[᭑᭐᭐ 100B]
᭑᭐᭐
ᬢ᭄ᬓᬸ᭞ᬜᬶᬗᬓ᭄ᬓᬘᬓᬦ᭄ᬕᭂᬢᬶᬳᬾ᭞ᬗᭂᬓᭀᬄᬩᭂᬮᬶᬩ᭄ᬯᬶᬦ᭄ᬗᬭᬸᬭᬸᬄ᭞ᬳᬶᬲᬶᬢᬫᭀᬓ᭄ᬳᬤᬶᬦᬾ᭞ᬲᬧᬸᬦᬶᬓᬭᬯᭀᬲ᭄ᬳᬶᬤ᭟᭕᭟ᬓᭂᬤᬶᬲ᭄ᬳᬧᬢᭀᬫᬲ᭄ᬬᬢ᭄ᬤᬶᬢᬸ᭞ᬓᬮᬶ
ᬯᬢ᭄ᬓᬵᬤ᭄ᬪᬸᬢ᭞ᬓᬫ᭄ᬧᬶᬤ᭄ᬜᬦᬾᬳᬕᭂᬯ᭄ᬬᬓ᭄ᬢᬶ᭞ᬧᬺᬘᬶᬭᬶᬦᬾᬓᭂᬘᬕ᭄ᬤᬶᬢᬸ᭞᭠ᬳᬧᬬᬢᭀᬓᬋᬩᬸᬢ᭄᭞ᬲᬶᬂᬲᬬᬂᬢᭂᬓᬾᬦ᭄ᬳᬸᬭᬶᬧ᭄ᬦᬾ᭞ᬫᬶᬦᬩᬬᬫᬧᬓᬵ
ᬳ᭄ᬬᬸᬦ᭄᭞ᬢᭂᬓᬸᬦ᭄ᬳᬶᬲᬶᬢᬓᬩ᭄ᬯᬢ᭄ᬦᬾ᭞ᬓᬾᬢᭀᬭᬲᬢ᭄ᬯᬭᬮᬾᬦᬦ᭄᭟᭖᭟ᬳᬲᬧᬸᬦᬶᬓᬳᬶᬤᬭᬶᬂᬓᬳ᭄ᬬᬸᬦ᭄᭞ᬲᬵᬲᬂᬭᬵᬖᬯ᭞ᬫᬕᬶᬩ᭄ᬭᬲ᭄ᬳᬶᬤᬧ᭄ᬭ
ᬫᬗ᭄ᬓᬶᬦ᭄᭞ᬤᬸᬫᬶᬮᬄᬯᬮᬸᬬᬧᬸᬯᬸᬦ᭄᭞ᬓᬳ᭄ᬬᬸᬦ᭄ᬳᬶᬤᬤᬳᬢ᭄ᬩᭂᬦ᭄ᬤᬸ᭞ᬓᬩᬗᬦ᭄ᬯ᭄ᬬᬓ᭄ᬢᬶᬅᬓ᭄ᬱᬶᬦᬾ᭞ᬲᬳᬫᬯᬶᬚᬶᬮᬦ᭄ᬓᬯ᭄ᬭᬸᬄ᭞ᬓᬤᬶᬭᬸᬲᬓ᭄᭠
[᭑᭐᭑ 101A]
ᬢ᭄ᬭᬶᬮᭀᬓᬦᬾ᭞ᬳᬦ᭄ᬢᬸᬓ᭄ᬳᬶᬤᬫᬭᬶᬓᭀᬱᬵ᭟᭗᭟ᬓᬤᬶᬲᬂᬳ᭄ᬬᬂᬲᬹᬃᬬ᭄ᬬᬲᬬᬦ᭄ᬫᬸᬭᬸᬩ᭄᭞ᬲᬬᬦ᭄ᬗᬮᬶᬬᬸᬦᬂ᭞ᬫᬶᬫ᭄ᬩᬸᬄᬳᬦ᭄ᬢᬸᬓ᭄ᬰᬓ᭄ᬢᬶ᭞ᬉᬧᬬᬦᬾᬤ
ᬳᬢ᭄ᬯᬶᬪᬸᬄ᭞ᬭᬕᬦᬾᬫᬵᬗᬸᬲᭂᬗᬦ᭄ᬓᭂᬩᬸᬲ᭄᭞ᬳᬦ᭄ᬢᬸᬓ᭄ᬧᬸᬦᬶᬓᬓ᭄ᬭᭀᬥᬦᬾ᭞ᬳ᭄ᬬᬂᬅᬕ᭄ᬦᬶᬯᬮᬸᬬᬢᬸᬳᬸ᭞ᬲᬂᬭᬵᬫᬓᬤᬶᬫᬘᬦᬾ᭞ᬰᬩ᭄ᬤᬓ᭄ᬭᬸᬭᬤ
ᬳᬢ᭄ᬕᬮᬓ᭄᭟᭘᭟ᬳᭂᬜ᭄ᬘᬾᬦ᭄ᬳᭂᬦ᭄ᬢᬾᬭᬵᬓ᭄ᬱᬲᬦᬾᬚᬸᬫ᭄ᬩᬸᬄ᭞ᬦᬾ᭠ᬩᬤᬶᬯᬶᬭᭀᬱ᭞ᬳᬦᬾᬗᬋᬩᬸᬢᬶᬦ᭄ᬤᬶᬦᬶ᭞ᬳᬶᬤᬤᬾᬯᬶᬲᬶᬢᬳᬬᬸ᭞ᬳᬧ
ᬓᬾᬳᬶᬭᬵᬫᬢᬓᬸᬢ᭄᭞ᬢᭂᬓᬾᬦ᭄ᬫᬲᬸᬄᬰᬓ᭄ᬢᬶᬳᬳᬾᬂ᭞ᬫᬓ᭄ᬭᬡᬦ᭄ᬳᬶᬩᬦᬾᬧᬸᬭᬸᬦ᭄᭞ᬓᬮᬶᬯᬢ᭄ᬦᬶᬱ᭄ᬝᬦ᭄ᬳᬶᬩᬦᬾ᭞ᬭᬵᬓ᭄ᬱᬲᬓᬮᬶᬯᬢ᭄ᬤᬸᬱ᭄ᬝᬵ᭟
Kaca:Bali-lontar-paparikan-ramayana-350ppi.pdf/101
Kaca puniki sampun kauji-wacén
