Kaca:Bali-lontar-paparikan-tantri-01-250ppi.pdf/81

Saking Wikisource
Kaca punika durung kauji-waca

[80B]
᭘᭐᭟
ᬯ᭄ᬯᬂᬫᬥᬭᬳᬤᬦᬗ᭄ᬳᬶᬂᬤᬶᬧᬤᬰᬦ᭄᭞ᬳᬤᬦ᭄ᬜᬳᬶᬯᬮᬘᬶᬓ᭄᭞ᬦᬾᬘ᭄ᬭᬶᬓᬦ᭄ᬫᬳᬤᬦ᭄᭞ᬳᬶᬲᬸᬭᬵᬥᬓ᭄ᬮᬶᬳᬦ᭄᭞ᬫᬜᬫᬧᬢᬸᬄᬦ᭄ᬫᭀᬦᬶᬦ᭄᭞ᬮ᭄ᬯᬲ᭄ᬫᬢᬢ᭄ᬯᬓᬦ᭄᭞ᬤᬶᬳᬮᬄᬲᬦᭂᬧᬸᬓᬶᬦ᭄᭟᭐᭟᭖᭘᭟ᬳᬤᬧᬶᬢᬸᬓᭀᬘᬧᬵ᭄ᬫᬤᬦ᭄ᬳᬘᭂᬫ᭄ᬩᬸᬮᬦ᭄᭞ᬕ᭄ᬤᬾᬫᭀᬓᭀᬄᬢᬹᬃᬮᬶᬲᬶᬕ᭄᭞ᬗ᭄ᬕᭂᬮᬄᬓᬓᬦ᭄ᬢᬾᬦᬦ᭄᭞ᬫᬳᬤᬦ᭄ᬳᬶᬧ᭄ᬭᬕᬸᬱ᭞ᬩᭀᬓᭀᬕ᭄ᬘᭂᬦᬶᬓ᭄ᬩ᭄ᬭᬕ᭄ᬳᬭᬶᬕ᭄᭞ᬫᬤᬾᬭᬾᬓ᭄ᬦᭂᬕᬓ᭄᭞ᬤᬶᬥᬸᬳᬸᬃᬘᬃᬕᬦᬶᬜ᭄ᬚ᭄ᬭᬶᬂ᭟᭐᭟᭖᭙᭟ᬩ᭄ᬗᭀᬂᬗᭂᬦᭀᬢ᭄ᬓᬮᬗᬦᬾᬧᬤᬢᬶᬗ᭄ᬕᬃ᭞ᬬᬾᬦ᭄ᬲᬯᬂᬫᬶᬲᬸᬕᬶᬳᬶᬦ᭄᭞ᬩᬦ᭄ᬧᬲᭂᬳᭂᬦ᭄ᬩᬸᬗ᭄ᬳ᭞ᬫᬢᬸᬭᬸᬢ᭄ᬦᭂᬥᭂᬂᬓᭂᬫ᭄ᬩᬂ᭞ᬫᬶᬍᬳᬦ᭄ᬢᭂᬭᬂᬦ᭄ᬫᭀᬦᬶᬦ᭄᭞ᬰᬰᬶᬄᬓᬢᬶᬕᭂ᭞ᬲᬓᬢᭀᬦᬾᬗᬾᬤᬦᬶᬦ᭄ᬳ᭟᭐᭟᭗᭐᭟ᬢᬸᬭᬄᬓᬵᬤᬶᬓ᭄ᬦᭂᬫ᭄ᬓᬢ᭄ᬫᬗ᭄ᬤᬾᬕᬶᬭᬲ᭄᭞ᬓᬳ᭄ᬬᬸᬦ᭄ᬲᬂᬯᬢᭂᬓ᭄ᬓᬯᬶ᭞ᬤᬤᬶᬓᬢᬸᬮᬭᬦ᭄᭞ᬳᬶᬥᭂᬧᬾᬳᬶᬍᬫ᭄ᬩᬸᬮᬦ᭄᭞ᬦᬸᬲ᭄ᬢᬸᬲ᭄ᬧᬤᬧᬦ᭄ᬕᬦᬶᬜ᭄ᬚ᭄ᬭᬶᬂ᭞ᬧᬢᬸᬢ᭄ᬩᬸᬗ᭄ᬳᬜ᭞ᬓᬸᬓᬸᬦᬾᬳᬗ᭄ᬕᭀ
[81A]
ᬦ᭄ᬦᬸᬮᬶᬲ᭄᭟᭐᭟᭗᭑᭟ᬢᬫ᭄ᬧᬓᬵ᭄ᬰᬲ᭄ᬢ᭄ᬭᬍᬫ᭄ᬩᬸᬢ᭄ᬭᬶᬭᬶᬕᬦ᭄ᬜᬳᬢᬧ᭄᭞ᬓ᭄ᬘᬧ᭄ᬧᬗᬯᬶᬫᬦᬶᬲ᭄᭞ᬫᬜ᭄ᬭᬶᬢᬬᬂᬢᬶᬗ᭄ᬓᬄ᭞ᬳᬦᬓᬸ᭄ᬧᭂᬥᭂᬓ᭄ᬫᬭᬗ᭄ᬓᬢ᭄᭞ᬳᬶᬧ᭄ᬭᬕᬸᬱᬓᬳᬾᬤᬾᬗᬶᬦ᭄᭞ᬗ᭄ᬓᬾᬦᬗ᭄ᬕᬳᬾᬚ᭄ᬗᬄ᭞ᬧᬗᬶᬓᭂᬢᬾᬓᬧᬤᬳᬶᬦ᭄᭟᭐᭟᭗᭒᭟ᬓᬧ᭄ᬭᬥᬢᬲᬢ᭄ᬯᬦᬾᬳᬶᬩᬕᬸᬲ᭄ᬫᬶᬗ᭄ᬕᬢ᭄᭟ᬗᬚᬓ᭄ᬳᬶᬳᬬᬸᬜᬶᬮᬶᬩ᭄᭞ᬓᬕᬸᬦᬸᬂᬓᬳᬮᬲ᭄᭞ᬘᬶᬢᬶᬦᬾᬢ᭄ᬯᬭᬧᬲᬄ᭞ᬍᬲᬸᬓᬮᬫᬾᬦ᭄ᬤᬶᬫᬃᬕ᭄ᬕᬶ᭞ᬲᬋᬫᬭᬃᬬ᭄ᬬᬦ᭄᭞ᬤᬸᬳᬸᬃᬩᬢᬸᬦᬾᬳ᭄ᬢᬶᬲ᭄᭟᭐᭟᭗᭓᭟ᬫ᭄ᬮᬄᬗᭂᬜ᭄ᬚᭀᬃᬤᬶᬧᬗ᭄ᬓᬸᬗᬾᬓᬳᬸᬗ᭄ᬓᬸᬮᬦ᭄᭞ᬳᬬᬸᬩᬶᬦ᭄ᬦᬕᬲᬭᬷ᭞ᬦ᭄ᬤᭂᬂᬫᬩᬸᬗ᭄ᬳ᭞ᬳᭀᬲᬄᬗ᭄ᬕᭂᬋᬂᬮᬦ᭄ᬧ᭄ᬕᬢ᭄᭞ᬓᬸᬫ᭄ᬩᬗᬾᬫᬗᬶᬲᭂᬧ᭄ᬲᬭᬷ᭞ᬫᬳᭂᬫ᭄ᬩᬄᬕᬸᬮ᭞ᬫᬸᬜᬶᬦ᭄ᬳᬶᬩᬕᬸᬲᬾᬫᬦᬶᬲ᭄᭟᭐᭟᭗᭔᭟ᬦᬸᬦᬲ᭄ᬗᬤᭂᬕ᭄ᬭᬢᬸᬗᬶᬭᬶᬂᬫᬘᬗ᭄ᬓ᭄ᬭᬫ᭞ᬲᬶᬮᬶᬄᬕᭂᬦ᭄ᬢᭀᬲᬂᬳᬓ᭄ᬱᬶ᭞ᬓᬮᬗᭂᬦ᭄ᬲᬕᬭ᭞ᬕᬸᬦᬸᬗᬾᬲᬫᬶᬚᬄᬚᬄ᭞ᬳᬶᬓᭂᬢ᭄ᬫᬸᬗ᭄ᬕ᭄ᬯᬶᬂᬧᬗᬯᬶ᭞ᬧᬸᬗ᭄ᬓᬸᬃᬬᬦ᭄ᬢᬸᬮᬓ᭄᭞ᬳᬢᬸᬭᬶᬦ᭄ᬩᬶᬩᬶᬳᬚᬶ᭟᭐᭟᭗᭕᭟ᬧᬶᬮᬶᬄᬓᬲᬫ᭄ᬧᬸᬭᬲᬶᬲᬶᬧᬾ