓᬭᬂᬳᬶᬫᬶᬭᬄ᭞ᬗᬶᬭᬶᬂᬭᬢᬸᬧᬭᬓᬶᬦ᭄᭞ᬩᬗᬸᬦ᭄ᬢᬸᬃᬫᬚᬮᬦ᭄᭞ᬢᬦ᭄ᬲᬄᬫᬢᬸᬦ᭄ᬢᬸᬦ᭄ᬢᬗᬦ᭄᭞ᬲᬫ᭄ᬩᬶᬮᬂᬗᭀᬮᬄᬧᬫᬃᬕ᭄ᬕᬶ᭞ᬫᬲᬯᬂᬲ᭄ᬫᬭ᭞ᬲᬋᬂᬭᬢᬶᬄᬥᬫ᭄ᬧᬢᬶ᭟᭐᭟᭗᭙᭟ᬫᬫᬸᬮᬶᬲᬄᬓᬫᭂᬮᬳᬦ᭄ᬕᬸᬦᬸᬂᬳᬮᬲ᭄᭞ᬳᬶᬳᬬᬸᬗ᭄ᬢᬸᬲ᭄ᬲᬭᬷ᭞ᬮᬶᬫᬍᬫᬸᬄᬫᭂᬫ᭄ᬩᬢ᭄᭞ᬲᬗ᭄ᬓᬸᬳᬸᬩᬾᬓ᭄ᬮᬾᬲᬂ᭞ᬗᭂᬦᬄᬲᬸᬲᬸ
[82A]
ᬓᭂᬫ᭄ᬩᬃᬜᬗ᭄ᬓᬶᬄ᭞ᬩᬸᬓᬧᭀᬮ᭞ᬫᬶᬭᬶᬩ᭄ᬫᬲᬾᬲᬶᬦᬗ᭄ᬮᬶᬂ᭟᭐᭟᭘᭐᭟ᬫᬸᬜᬶᬚᬸᬭᬸᬄᬳᬶᬩᬕᬸᬲ᭄ᬫᬗᬸᬲᬧᬸᬲᬧ᭄᭞ᬤᬾᬯᬲᬂᬓᬵᬥᬶᬤᬾᬯᬷ᭞ᬯ᭄ᬢᬸᬲᬓᬶᬂᬘᬵᬬ᭞ᬰᬰᬶᬄᬦᬸᬚᬸᬧᬹᬃᬡ᭄ᬦᬫ᭞ᬫᬮᬦ᭄ᬢᬭᬦ᭄ᬧᬮ᭄ᬬᬢ᭄ᬫᬦᬶᬲ᭄᭞ᬢ᭄ᬥᬸᬦ᭄ᬫᬜ᭄ᬚᬄᬚᬄ᭞ᬲᬓᬮᬗᭂᬦᬾᬲᬫᬶ᭟᭐᭟᭘᭑᭟ᬫᬓ᭄ᬩᬜ᭄ᬘᬂᬳᬶᬩᬕᬸᬲ᭄ᬢᬸᬫᬸᬮᬶᬗᭂᬫ᭄ᬩᬦ᭄᭞ᬫᬜ᭄ᬚᬸᬚᬸᬄᬓᬭᬂᬅᬱ᭄ᬢᬶ᭞ᬦᭂᬧᬶᬳᬶᬤᬶᬂᬦᭂᬕᬓ᭄᭞ᬲᬸᬫᬗ᭄ᬤᬶᬂᬚᬮᬢᬸᬡ᭄ᬥ᭞ᬫᬸᬜ᭄ᬘ᭄ᬭᬢ᭄ᬯᬬᬾᬳᬧᬓ᭄ᬭᬶᬢᬶᬲ᭄᭞ᬳᬬᬸᬗᬶᬦ᭄ᬧᬥᬓ᭄᭞ᬫᬶᬬᬶᬓ᭄ᬫᭂᬗ᭄ᬧᭂᬃᬲᬸᬫᬶᬭᬶᬢ᭄᭟᭐᭟᭘᭒᭟ᬲ᭄ᬧᬸᬓᬦ᭄ᬧᬺᬩᬸᬓᬾᬤᬶᬩᬸᬄᬓᬾᬫᬤᬸᬓᬦ᭄᭞ᬳᬗᬶᬦ᭄ᬳᬭᬶᬲ᭄ᬗᬲᬶᬃᬲᬶᬃ᭞ᬳᬥᬸᬄᬅᬢ᭄ᬫᬚᬷᬯ᭞ᬦᬸᬦᬲ᭄ᬓᬾᬫᬢᬺᬗ᭄ᬕᬡ᭞ᬳᬶᬩᬕᬸᬲ᭄ᬦᬩ᭄ᬤᬩᬂᬲ᭄ᬫᬶ᭞ᬳᬢᬧ᭄ᬫᬩᭂᬗᬤ᭄᭞ᬳᬢᬾᬦᬢᬾᬦᬾᬮᬸᬜ᭄ᬘᬶᬧ᭄᭟᭐᭟᭘᭓᭟ᬫᬘᬘᬸᬡ᭄ᬮᬸᬓ᭄ᬧᬸᬲᬸᬄᬫᬲᬸᬫ᭄ᬧᭂᬂᬢᬺᬗ᭄ᬕᬡ᭞ᬲᭀᬭᭀᬄᬩᬸᬗ᭄ᬳᬦᬾᬫᬶᬬᬶᬓ᭄᭞ᬫᭂᬦᬸᬄᬕᬥᬸᬂᬓᭂᬫ᭄ᬩᬂ᭞ᬳᬗ᭄ᬕᭀᬜᬓᬭᬂᬤᭀᬱ᭞ᬧᬦᭂᬓᭂᬲ᭄ᬕᭂᬮᬸᬗᬾᬩ᭄ᬘᬶᬓ᭄᭞ᬲᬬᬦ᭄ᬓᬯᬂᬯᬂ᭞ᬳᬬᬸᬦᬾᬫᬸ
Kaca:Bali-lontar-paparikan-tantri-01-250ppi.pdf/82
Kaca punika durung kauji-waca
