[8 B]
᭘᭟ᬳᬾᬮᬸᬗ᭄ᬳ᭄᭞ᬫᬺᬫ᭄ᬢ᭄ᬯᬭᬓᬮᬸᬲ᭄ᬮᬸᬲᬶᬦ᭄᭟᭜᭟᭖᭐᭟ᬢᭀᬦ᭄ᬤᬾᬦ᭄ᬫᬾᬫᬾᬢᬗᭂᬄᬢ᭄ᬓᬾᬦ᭄ᬦᬾᬫᬓ᭄ᬭᬡ᭄᭞ᬤᬤᬶᬫ᭄ᬭᬱᬫᬶᬃᬫᬶᬃ᭞ᬫᬾᬫᬾᬩᬓᬮ᭄ᬓᭂᬫᬳ᭄ᬢᬶᬦᬶᬂᬫᬰᬾᬯ᭄ᬓ᭞ᬢ᭄ᬯᬭᬤᬤᬶᬢ᭄ᬯᬭᬫᬶᬧᬶᬢ᭄᭞ᬗ᭄ᬕᭂᬮᬄᬧᬳᬶᬗᬦ᭄᭞
ᬢ᭄ᬓᭂᬦᬶᬂᬕᬸᬭᬸᬮᬓᬶ᭟᭜᭟᭖᭑᭟ᬳᬧᬂᬲᬾᬗᭂᬄᬜ᭄ᬚᬕᬦᬶᬦ᭄ᬓᬬᬸᬦ᭄ᬲᬢᬢ᭞ᬧᬢᬶᬩ᭄ᬭᬢᬳᬲ᭄ᬯᬶᬘᬂᬢᬶ᭞ᬳᬲᬶᬂᬧᬗᬦ᭄ᬤᬶᬓ᭞ᬲᬧᬢᬸᬥᬸᬄᬳᬶᬭᬶᬗᬂ᭞ᬓᬮᬶᬄᬓᬳᬸᬘᬧ᭄ᬤᬶᬳᬚᬷ᭞ᬍᬓᭂᬢ᭄ᬓᬓᬲᬶᬳᬦ᭄᭞ᬢᭀᬂᬤᬸᬕᬧ
ᬘᬂᬍᬩᬶᬄ᭟᭐᭟᭖᭒᭟ᬢ᭄ᬓᬾᬦᬼᬓᭂᬢ᭄ᬓᬩᬶᬱᬦᬾᬤᬶᬰᬭᬷᬭ᭞ᬢᭀᬂᬳᬤᬫᬸᬯᬸᬩ᭄ᬯᬶᬦ᭄᭞ᬍᬩ᭄ᬬᬦ᭄ᬢᬃᬓᬾᬦ᭄ᬓ᭄ᬭᭀᬤ᭞ᬰᬓ᭄ᬢᬶᬍᬩ᭄ᬬᬦ᭄᭞ᬢ᭄ᬓᬾᬦᬶᬂᬓᬰᬓ᭄ᬢᬾᬦ᭄ᬯᬶᬥᬶ᭞ᬩ᭄ᬯᬢᬓ᭄ᬧᬶᬢᬺᬱ᭄ᬡᬦ᭄᭞ᬢ᭄ᬯᬭᬳᬤᬗᬍᬩᬶᬳᬶᬦ᭄᭟᭐᭟
᭖᭓᭟ᬓᬧᬶᬢᬺᬱ᭄ᬡᬦ᭄ᬓᭂᬦᭂᬄᬳᬦᬓᬾᬫᬧᬵᬦᬓ᭄᭞ᬢ᭄ᬯᬭᬩᬶᬱᬗᭂᬫᭂᬤᬶᬦ᭄᭞ᬢᬺᬱ᭄ᬡᬦᬾᬫᬲᭀ᭠ᬫᬄ᭞ᬘᬭᬢᬫ᭄ᬩᬸᬮᬶᬮᬶᬗᬦ᭄᭞ᬤ᭄ᬫᭂᬦ᭄ᬗᬶᬲᭂᬧ᭄ᬫᬥᬸᬦ᭄ᬲᬭᬷ᭞ᬬᬾᬦ᭄ᬲᬸᬩᬫᬬᬂ᭞ᬩᬸᬗ᭄ᬳᬦᬾᬓᬢᬶᬓᬲᬶᬦ᭄᭞᭞᭐᭟
[9 A]
᭖᭔᭟ᬩ᭄ᬯᬶᬦ᭄ᬗᬮᬶᬄᬫᬶᬮᬶᬳᬶᬦ᭄ᬦᬾᬩᬳᬸᬓᭂᬫ᭄ᬩᬂ᭞ᬓᬾᬢᭀᬧᬥᬜᬚᬵᬢᬶ᭞ᬩᬸᬓᬫᬾᬫᬾᬢ᭄ᬯ᭞ᬫᬸᬮᬲᭂᬗ᭄ᬓᬜᬾᬯᬦᬓ᭞ᬫᬗ᭄ᬤᬾᬓᬲ᭄ᬯᬾᬘᬦᬢᭂᬧᬸᬓᬶᬦ᭄᭞ᬬᬾᬦ᭄ᬢ᭄ᬢᬦ᭄ᬮᬓ᭄ᬱᬡ᭞ᬳᬸᬢᬸᬦ᭄ᬧᬕᭂᬄᬳᬲ᭄ᬯᬶᬢᬶ᭟᭐᭟
᭖᭕᭟ᬲᬶᬂᬓᬩᬯᭀᬲ᭄ᬧᬢᬹᬢᬾᬳᬯᬾᬦᬂ᭞ᬦᬶᬦᬥᬦ᭄ᬩᬓᬮ᭄ᬢᬦ᭄ᬥᬶᬂ᭞ᬢ᭄ᬓᬾᬦᬶᬂᬦᬾᬩᬚᬂ᭞᭠ᬳᬬᬸᬍᬯᬶᬄᬲᬺᬗ᭄ᬕᬯ᭞ᬗᬦ᭄ᬤᭂᬮᬂᬕᭀᬩᬩᬾᬤᬦᬶᬦ᭄᭞ᬲᬩᬶᬓᬲ᭄ᬩᬶᬓᬲ᭄᭞ᬗᭂᬦ᭄ᬢᬶᬓᬂᬤ᭄ᬫᭂᬦ᭄ᬳᬢᬶ᭟᭐᭟᭖᭖᭟ᬬᬾ
ᬦ᭄ᬦᬾᬳ᭄ᬮᬸᬄᬢ᭄ᬯᬫᬧᬓ᭄ᬱᬦᬸᬳᬸᬢᬶ᭞ᬲᭀᬮᬄᬦᬾᬩᬚᬂᬘ᭄ᬭᬶᬓ᭄᭞ᬚᬸᬫ᭄ᬩᬸᬄᬢᬸᬃᬳᬗ᭄ᬓᬭ᭞ᬢ᭄ᬯᬭᬦᬯᬂᬧᬳᬶᬗᬦ᭄᭞ᬋᬗ᭄ᬓᬢ᭄ᬓᬾᬦ᭄ᬫᬥᬸᬤᭂᬗ᭄ᬓᬶ᭞ᬗ᭄ᬕᬳᬾᬧᬢᬸᬗ᭄ᬓᬲ᭄᭞ᬲᬳᬶᬧ᭄ᬲᬸᬧᬯᬶᬭᬶᬂ᭟᭐᭟᭖᭗᭟ᬲᬢ᭄ᬫᬓᬜᬩᬸᬗ᭄ᬳᬦᭂᬦ᭄ᬢᬸᬢ᭄ᬩ
ᬮᬶᬤᬶᬲ᭄ᬫ᭞ᬩᬗᬲᬾᬫᬶᬫ᭄ᬩᬸᬄᬳᬮᬶᬩ᭄᭞ᬓᬾᬦᬾᬓᬦ᭄ᬢᭂᬦᬦ᭄ᬜ᭞ᬮᬸᬜᬶᬦ᭄ᬫᬾᬫᬾᬤᬶᬗᭂᬳᬂ᭞ᬢᭀᬂᬳᬤᬫᭀᬫᭀᬢᬦ᭄ᬩ᭄ᬯᬶᬦ᭄᭞ᬢ᭄ᬓᭂᬦ᭄ᬓᬲᬢ᭄ᬬᬦ᭄᭞ᬦ᭄ᬤᬲᬭᬶᬗᬸᬭᬸᬮᬓᬶ᭟᭐᭟᭖᭘᭟ᬓ᭄ᬭᬡᬫᬾᬫᬾᬲᬺᬂᬦᬸᬜ᭄ᬚᬮ
