Kaca:Bali-lontar-paparikan-ramayana-350ppi.pdf/100

Saking Wikisource
Kaca puniki sampun kauji-wacén

[᭙᭙ 99B]
᭙᭙
ᬗᬶᬲ᭄ᬧᬸᬢ᭄ᬭᬭᬖᬸ᭞ᬲᬵᬳᬳᬶᬤᬳᭂᬗ᭄ᬲᬧ᭄᭞ᬭᬲᬫᬢᬶᬓᬤᬶᬪᬱ᭄ᬫᬶ᭞ᬲᭂᬤᬶᬳᬾᬮᬸᬯᬶᬃᬩᭂᬦᬶᬫᬸᬭᬸᬩ᭄᭞ᬳᬗᬶᬦᬾᬜᬶᬃᬲᬶᬃᬧᬸᬦᬶᬓ᭞ᬩᬗᭂᬢ᭄ᬗᭂᬢᬶᬲᬶᬦ᭄ᬭᬕ
ᬦᬾ᭞ᬓᬾᬯᬮᬉᬧᬲ᭄ᬓᬲᭂᬗ᭄ᬕᬸᬄ᭞ᬗᬯᬾᬦᬂᬧᬮᬶᬂᬳᬦᬓᬾ᭞ᬳᭀᬮᬄᬳᬶᬦ᭄ᬤᬶᬓᬾᬧᬸᬦᬶᬓ᭟᭑᭟ᬢᬸᬫᬸᬮᬶᬫᬾᬮᬶᬂᬗ᭄ᬳᬶᬳᬶᬤᬍᬲᬸ᭞ᬫᬜᬸᬢ᭄ᬲᬸᬢᬶᬦ᭄‌ᬳᬶ
ᬤ᭞ᬢᭀᬬᬦ᭄ᬳᬓ᭄ᬱᬶᬤᬺᬲ᭄ᬫᬶᬚᬮ᭄᭞ᬫᬃᬕᬶᬳᬶᬤᬮᬸᬗ᭄ᬳᬫᬜ᭄ᬚᬸᬲ᭄᭞ᬧᬭᬭᬕᬦ᭄ᬳᬶᬤᬫᬵᬓᬸᬂ᭞ᬓᭂᬢᬶᬫᬦ᭄ᬮᬭᬫᬦᬳᬾ᭞ᬢᬦ᭄ᬮᬮᬶᬗᬃᬘ᭄ᬙᬡᬭᬢᬸ᭞ᬢ᭠ᬦ᭄ᬢᭂᬮᬤ᭄ᬯᬦ᭄ᬢᬄᬓᬶᬃᬣᬶᬦᬾ᭞ᬮᬓ᭄ᬱᬡᬦ᭄ᬳᬶᬤᬲᬂᬥᬃᬫ᭄ᬫᬵ᭟᭒᭟ᬲᬵᬫ᭄ᬧᬸᬦ᭄ᬳᬶᬤᬲᬂᬘᬵᬖᬯᬧᬸᬧᬸᬢ᭄᭞ᬫᬗᬃᬘ᭄ᬙᬡᬤᬾᬯ᭞ᬫᬶᬯᬄᬫᬢ᭄ᬭᬶᬲᬦ᭄ᬥ᭄ᬬᬫ
[᭑᭐᭐ 100A]
ᬮᬶᬄ᭞ᬫᬫᬃᬕᬶᬚᬕᬗᬭᬸᬭᬸᬄ᭞ᬳᬶᬤᬤᬾᬯᬶᬲᬶᬢᬳᬬᬸ᭞ᬧᬗ᭄ᬕᬶᬄᬧᭂᬘᬓ᭄ᬧᬬᬸᬤ᭄ᬥᬦᬾ᭞ᬭᬄᬯᬡᬮᬯᬦ᭄ᬚᬝᬬᬸ᭞ᬓᬳ᭄ᬬᬸᬦ᭄ᬳᬶᬤᬤᬳᬢ᭄ᬓᬕᬾᬢ᭄᭞
ᬗᬦ᭄ᬢᭂᬦᬶᬦ᭄ᬘᬶᬭᬶᬦ᭄ᬧᬬᬸᬤ᭄ᬥ᭟᭓᭟ᬳᬤᬶᬮᬓ᭄ᬱ᭄ᬫᬡᬫᬳᬶᬚᬮᬓᬸ᭞ᬦᬶᬓᬶᬳᬤᬶᬘᬶᬗᬓ᭄᭞ᬬᬾᬦᬶᬂᬧᭂᬤᬲᬂᬧᬸᬦᬶᬓᬶ᭞ᬓᬮᬫᬮᬕᬳᬶᬯᬯᬸ᭞
ᬭᬄᬧᬘ᭄ᬭᬾᬢ᭄ᬕᬾᬢ᭄ᬩᬭᬓ᭄᭞ᬫᬸᬭᬹᬩ᭄᭞ᬓᬲᭂᬫ᭄ᬧᬮ᭄ᬓᭂᬘᬕ᭄ᬮᬶᬫᬦ᭄ᬦᬾ᭞ᬓᬸᬮ᭠ᬫ᭄ᬩᬶᬓ᭄ᬭᬾᬢᬳᬶᬓᬸ᭞ᬧᬸᬦᬶᬓᬫᬮᬶᬄᬓᬸᬤᬦᬾ᭞ᬲᬫᬶᬢᭂᬮᬲ᭄ᬓᬭᬸᬲᬓᬦ᭄
᭟᭔᭟ᬳᬤᬶᬳᬶᬦ᭄ᬤᬬᬂᬧᭂᬤᬲᬂᬫᬮᬸ᭞ᬳᬧᬦᬾᬫᬮᬕᬲᬸᬲᬸᬧ᭄ᬳᬮᬲᬾᬳᬮᬶᬳᬶᬦ᭄᭞ᬭᬵᬓ᭄ᬱᬲᬦᬾᬳᭂᬦ᭄ᬢᭀᬤᬶᬢᬸ᭞ᬩᬮᬶᬓ᭄‌ᬳᬤᬶᬲᬓᬶ