[᭑᭗᭒ 172B]
᭑᭗᭒
ᬦᬾᬦᬾᬧᬵᬢᬹᬢ᭄ᬧᬫᬸᬗ᭄ᬯᬂ᭞ᬫᬵᬋᬧ᭄ᬢᭂᬓᬾᬦ᭄ᬭᬓᬦ᭄ᬘᭂᬦᬶᬂ᭞ᬫᬶᬦᬓᬤᬶᬲᬂᬭᬄᬯᬡ᭞ᬯᬦ᭄ᬢᬄᬳᬶᬤᬲᬂᬭᬵᬫᬵᬤᬶ᭞ᬓᭂᬦᭂᬄᬫᬾᬫᬾᬳᬶᬤᬲᬶᬯᬶ᭞ᬭᬩᬶᬦ᭄ᬳᬶᬤᬤᬾᬯᬶᬳ
ᬬᬸ᭞ᬫᬗ᭄ᬤᬢᬍᬃᬳᬶᬤᬲᭂᬫ᭄ᬩᬄ᭞ᬦ᭄ᬢᭀᬫᬶᬦᬓᬳᬸᬩᬤ᭄ᬮᭂᬯᬶᬄ᭞ᬓᬾᬢᭀᬢᬸ᭠ᬳᬸᬗᬯᬾᬓᬮᬾᬤᬗᬦ᭄ᬚᬕᬢ᭄᭟᭙᭟ᬦ᭄ᬢᭀᬳᬶᬤᬲᬂᬤᬰᬦᬦ᭞ᬫ᭄ᬯᬢᬂᬧᭂᬲᬦ᭄
ᬫᬬᬓᬶᬢᬶᬦ᭄᭞ᬯᬢᭂᬓ᭄ᬤᬾᬯᬦᬾᬫᬓᭂᬚᬂ᭞ᬧᬧᬶᬦᭂᬳᬾᬲᬸᬩᬧᬱ᭄ᬝᬶ᭞ᬓᬵᬮᬓᬸᬝᬉᬧᬲ᭄ᬕᬸᬫᬶ᭞ᬦᬵᬗ᭄ᬳᬶᬂᬳᬶᬤᬲᬂᬳ᭄ᬬᬂᬕᬸᬭᬸ᭞ᬲᬲᬫᬾᬦ᭄ᬳᬶᬤᬲᬂᬭ᭄ᬫ᭞ᬲᬶᬦᬄᬧᬶᬲᬦ᭄ᬳᭂ
ᬦ᭄ᬢᭀᬚᬶ᭞ᬧᬘᬂᬮᬫ᭄ᬧᬸᬲ᭄᭞ᬭᬓᬦ᭄ᬘᭂᬦᬶᬂᬳᭀᬮᬶᬄᬳᬶᬤ᭟᭑᭐᭟ᬦᬄᬳᬓᬾᬢᭀᬬᬦ᭄ᬓᭂᬦᭂᬳᬂ᭞ᬫᬓᬵᬭᬡᬫᬾᬫᬾᬩᬦᬶ᭞ᬳᬶᬦ᭄ᬤᬶᬓ᭄ᬳᬶᬤᬚᬕᬲᬶᬦᬄ᭞
[᭑᭗᭓ 173A]
ᬲᬾᬤᬦ᭄ᬳᬶᬤᬭᬓᬦ᭄ᬘᭂᬦᬶᬂ᭞ᬤᬶᬢᬸᬤᬶᬧᬲ᭄ᬬᬢᬦ᭄ᬢᬸᬯᬶ᭞ᬧᬸᬦᬶᬲᬸᬩᬢᭂᬮᬄᬧᬸᬯᬸᬦ᭄᭞ᬰᬶᬱᬦ᭄ᬧᬸᬯᬸᬦ᭄ᬜᬕ᭄ᬫᬓᭂᬚᬂ᭞ᬳᭂᬦ᭄ᬢᭀᬘᭂᬦᬶᬂᬚᬵᬢᬶᬘᬶᬭᬶ᭞ᬪᬸᬓ᭄ᬢᬶᬦ᭄ᬳᬶᬧᬸᬦ᭄᭞ᬳᬸ
ᬦ᭄ᬤᬸᬓ᭄ᬳᬸᬦ᭄ᬤᬸᬓ᭄ᬫᬜᬶᬳ᭄ᬦᬬᬂ᭟᭑᭑᭟ᬦᬄᬓᬾᬢᭀᬩ᭄ᬯᬶᬦ᭄ᬢᬢᬫᬦᬦ᭄᭞ᬳᬸᬮᬶᬫᬮᬸᬓᬪᬓ᭄ᬢᬶᬦᬶᬦ᭄᭞ᬧ᭄ᬭᬤᬾᬦᬾᬢᭀᬫᬲᬶᬄᬭᬸᬲᬓ᭄᭞ᬓᬾᬢᭀᬘᭂ
ᬦᬶᬂᬳᬧᬂᬳᬸᬦᬶᬂ᭞ᬢᬭᬸᬦ᭄ᬜᬦᬾᬭᬸᬩᬸᬄᬲᬫᬶ᭞ᬫᬶᬯᬄᬧᬜ᭄ᬚᬓ᭄ᬓᬝᬄᬮᬫ᭄ᬧᬸᬲ᭄᭞ᬩᬳᬸᬤᬦ᭄ᬥᬳᬶᬭᬵᬓ᭄ᬱᬲ᭞ᬢᬶᬫᬦ᭄ᬧᬥᬰᬓ᭄ᬢᬶ᭞ᬳᬦᬾᬫᬮᬸ᭞ᬫᬲᬶᬄ
ᬫᬵᬢᬶᬳᭂᬦ᭄ᬢᭀᬫᬓᭂᬚᬂ᭟᭑᭒᭟ᬓᬾᬢᭀᬧᬵᬢᬹᬢ᭄ᬫᬓᬭᬡ᭞ᬭᬓ᭠ᬦ᭄ᬘᭂᬦᬶᬂᬧᬫᬸᬗᬸᬳᬶᬦ᭄᭞ᬳᬗ᭄ᬓᬭᬦᬾᬩᬲ᭄ᬮᬶᬯᬢ᭄᭞ᬧᬶᬤᬩ᭄ᬤᬩ᭄ᬳᬗ᭄ᬕᭀᬦ᭄ᬦᬸᬢᬸ᭠
Kaca:Bali-lontar-paparikan-ramayana-350ppi.pdf/173
Kaca puniki sampun kauji-wacén
