[᭒᭔᭘ 248B]
᭒᭔᭘
ᬧᬗ᭄ᬓᬸᬃ᭞
ᬫᬵᬢᬹᬃᬧᬗ᭄ᬓᬸᬃᬭᬶᬂᬧᬲᬾᬪᬦ᭄᭟᭒᭖᭟᭚ᬧᬸᬧᬸᬄᬧᬗ᭄ᬓᬸᬃ᭚ᬓ᭠ᬤᬸᬭᬸᬲ᭄ᬧᬶᬲᬦ᭄ᬳᬶᬤᬾᬯ᭞ᬢᬦ᭄ᬧᬗᬓ᭄ᬱᬶ᭞ᬯᬮᬸᬬᬪᬹᬢᬭᬶᬂᬳᬢᬶ᭞ᬦᭀᬭᬯᬾᬦ᭄ᬢᭂ
ᬦ᭄ᬫᬧᬓᬳ᭄ᬬᬸᬦ᭄᭞ᬤᬕᬶᬂᬓᬓᭂᬘᬧ᭄ᬳᬓ᭄ᬱᬭ᭞ᬳᬶᬤᬤᬶᬬᬄ᭞ᬢᬦ᭄ᬯᬾᬦ᭄ᬢᭂᬦ᭄ᬜᬫᬶᬦᬶᬦ᭄ᬳᬶᬓᬸ᭞ᬳᬶᬤᬳᬶᬭᬶᬓᬶᬭᬶᬂᬚᬕᬢ᭄᭞ᬭᬶᬂᬲᬢ᭄ᬬᬪᬓ᭄ᬢᬶᬫᬕᬸᬲ᭄ᬢᬶ᭟᭑᭐᭟ᬦᬾ
ᬦ᭄ᬢᭂᬦ᭄ᬗᬭᬲᬬᬂᬳᬚᭂᬗᬦ᭄᭞ᬫᬶᬯᬄᬫᬮᬶᬄ᭞ᬲᬶᬋᬧ᭄ᬢᬍᬃᬦᭀᬭᬓᭂᬦᬶ᭞ᬢᬦ᭄ᬫᬭᬶᬩ᭄ᬬᬧᬭᬲᬸᬗ᭄ᬲᬸᬢ᭄᭞ᬫᬕᬸᬬᬂᬳᬶᬤᬭᬶᬂᬍᬫᬄ᭞ᬲᭂᬤᬶᬄᬮᬭ᭞ᬓ᭠
ᬲᬗ᭄ᬲᬭᬦ᭄ᬢᬦ᭄ᬧᬢᬗ᭄ᬕᬸ᭞ᬯᬮᬸᬬᬓᬓᭂᬦᬾᬦ᭄ᬳᬸᬧᬲ᭄᭞ᬲᬵᬦ᭄ᬢᬸᬓ᭠ᬦ᭄ᬭᬶᬫᬂᬭᬶᬂᬳᬢᬶ᭟᭒᭟ᬳᬶᬤᬾᬯᬯᬦ᭄ᬢᬄᬲᬢᬢ᭞ᬲᬦᬾᬓᬾᬱ᭄ᬝᬶ᭞ᬳᬦ᭄ᬢᬸᬓ᭄ᬳᬶᬤ
[᭒᭔᭙ 289A]
ᬚ᭄ᬭᭀᬦᬶᬂᬳᬢᬶ᭞ᬧᬫᬹᬚᬦᬾᬭᬶᬂᬳ᭄ᬬᬂᬕᬸᬭᬸ᭞ᬢᬦ᭄ᬯᬾᬦ᭄ᬢᭂᬦ᭄ᬫᬮᬶᬄᬲᬾᬯᭀᬲᬦ᭄᭞ᬫᬗ᭄ᬤᬚᬬ᭞ᬳᬶᬤᬾᬯᬫᬶᬯᬄᬫᬢᭂᬫᬸ᭞ᬧᬸᬦᬶᬓᬓᬩ᭄ᬯᬢᬦ᭄ᬳᬶᬤ᭞ᬫᬗᬲ᭄ᬢ
ᬯᬲᬳᬶᬲᬳᬶ᭟᭓᭟ᬧᬸᬦᬶᬓᬮᬓ᭄ᬱᬡᬦ᭄ᬳᬶᬤ᭞ᬤᬳᬢ᭄ᬩᭂᬘᬶᬓ᭄᭞ᬭᬢᬸᬓᬮᬶᬯᬢᬦ᭄ᬮᭂᬯᬶᬄ᭞ᬲᬮᬄᬢᬓᭂᬄᬢᬶᬢ᭄ᬬᬂᬭᬢᬸ᭞ᬓᬵᬮᬓ᭄ᬭᬯᬸᬳᬶᬦ᭄
ᬳᬶᬤᬾᬯ᭞ᬭᬲᬦᭀᬭ᭞ᬳᬲᬧᬸᬦᬶᬓᬳᬶᬭᬢᬸ᭞ᬦᭀᬭᬧᬶᬲᬦ᭄ᬯᬾᬦ᭄ᬢᭂᬦ᭄ᬫᬦᬄ᭞ᬳᭀᬮᬶᬄᬧᬸᬦᬶᬓᬳᬧᬦᬺᬱ᭄ᬝᬶ᭟᭔᭟ᬳᬶᬤᬾᬯᬫᬦᬳᬂᬢᬶᬢ᭄ᬬᬂ᭞ᬧᬵ
ᬢᬹᬢ᭄ᬓᬦ᭄ᬢᬶᬦ᭄᭞ᬧᬸᬦᬶᬓᬶᬕᬸᬫᬶᬦᬾᬲᬫᬶ᭞ᬳᬸᬦᬶᬂᬳᬶᬦ᭄ᬤᬶᬓ᭄ᬳᬶᬯᬂᬧᬵᬢᬹᬢ᭄᭞ᬯᬦ᭄ᬢᬄᬳᬶᬤᬾᬯᬢᬦ᭄ᬮᬶᬬᬦ᭄᭞ᬓᬢᬗ᭄ᬓᬶᬮᬶᬦ᭄᭞ᬳᭀᬮᬶᬄᬳᬶᬢᬶᬯᬲ᭄ᬧᬵ
Kaca:Bali-lontar-paparikan-ramayana-350ppi.pdf/249
Kaca puniki sampun kauji-wacén
