[᭑᭗᭓ 173B]
᭑᭗᭓
ᬭᬶᬦ᭄᭞ᬲᭀᬮᬲᬂᬫᬭᬕᬍᬯᬶᬄ᭞ᬳᬧᬂᬫᬗ᭄ᬤᬾᬦ᭄ᬢ᭄ᬯᬭᬩᭂᬗ᭄ᬓᬸᬂ᭞ᬧᬵᬢᬹᬢ᭄ᬳᬸᬧᬬᬳᬶᬦ᭄ᬧᭂᬲᬦ᭄᭞ᬲᬲᬶᬥᬲᬶᬥᬬᬦ᭄ᬘᭂᬦᬶᬂ᭞ᬫᬧᬫᬸᬗᬸ᭞ᬓᭂᬘᬧ᭄ᬳᬕᬦᬾᬩ᭄ᬯ
ᬢᬂ᭟᭑᭓᭟ᬲᬧᬸᬦᬶᬓᬧᬯᬘᬦᬦ᭄᭞ᬳᬶᬤᬳᬶᬩ᭄ᬬᬂᬫᬧᬓᬾᬮᬶᬂ᭞ᬫᬓᭀ᭠ᬦ᭄ᬳᬶᬤᬲᬂᬕᬸᬡᬯᬵᬦ᭄᭞ᬫᬧᬫᬸᬗᬸᬭᬶᬂᬳᬶᬩᭂᬮᬶ᭞ᬦ᭄ᬤᬢᬦ᭄ᬢᭂᬫ᭄ᬧᬮ᭄ᬤᬶᬓᬳᬶᬦ᭄᭞
ᬤᭀᬦᬶᬂᬳᬶᬤᬫᬗᬓᬳ᭄ᬬᬸᬦ᭄᭞ᬯᬦ᭄ᬢᬄᬚᬕᬫᬢᬗ᭄ᬕᬸᬳ᭞ᬭᬭᬶᬲ᭄ᬳᬶᬤᬵᬓᬦ᭄ᬤᬶᬓᬳᬶᬦ᭄᭞ᬭᬶᬲᬗᬶᬩᬸ᭞ᬧᬸᬦᬶᬓᬚᬦ᭄ᬢᭀᬲᬂᬳᬶᬤ᭟᭑᭔᭟ᬓᬾᬗᬶᬦ᭄ᬗᬦ᭄ᬤᬶ᭠
ᬓᬳᬶᬩ᭄ᬬᬂ᭞ᬫᬯᬲ᭄ᬢᬸᬮᬾᬤᬂᬭᬶᬗ᭄ᬳᬢᬶ᭞ᬲᬬᬦ᭄ᬢ᭄ᬭᬂᬭᬶᬧᬓᬳ᭄ᬬᬸᬦᬦ᭄᭞ᬦᬾᬫᬸᬮᬓᬧᬶᬓᬳ᭄ᬬᬸᬦᬶᬦ᭄᭞ᬭᬭᬶᬲ᭄ᬳᬶᬤᬢᬗ᭄ᬓᬶᬯ᭄ᬫᬗ᭄ᬓᬶᬦ᭄᭞ᬫᬗ᭄ᬭᬜ᭄ᬚᬶᬂᬓᬚ᭄ᬭᭀ
[᭑᭗᭔ 174A]
ᬧᬭᬸᬫ᭄᭞ᬭᬶᬲᬵᬫ᭄ᬧᬸᬦ᭄ᬳᬶᬤᬗᬚ᭄ᬭᭀᬯᬂ᭞ᬩᬮᬶᬸᬮᬾᬧᬭᬸᬫᬦᬾᬓᬵᬓ᭄ᬱᬶ᭞ᬗᭂᬦ᭄ᬤᬶᬄᬫᬸᬭᬸᬩ᭄᭞ᬮᬸᬯᬶᬄᬗᬕᬯᭀᬓᬶᬦ᭄ᬧᬶᬲᬦ᭄᭟᭑᭕᭟ᬧᬗ᭄ᬭᬜ᭄ᬚᬶᬂᬳᬶᬤ
ᬓᬘᬶᬗᬓ᭄᭞ᬦᬸᬚᬸᬲᬂᬓᬓᬫᬮᬶᬗ᭄ᬕᬶᬄ᭞ᬫᬮᬶᬗ᭄ᬕᬶᬄᬭᬶᬂᬧᬮᬗ᭄ᬓᬵᬫᬵᬲ᭄᭞ᬲᬦᬾᬫᬸᬭᬩ᭄ᬮ᭄ᬯᬶᬃᬳᬕᭂᬦᬶ᭞ᬭᬕᬦ᭄ᬳᬶᬤᬦᬾᬲᬯ᭄ᬬᬓ᭄ᬢᬶ᭞ᬲᭂᬍᬫ᭄ᬩᭀᬮᭀᬢ᭄ᬫᬶ
ᬦᬩ᭄ᬓᬸᬓᬸᬲ᭄᭞ᬲᬫᬮᬶᬄᬘᬘᬶᬗᬓ᭄ᬳᬶᬤ᭞ᬯᬮᬸᬬᬲᭂᬧᬸᬓᬦ᭄ᬳᬧᬶ᭞ᬭᬶᬓᬢᬸᬚᬸ᭞ᬫᬘᬘᬶᬗᬓ᭄ᬫᬕᬶᬍᬳᬦ᭄᭟᭑᭖᭟ᬳᬶᬗ᭄ᬕᬶᬳᬦ᭄ᬚᬲᬗ᭄ᬓᬦᬶᬂᬮᬾᬤᬂ᭞᭠
ᬦᬸᬚᬸᬳᬶᬤᬲᬂᬪᬸᬧᬢᬶ᭞ᬳᬶᬤᬫᬶᬘᬬᬂᬘᬘᬶᬗᬓ᭄᭞ᬦᬵᬗ᭄ᬳᬶᬂᬢᬍᬃᬫᬜᭂᬚᭂᬳᬶᬦ᭄᭞ᬭᬶᬓᬵᬮᬳᬶᬤᬫᬗᬓ᭄ᬱᬶ᭞ᬲ᭄ᬯᬪᬵᬯᬦᬾᬚᬵᬢᬶᬢᬸᬳᬸ᭞᭠
Kaca:Bali-lontar-paparikan-ramayana-350ppi.pdf/174
Kaca puniki sampun kauji-wacén
