[᭗᭑ 71B]
᭗᭑
ᬦ᭄᭞ᬧ᭄ᬭᬫᬶᬰ᭄ᬯᬭᬶᬫᬦ᭄ᬤᬾᬯᬢ᭄ᬣᬶ᭞ᬢᬦ᭄ᬧᬓᬵᬃᬬ᭄ᬬᬬᬾᬦ᭄ᬧᬘᬂᬫᬵᬦ᭄ᬢᬸᬓ᭄ᬓᬤ᭄ᬳᬵ᭟ᬚᬬᬾᬂᬓᬸᬲᬸᬫᬵᬳᬮᬸᬲ᭄ᬗᬸᬘᬧ᭄᭞ᬗᬸᬤ᭄ᬬᬂᬓᬾᬢᭀᬩᬳᬦ᭄ᬳᬤᬶ᭞ᬩᬸᬓᬵᬜᬶᬦ᭄ᬢᭂᬤᬶᬦ᭄ᬗᬦ᭄ᬤᬶᬓᬵ᭞ᬲᬗ᭄ᬓᬦ᭄ᬩᭂ
ᬮᬶᬫᬦᬭᬾᬓᬶᬦ᭄᭞ᬗᬸᬤ᭄ᬬᬂᬓᬾᬢᭀᬩᬳᬦ᭄ᬳᬤᬶ᭞ᬚᬦᬶᬓᬶᬚᬵᬧᬘᬂᬮᬓᬸ᭞ᬩ᭄ᬘᬶᬓ᭄ᬩᭂᬘᬶᬓ᭄ᬗᬦ᭄ᬤᬶᬓᬵ᭞ᬩᭀᬬᬵᬲᬫ᭄ᬧᬸᬦᬂᬜᬸᬕ᭄ᬚᬸᬕᬶᬦ᭄᭞ᬲᬵᬫ᭄ᬧᬸᬦ᭄ᬭᬢᬸᬢᬶᬓ᭄ᬱ᭄ᬡᬵᬭᬶᬂᬧᬓᬬᬸᬦᬦ᭄᭟ᬢ᭄ᬯᬦ᭄ᬧᬸ
ᬢ᭄ᬭᬶᬘᬶᬡ᭄ᬤ᭄ᬭᬵᬓᬶᬭᬡᬵ᭞ᬲᬯᬹᬃᬲᭂᬫ᭄ᬩᬄᬳᬢᬹᬃᬫᬦᬶᬲ᭄᭞ᬗᬶᬭᬶᬂᬲᬵᬫ᭄ᬧᬸᬦ᭄ᬓᬓᬸᬭᬶᬧᬦ᭄᭞ᬢᬶᬢ᭄ᬬᬂᬗᬶᬭᬶᬂᬮᬶᬗ᭄ᬕᬶᬄᬩ᭄ᬮᬶ᭞ᬢ᭄ᬯᬭᬵᬳᬸᬘᬧᬂᬩ᭄ᬯᬶᬦ᭄᭞ᬢ᭄ᬓᬦᬶᬂᬧ᭄ᬯᬭᬵᬮᬯᬸᬢ᭄᭞ᬚᬬᬾᬂᬓᬸᬲᬸᬫᬵᬦ᭄ᬤᬯᬸᬳᬂ᭞ᬭᬶᬂ
ᬳᬶᬓᬮᬂᬯᬶᬭᬸᬦ᭄ᬓᬮᬶᬄ᭞ᬳᬶᬬᬦ᭄ᬥᬓᬵᬫᬓᬵᬫᬶᬯᬄᬭᬶᬂᬳᬶᬲ᭄ᬫᬃ᭟ᬫᬗ᭄ᬤᬾᬕ᭄ᬮᬸᬲ᭄ᬫᬦ᭄ᬤᬯᬸᬳᬂ᭞ᬭᬶᬂᬧᬭᬵᬧᬗᬶᬭᬶᬂᬲᬫᬶ᭞ᬳᬶᬯᬶᬭᬸᬦ᭄ᬲᬫ᭄ᬧᬸᬦ᭄ᬦ᭄ᬤᬯᬸᬳᬂ᭞ᬳᬶᬚᬬᬾᬂᬓᬸᬲᬸᬫᬦᬾᬫᬗ᭄ᬓᬶᬦ᭄᭞ᬢᬸᬫᬸ
[᭗᭒ 72A]
ᬭᬭᬶᬲ᭄ᬫᬧᬫᬶᬢ᭄᭞ᬜᭂᬫ᭄ᬩᬄᬭᬶᬂᬳᬶᬤᬵᬲᬂᬧ᭄ᬭᬪᬹ᭞ᬫᬫᬃᬕ᭄ᬕᬶᬦᬾᬳᬩ᭄ᬭᬶᬬᬸᬓᬦ᭄᭞ᬬᬦ᭄ᬳᬓᬸᬤᬂᬚᬦ᭄ᬫᬵᬗᬶᬭᬶᬂ᭞ᬲᬬᬦ᭄ᬮ᭄ᬬᬸᬫᬳᬦ᭄ᬧᬜ᭄ᬚᬓ᭄ᬱᬲᬾᬭᬾᬳᬦ᭄᭟ᬲᬸᬗ᭄ᬲᬸᬢ᭄ᬲᬂᬧ᭄ᬭᬪᬹᬕᬕ᭄ᬮᬂ᭞ᬤᬾ
ᬦᬶᬮᬶᬦ᭄ᬢᬂᬓᬾᬫᬦ᭄ᬕᬢᬶ᭞ᬳᬦ᭄ᬢᬸᬓ᭄ᬱᬂᬧ᭄ᬭᬪᬹᬕᬕ᭄ᬓᬂ᭞ᬚᬬᬾᬂᬓᬸᬲᬸᬫᬵᬯ᭄ᬬᬓ᭄ᬢᬶ᭞ᬲᬸᬳᬸᬂᬫᬸᬂᬫᬸᬂᬧᬭᬵᬚᬦᬶ᭞ᬳᬶᬤᬵᬤᬦᬾᬲᬫᬶᬲᬸᬗ᭄ᬲᬸᬢ᭄᭞ᬭᬾᬄᬚᬬᬾᬂᬓᬸᬲᬸᬫᬵᬩᬸᬤᬮ᭄᭞ᬓᬮᬶᬄᬭᬤᬾᬦ᭄ᬲᬶᬗ᭄ᬳᬵ
ᬫᬦ᭄ᬢ᭄ᬭᬶ᭞ᬮᬶᬦ᭄ᬢᬂᬳᬶᬗᬸᬄᬓᬮᬳᬶᬦ᭄ᬳᬶᬯᬶᬭᬸᬦ᭄ᬲ᭄ᬫᬃ᭟ᬤᬾᬦᬶᬂᬚᬸᬭᬸᬧᬗᬚᬸᬫᬦ᭄᭞ᬯᬃᬡ᭄ᬦᬦ᭄ᬭᬤᬾᬦ᭄ᬲᬶᬗ᭄ᬳᬵᬫᬵᬦ᭄ᬢ᭄ᬭᬶ᭞ᬳᭂᬦ᭄ᬢᭀᬓ᭄ᬭᬡᬓᬲᬬᬗᬂ᭞ᬳᬶᬯᬶᬭᬸᬦ᭄ᬲ᭄ᬫᬃᬲᬲᬳᬶ᭞ᬧ᭄ᬢᭂᬂᬮ᭄ᬫᬄᬓᬳᬶᬗ᭄ᬓᬺᬓᬶᬦ᭄᭞ᬭᬾᬄ
ᬓ᭄ᬫᬶᬓᬦ᭄ᬜᬦᬾᬧᬫᬘᬸᬓ᭄᭞ᬳᬶᬯᬶᬭᬸᬦ᭄ᬫᬶᬯᬄᬳᬶᬲ᭄ᬫᬃ᭞ᬗᬚᬸᬫ᭄ᬭᬤᬾᬦ᭄ᬲᬶᬗ᭄ᬳᬵᬫᬵᬦ᭄ᬢ᭄ᬭᬶ᭞ᬓᬶᬘᬾᬦ᭄ᬤᬃᬥᬃᬓᬫ᭄ᬩᭂᬦ᭄ᬳᬸᬧᬄᬫᬗᬚᬸᬫᬂ᭟ᬧᬫᬃᬕ᭄ᬕᬶᬜ᭄ᬚᬬᬾᬂᬓᬸᬲᬸᬫᬵ᭞ᬗᬮᬶᬯᬢᬶᬦ᭄ᬳᬮᬲ᭄ᬩᬸᬓᬶᬢ᭄᭞ᬓᬮᬶᬄᬭ
Kaca:Bali-lontar-paparikan-panji-semirang-250ppi.pdf/72
Kaca puniki sampun kauji-wacén
