Kaca:Bali-lontar-paparikan-tantri-01-250ppi.pdf/8

᭗᭟ᬲᬸᬯᬾᬦᬸᬘᬧᬂ᭞ᬲᬂᬧ᭄ᬭᬪᬸᬮᬶᬦ᭄ᬢᬂᬲᬸᬓ᭞ᬲᬓᬬᬸᬦ᭄ᬲᬶᬥᬫᬤᬕᬶᬂ᭞ᬤᬤ᭄ᬬᬜᬳᭀᬜ᭞ᬥᬳᬦᬾᬲ᭄ᬤᭂᬂᬫᬜ᭄ᬚᬶᬂ᭟᭜᭟ ᭕᭒᭟ᬧᬢᬶᬄᬩᬦ᭄ᬤᬾᬂᬰ᭄ᬯᬃᬬ᭄ᬬᬫᬗ᭄ᬭᬋᬓᬾᬢᬃᬳᬦ᭄᭞ᬢᭀᬂᬩᬸᬳᬸᬗᬦᬦ᭄ᬧᬸᬓᬶᬦ᭄᭞ᬤᭀᬣᬧᬫᬶᬤᬡ᭄ᬤ᭞ᬲᬂᬧ᭄ᬭᬪᬸᬚᬦ᭄ᬢᭂᬦ᭄ᬤᬸᬄᬓ᭞ᬳᬶᬩᬸᬓ᭄ᬓᬲᬸᬳᬸᬗᬾᬗᬸᬗ᭄ᬲᬶ᭞ᬜᬭᬸᬜᬭ᭄ᬯᬂ᭞ᬲᬵᭂᬲᬵᭂᬓ᭄ᬓᬬᬸᬦᬾᬲ᭄ᬤᬶᬄ᭟᭜᭟᭕᭓᭟ᬳᬤᬩᬮᬾᬫᬦᭀᬗᭀᬲ᭄ᬢᭂᬧᬶᬦ᭄ᬢᭂᬮᬕ᭞ᬫᬉᬧᬘᬵᬭᬩ᭄ᬘᬶᬓ᭄᭞ᬳᬳᬸᬗ᭄ᬓᬳᬸᬗ᭄ᬓᬸᬮᬦ᭄᭞ᬩᬳᬦ᭄ᬧᬸᬜᬦ᭄ᬳᬗ᭄ᬰᬡ᭞ᬧᬦ᭄ᬤᬂᬫᬩᬸᬗ᭄ᬳᬫᬶᬬᬶᬓ᭄᭞ᬢᬫ᭄ᬩᬸᬮᬶᬮᬶᬗᬦ᭄᭞ᬢᬦ᭄ᬲᬄᬗᬶᬲᭂᬧ᭄ᬫᬗ᭄ᬭᬶᬭᬶᬂ᭟᭟᭜᭟᭕᭔᭟ᬤᬶᬢᬸᬗᭀᬚᭀᬕ᭄ᬫᬺᬫᬺᬫᬦ᭄ᬜᬃᬯᬂ᭞ᬫᬸᬜᬶᬦ᭄ᬓᬸᬫ᭄ᬩᬸᬗᬾᬢᬶᬢᬶᬃ᭞ᬕ᭄ᬭᬶᬬᭂᬂᬓᬓ᭄ᬢᬸᬃᬗᭂᬲ᭄ᬓᭂᬲᬂ᭞ᬤᬶᬩᬢᬭᬦᬾᬦ᭄ᬕᬓ᭄᭞ᬫᬲ᭄ᬭᭀᬤ᭄ᬢᭂᬥᬸᬦ᭄ᬤ᭄ᬬᬄᬭᬹᬧᬶᬦᬷ᭞ᬫᬗᬸᬲᬧᬸᬲᬧ᭄᭞ᬳᬕᬶᬕᬶᬃᬫᬶᬯᬄᬧ᭄ᬭᬭᬳᬶ᭟᭜᭟᭕᭕᭟ᬳᬸᬭᬶᬧ᭄ᬫᬾᬫᬾᬦᬾᬤᬾᬯᬪᬝᬭᬰᬶᬯ᭞ᬕᬸᬭᬸᬦᬶᬂᬫᬓᬪᬹᬫᬶ᭞ᬳᭂᬦ᭄ᬢᭀᬲᬸᬫ᭄ᬩᬄᬤᬾᬯ᭞ᬤ᭄ᬬᬄᬭᬹᬧᬶᬡᬷᬫᬸᬗ᭄ᬕᬳᬦ᭄᭞ᬓ
ᬧ᭄ᬮᬗ᭄ᬓᬳᬦᬾᬫᬮᬶᬗ᭄ᬕᬶᬄ᭞ᬤ᭄ᬬᬄᬢᬦ᭄ᬢ᭄ᬭᬷᬦ᭄ᬕᬓ᭄᭞ᬤᬩᬢᬭᬦᬾᬓᬭᬶ᭞᭟᭜᭟᭕᭖᭟ᬲᬤ᭄ᬬᬄᬭᬹᬧᬶᬡᬷᬳᬮᬸᬲ᭄ᬯᬶᬚᬶᬮ᭄ᬧᬗᬦ᭄ᬤᬶᬓ᭞ᬢᬦ᭄ᬲᬄᬗᬫ᭄ᬩᬶᬮ᭄ᬗᬸᬲᬸᬤᬶᬦ᭄᭞ᬦᬾᬬᬧᬫᬓᬤ᭞ᬍᬲᭂᬄᬲ᭄ᬩᭂᬗᬾᬓᬸᬲ᭄ᬬ᭞ᬓᬾᬦ᭄ᬓᬾᬦ᭄ᬓᬢ᭄ᬓᬦ᭄ᬧᬜᬓᬶᬢ᭄᭞ᬫᬩ᭄ᬭᬢᬗᬹᬤ᭞ᬩᬓᬢᬫ᭄ᬧᬓ᭄ᬧᬲᬶᬭᬶᬄ᭟᭜᭟᭕᭗᭟ᬳᬗᬬᬳᬾᬗᬶᬭᬶᬂᬜᬸᬫ᭄ᬩᬄᬫᬺᬥᬢᬬᬂ᭞ᬳᬦ᭄ᬢᬸᬓᬶᬭᬢᬸᬮᬸᬫᬶ᭞ᬫᬕᬕᬸᬭᭀᬦ᭄ᬲᬩ᭄ᬭᬦ᭄᭞ᬗᭂᬲᬶᬦ᭄ᬰ᭄ᬭᬸᬢᬶᬰ᭄ᬮᭀᬓ᭞ᬳᬫᬶᬭᬾᬂᬤ᭄ᬬᬄᬧᬶᬦᬢᬶᬄ᭞ᬳᭂᬜ᭄ᬚᬸᬯᬶᬦ᭄ᬲᭂᬧᬄ᭞ᬫ᭄ᬤᭂᬓ᭄ᬭᬭᬶᬲ᭄ᬦᬫᬾᬦᬶᬦ᭄᭟᭜᭟᭕᭗᭟ᬤᬧᬫᬺᬫᬦ᭄ᬤᬶᬧᬗ᭄ᬓᭀᬦ᭄ᬲᬫ᭄ᬩᬶᬮ᭄ᬗᬦ᭄ᬤᬶᬓ᭞ᬲ᭄ᬦᭂᬂᬗᭀᬮᬲᬂᬳᬢᬶ᭞ᬓ᭄ᬭᬡᬫᬾᬫᬾᬦ᭄ᬤᬥᬓ᭄᭞ᬦᬸᬦ᭄ᬤᬾᬦ᭄ᬗᬓᬮᬶᬄᬳᬶᬤᬾᬯ᭞ᬳᬾᬫᬂᬫᭂᬫᭂᬦᬾᬢᬦ᭄ᬲᬶᬧᬶ᭞ᬢᭂᬫ᭄ᬩᬾᬗᬦ᭄ᬢᭂᬦᭂᬂ᭞ᬕᬸᬭᬸᬦᬶᬤᬾᬯᬚᬦᬶ᭟᭜᭟᭕᭙᭟ᬲᬭᬯᬸᬳᬾᬂᬳᬸᬮᬶᬫᬦᬗ᭄ᬓᬶᬮ᭄ᬫᬲ᭄ᬯᬪᬯ᭞ᬲᬾᬩᭂᬢ᭄ᬯᬶᬣ᭄ᬦᬫᬲᬮᬶᬦ᭄᭞ᬓᬲᬸᬳᬸᬗᬾᬮᬦ᭄ᬢᬲ᭄᭞ᬦᬚᭀᬕ᭄ᬧᬭᬭᬵᬕᬬᬦ᭄᭞ᬜᬶᬃᬬᬂᬓᬳ᭄ᬬᬸᬦᬾᬲᭂᬗ᭄ᬓᬮ᭄᭞ᬓᬫ᭄ᬧᬸ