[᭗᭐ 70B]
᭗᭐
ᬗᬺᬧ᭄ᬤᬶᬧᬫᬺᬫᬦ᭄ᬲᬳᬶ᭞ᬫᬗᬸᬗ᭄ᬓᬸᬘᬶᬡ᭄ᬥ᭄ᬭᬵᬓᬶᬭᬡᬵ᭞ᬤᬾᬦᬶᬂᬩᬸᬫᬭᬵᬓᬧᬗ᭄ᬕᬶᬄ᭞ᬚᬦᬶᬫᬗᬸᬮᬸᬭᬶᬦ᭄ᬲᬳᬶ᭞ᬫᬮᬾᬤᬂᬮᬾᬤᬂᬭᬶᬂᬓᬬᬸᬦ᭄᭞ᬢ᭄ᬯᬦ᭄ᬧᬸᬢ᭄ᬭᬶᬘᬶᬡ᭄ᬥ᭄ᬭᬓᬶᬭᬡᬵ᭞ᬓ᭄ᬥᬸᬤ᭄ᬮᬾᬫ᭄ᬮᬾᬫ᭄ᬮᬦᬂᬳᬶᬲ᭄ᬢ᭄ᬭᬶ
ᬩᬲ᭄ᬫᬲ᭄ᬓᬸᬂᬤᬶᬧᬫᬺᬫᬦ᭄ᬫᬓᬲᬸᬓᬦ᭄᭟ᬦᬾᬚᬦᬶᬚᬬᬾᬂᬓᬸᬲᬸᬫᬵ᭞ᬫᬭᬦᬶᬦ᭄ᬧᬸᬢ᭄ᬭᬶᬦᬾᬓᬵᬮᬶᬄ᭞ᬤᬾᬤᬶᬓᬭᬂᬧ᭄ᬲᬢ᭄ᬭ᭄ᬬᬵᬦ᭄᭞ᬦᬯᬂᬘᬶᬡ᭄ᬥ᭄ᬭᬦᬶᬮᬵᬯᬢᬶ᭞ᬗᬸᬘᬧ᭄ᬧᬸᬢ᭄ᬭᬶᬦᬶᬮᬵᬯᬢᬶ᭞ᬫᬗ᭄ᬓᬶᬦ᭄ᬩ᭄ᬮᬶ
ᬮᬮᬶᬲᬵᬫ᭄ᬧᬸᬦ᭄᭞ᬤᬾᬦᬶᬂᬲᬵᬫ᭄ᬧᬸᬦ᭄ᬫᬘᬓ᭄ᬧᬦ᭄᭞ᬗᬸᬮᬸᬭᬶᬦ᭄ᬓᬬᬸᬦᬾᬲᬳᬶ᭞ᬓ᭄ᬜᭂᬫ᭄ᬓᭂᬜᭂᬫ᭄ᬚᬬᬾᬂᬓᬸᬲᬸᬫᬵᬳᬗᬸᬘᬧ᭄᭟ᬗᬸᬤ᭄ᬬᬂᬧᬘᬂᬳᭂᬗ᭄ᬲᬧ᭄᭞ᬭᬶᬂᬳᬶᬫᬶᬭᬄᬫᬓᬵᬓᬮᬶᬄ᭞ᬓᬾᬢᭀᬳ
ᬮᬸᬲ᭄ᬫᬗᬦ᭄ᬤᬶᬓᬵ᭞ᬮᬸᬢ᭄ᬧᬸᬢ᭄ᬭᬶᬦᬾᬫᬓᬵᬓᬮᬶᬄ᭞ᬓᬭᬸᬫ᭄ᬭᬸᬫ᭄ᬩ᭄ᬲᬶᬓ᭄ᬩᭂᬲᬶᬓ᭄᭞ᬤᬶᬧᬫᬺᬫᬦ᭄ᬗᬍᬮᬸᬜᬸᬄ᭞ᬚᬬᬾᬂᬓᬸᬲᬸᬫᬵᬧ᭄ᬭᬚ᭄ᬜᬦ᭄᭞ᬗᬮᬧ᭄ᬢᬺᬱ᭄ᬡᬦ᭄ᬳᬦᬓ᭄ᬳᬶᬲ᭄ᬢ᭄ᬭᬶ᭞ᬢ᭄ᬯᬦ᭄ᬧᬸᬢ᭄ᬭᬶᬫᬓᬵᬤᬤ᭄ᬯᬵᬧ
[᭗᭑ 71A]
ᬥᬵᬮ᭄ᬬᬂ᭟ᬚᬬᬾᬂᬓᬸᬲᬸᬫᬵᬩ᭄ᬯᬶᬦ᭄ᬢᬸᬮᬓ᭄᭞ᬓᬧᬫᬺᬫᬦᬾᬢ᭄ᬯᬦ᭄ᬧᬸᬢ᭄ᬭᬶ᭞ᬘᬶᬡ᭄ᬥ᭄ᬭᬓᬶᬭᬡᬵᬦᬾᬲᬬᬂ᭞ᬚᬬᬾᬂᬓᬸᬲᬸᬫᬵᬦᬾᬚᬦᬶ᭞ᬫᬗᬸᬘᬧᬺᬫ᭄ᬧᬸᬄᬫᬦᬶᬲ᭄᭞ᬚᬶᬯ᭄ᬯᬦ᭄ᬢᬶᬢ᭄ᬬᬗᬾᬳᬶᬭᬢᬸ᭞ᬤᬾ
ᬤᬶᬲᬵᬫ᭄ᬧᬸᬦ᭄ᬮᬫᬶᬧᬶᬲᬦ᭄᭞ᬢᬶᬢ᭄ᬬᬂᬫᬕ᭄ᬦᬄᬳᬶᬭᬶᬓᬶ᭞ᬭᬶᬂᬕᬕ᭄ᬮᬂᬫᬦᬄᬢᬶᬢ᭄ᬬᬂᬚᬕᬵᬢᬸᬮᬓ᭄᭟ᬚᬕᬵᬫᬦ᭄ᬢᬸᬓ᭄ᬓᬓᬸᬭᬶᬧᬦ᭄᭞ᬗ᭄ᬳᬶᬂᬢᬶᬢ᭄ᬬᬂᬫᬶᬲᬭᬵᬳᬤᬶ᭞ᬓᬶᬚᬵᬧᬘᬂᬧᬓᬬᬸᬦᬦ᭄᭞ᬓᬓᬸᬭᬶᬧ
ᬦ᭄ᬲᬦᬶᬸᬮᬶᬢᬸᬗ᭄ᬕᬶᬮ᭄᭞ᬓᬤ᭄ᬳᬵᬢᬶᬢ᭄ᬬᬂᬗᬶᬭᬶᬂ᭞ᬲᬓᬬᬸᬦ᭄ᬓᬬᬸᬦ᭄ᬳᬶᬭᬢᬸ᭞ᬘᬶᬡ᭄ᬥ᭄ᬭᬵᬓᬶᬭᬡᬵᬜᭂᬫ᭄ᬩᬄ᭞ᬫᬵᬢᬹᬃᬗᬸᬦ᭄ᬢᬸᬓ᭄ᬲᬳᬵᬪᬓ᭄ᬢᬶ᭞ᬫ᭄ᬭᬶᬓᬵᬗ᭄ᬭᬭᬶᬲ᭄ᬓᬾᬯᬦ᭄ᬢᭂᬦ᭄ᬩᭂᬮᬶᬓᬤ᭄ᬳᬵ᭟ᬲᬯᬶᬭᬾᬄᬯᬾ
ᬦ᭄ᬢᭂᬦ᭄ᬭᬶᬂᬤ᭄ᬳᬵ᭞ᬩ᭄ᬮᬶᬦ᭄ᬥᬸᬯᬾᬧ᭄ᬭᬫᬶᬰ᭄ᬯᬭᬶ᭞ᬕᬮᬸᬄᬳᬚᭂᬂᬦᬾᬦᬾᬲᬬᬂ᭞ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬫᬗᬶᬭᬶᬂ᭞ᬗᬸᬤ᭄ᬬᬂᬗᬺᬋᬄᬧᬜᬓᬶᬢ᭄᭞ᬢᬦ᭄ᬧ᭄ᬭᬶᬯᬗ᭄ᬤᬾᬧᬘᬂᬋᬤᬸᬢ᭄᭞ᬮᬸᬤ᭄ᬢᬶᬢ᭄ᬬᬂᬓᬢᬶᬗ᭄ᬕᬮ
Kaca:Bali-lontar-paparikan-panji-semirang-250ppi.pdf/71
Kaca puniki sampun kauji-wacén
