[᭒᭔᭗ 247B]
᭒᭔᭗᭟
ᬦᬄ᭟᭒᭐᭟ᬳᬤᬬᬦ᭄ᬫᬢᬶᬤᭀᬕᬾᬦᬦ᭄᭞ᬓᭂᬦᭂᬄᬳᭂᬫ᭄ᬩᭀᬓ᭄ᬮᬶᬯᬢ᭄ᬲᬓᬶᬢ᭄᭞ᬲᬨᬮᬵᬦ᭄ᬫ᭄ᬩᭀᬓ᭄ᬢᬦᬵᬤ᭞ᬤᬤ᭄ᬯᬍᬕᬦᬾᬓᬧᬗ᭄ᬕᬸᬄ᭞ᬬᬾᬦ᭄ᬲᬸ
ᬩᬫ᭄ᬩᭀᬓ᭄ᬳᬦ᭄ᬢᬓ᭞ᬭᬵᬫᬢᬸᬱ᭄ᬝᬶ᭞ᬫ᭄ᬩᭀᬓ᭄ᬲᬸᬯᬸᬤ᭄ᬦᭂᬫᬸᬚᭂᬗᬄ᭟᭒᭑᭟ᬓ᭄ᬭᬡᬳᬧᬂᬳᬤᬶᬯᭀᬮᬲ᭄᭞ᬫᬗᬶᬸᬗᭂᬜ᭄ᬚᬸᬢᬂᬳᭂᬫ᭄ᬩᭀᬓ᭄ᬳᬧᬶᬭᬸᬭᬸᬳᬂᬧᬸᬦᬶᬓ
ᬲᬳᬂ᭞ᬲᬸᬫᬗ᭄ᬤᬾᬦ᭄ᬧᬵᬥᭂᬫ᭄ᬧᬫᬸᬧᬸᬢ᭄᭞ᬳᭂᬫ᭄ᬩᭀᬓ᭄ᬫᬮᬩᬸᬄᬕ᭄ᬦᬶᬬ᭞ᬲᬢ᭄ᬬᬮᬓᬶ᭞ᬦᬾᬧᬶᬮᬶᬳᬶᬦ᭄ᬫᬗ᭄ᬕᬶᬄᬫᭂᬮᬄ᭟᭒᭒᭟ᬲᬂᬢ᭄ᬭᬶᬚᬝᬫᬦᬫ᭄ᬧᭂᬓᬂ᭞
ᬭᬶᬂᬳᬶᬤᬲᬂᬤ᭄ᬬᬄᬲᬸᬧᬸᬢ᭄ᬭᬶ᭞ᬗᬗᭂᬦ᭄ᬳᬶᬤᬤᬳᬢ᭄ᬮᬭ᭞ᬢᬦ᭄ᬓᬧᬮᬂᬪᬓ᭄ᬢᬶᬦᬸᬮᬸᬲ᭄᭞ᬢᬸᬮᬶᬂᬦᭀᬭᬓᬦᬾᬂᬢᬸᬮᬤ᭄᭞ᬲᬓᬶᬂᬚᬵᬢᬶ᭞ᬫᬦᬄᬜᬦᬾ
[᭒᭔᭘ 248A]
ᬦᭀᬭᬳᭀᬩᬄ᭟᭒᭓᭟ᬳᬤᬶᬲᬂᬢ᭄ᬭᬶᬚᬝᬘᬶᬗᬓ᭄᭞ᬦᭀᬭᬲᬥ᭄ᬬᬳᭂᬫ᭄ᬩᭀᬓ᭄ᬳᬤᬶ᭞ᬓᬮᬶᬯᬢ᭄ᬳᭂᬫ᭄ᬩᭀᬓ᭄ᬦᬭᬓ᭞ᬳᬧᬦ᭄ᬚᬦᬶᬳᬤᬶᬢᬳᬸ᭞ᬳᬤᬶ
ᬓᬾᬯᬦ᭄ᬢᭂᬦ᭄ᬦᬾᬦᬯᬂ᭞ᬫᬭᬶᬂᬳᬶᬦ᭄ᬤᬶᬓ᭄᭞ᬮᬓ᭄ᬱᬡᬦ᭄ᬳᭂᬫ᭄ᬩᭀᬓᬾᬲᬸᬩ᭟᭒᭔᭟ᬢ᭄ᬯᬄᬩᬩᬯᭀᬲ᭄ᬦᬶᬱ᭄ᬝᬭ᭞ᬳᬦᬾᬢᭂᬓᬢᭂᬓᬾᬦ᭄ᬳᬤᬶ᭞ᬫᬸᬗ᭄ᬕ᭄ᬯᬶᬂᬳ᭠
ᬚᬶᬦ᭄ᬳᬤᬶᬢᬧ᭞ᬧᬵᬢᬹᬢ᭄ᬫᬦᬸᬢᬸᬭᬂᬲᬵᬥᬸ᭞ᬤ᭄ᬯᬦᬶᬂᬳᬶᬤᬍᬯᬶᬄᬧ᭄ᬭᬜᬶᬸᬚ᭄ᬜᬦ᭄᭞ᬓᭂᬘᬧ᭄ᬳᬚᬶ᭞ᬓᬸᬣᬭᬫᬶᬯᬄᬫᬦᬯ᭟᭒᭕᭟ᬲᬧᬸᬦᬶᬓᬩᬯᭀ
ᬲ᭄ᬳᬶᬤ᭞ᬤᬤ᭄ᬬᬜᬫᬲᬯᬸᬃᬫᬗ᭄ᬓᬶᬦ᭄᭞ᬤᬤᭀᬲ᭄ᬤᬦᬾᬓᬲᭂᬤᬶᬳᬦ᭄᭞ᬫᬜ᭄ᬭᬶᬢ᭄ᬫᬦᬗᬶᬲ᭄ᬳᬶᬧᬸᬦ᭄᭞ᬦᭀᬭᬕᬶᬗ᭄ᬕᬂᬤᬳᬢ᭄ᬥᬷᬭ᭞ᬦᬸᬮᬶᬭᬭᬶᬲ᭄᭞
Kaca:Bali-lontar-paparikan-ramayana-350ppi.pdf/248
Kaca puniki sampun kauji-wacén
