[᭒᭕ 25B]
᭒᭕
ᬲ᭄ᬢ᭄ᬯᬭᬵᬗᬸᬘᬧ᭄᭞ᬫᬓ᭄ᬮᭀᬫᬫᭀᬖᬵ᭞ᬧᬥᬵᬧᬲᬮᬶᬂᬲᬭᬾᬭᬾ᭞ᬲᬶᬭᬶᬦᬶᬂᬧᬥᬵᬕᬸᬮᬗᬸᬦ᭄᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬧᬢᬶ᭞ᬢ᭄ᬓᬾᬦᬶᬂᬧᬜ᭄ᬚᬶᬲ᭄ᬫᬶᬭᬂ᭞ᬫᬧᬧᬲ᭄ᬫᬘ᭄ᬧᬸᬓ᭄᭞ᬘᬘᬶᬗᬓᬾᬧᬥᬵᬜᬜ
ᬧ᭄ᬓᬜᭂᬜᭂᬭᬦ᭄᭞ᬢ᭄ᬯᬭᬵᬲᬗ᭄ᬲᬶᬄᬳᬗᬦ᭄ᬓᬶᬤᬶᬓ᭄᭞ᬜᬦ᭄ᬤ᭄ᬦᬕ᭄ᬫᬗᬜᬸᬤᬂᬫᬦᬄ᭟ᬕ᭄ᬢᬃᬫᬵᬢᬹᬃᬧᬜ᭄ᬚᬶᬲ᭄ᬫᬶᬭᬂᬫᬗ᭄ᬓᬶᬦ᭄ᬲᬳᬵᬲᭂᬫ᭄ᬩᬄ᭞ᬳᬶᬗ᭄ᬕᬶᬄᬩ᭄ᬮᬶᬦ᭄ᬢᬶᬢ᭄ᬬᬂ᭞ᬬᬦᬶᬂᬤᬸᬭᬸᬲ᭄ᬧᬮᬸᬗᬦᬾ᭞ᬓᬦ᭄ᬕᬵᬭᬤ᭄ᬳᬵᬭᬢᬹ᭞
ᬬᬦ᭄ᬫᬸᬗ᭄ᬕ᭄ᬯᬶᬂᬩ᭄ᬮᬶᬫᬗᬸᬜ᭄ᬘᬶᬂ᭞ᬭᬶᬂᬢᬸᬮᬓᬾᬲᬶᬫ᭄ᬧᬂᬧᬶᬲᬦ᭄᭞ᬲᬵᬫ᭄ᬧᬸᬦᬂᬫᬗ᭄ᬮᬦ᭄ᬢᬸᬃ᭞ᬫᬦ᭄ᬢᬸᬓ᭄ᬭᬭᬶᬲ᭄ᬓᬓᬸᬭᬶᬧᬦ᭄᭞ᬫᬗ᭄ᬤᬵᬢᬶᬢ᭄ᬬᬂ᭞ᬗ᭄ᬕᬶᬄᬳᬸᬦᬶᬂᬭᬶᬂᬭᬳᬶᬦ᭄ᬩ᭄ᬮᬶ᭞ᬧᬸᬢ᭄ᬭᬶᬲᬓᬶᬂᬤ᭄ᬳᬵᬧᬸᬭᬵ᭟ᬲᬯᬂᬢᬶᬢ᭄ᬬᬂᬭ
ᬱᬵᬢ᭄ᬓᬵᬲᬯᬯᬶᬫᬘᬓ᭄ᬧᬦ᭄᭞ᬭᬶᬂᬩ᭄ᬮᬶᬲᬡ᭄ᬥᬶᬗᬂ᭞ᬭᬾᬄᬮᬩᭂᬓ᭄ᬧᬶᬲᬦ᭄ᬕᬢ᭄ᬭᬦᬾ᭞ᬳᬬᬸᬦᬾᬫᬦ᭄ᬭᬸᬲ᭄ᬢᬸᬜ᭄ᬚᬸᬂ᭞ᬗᬲᭀᬭᬂᬲᬩᬢᬦ᭄ᬮᬗᬶᬢ᭄᭞ᬲᬧᬸᬦᬶᬓᬵᬚᬢᬶᬧᬶᬲᬦ᭄᭞ᬲᬹᬃᬬ᭄ᬬᬘᬡ᭄ᬤ᭄ᬭᬢᬸᬳᬸ᭞
[᭒᭖ 26A]
ᬬᬾᬦᬶᬂᬩ᭄ᬮᬶᬫ᭄ᬭᬕᬵᬲᬹᬃᬬ᭄ᬬ᭞ᬓᬩᬸᬮᬦᬦ᭄᭞ᬲᬧᬸᬦᬶᬓᬵᬬᬦ᭄ᬳᬸᬧᬫᬶ᭞ᬮᬦᬂᬩᬕᬸᬲ᭄ᬳᬶᬲ᭄ᬢ᭄ᬭᬶᬫ᭄ᬮᬄ᭟ᬬᬦᬶᬂᬲᬵᬫ᭄ᬧᬸᬦ᭄ᬩᭂᬮᬶᬲᬶᬤᬵᬫᬩᬸᬜ᭄ᬘᬶᬂᬯᬳᬸᬢᬶᬢ᭄ᬬᬂ᭞ᬗᬶᬭᬶᬂᬧᬓᬬᬸᬦᬦ᭄᭞ᬓᬤᬶᬤᬕᬶᬂᬧᬗᬃᬱᬦᬾ᭞ᬫ
ᬲᬋᬗᬜ᭄ᬚ᭄ᬭᭀᬦᬶᬂᬓ᭄ᬮᬫ᭄ᬩᬸ᭞ᬢᬶᬢ᭄ᬬᬂᬗᬶᬭᬶᬂᬮᬶᬗ᭄ᬕᬶᬄᬩ᭄ᬮᬶ᭞ᬧᬥᬵᬗᬸᬮᬸᬭᬶᬦ᭄ᬳᬃᬱᬵ᭞ᬓᬾᬢᭀᬲᬮᬶᬂᬢᭂᬫ᭄ᬩᬸᬂ᭞ᬩᬩᬯᭀᬲ᭄ᬧᬜ᭄ᬚᬶᬲ᭄ᬫᬶᬭᬂ᭞ᬲᬋᬂᬳᬶᬤᬵ᭞ᬭᬤᭂᬦ᭄ᬳᬶᬦᬸᬓᬃᬢ᭄ᬣᬵᬧᬢᬶ᭞ᬲᬕᬾᬢ᭄ᬲᬸᬩᬵᬧ᭄ᬢᭂᬂᬧᬶᬲ
ᬦ᭄᭟ᬧᬜ᭄ᬚᬶᬲ᭄ᬫᬶᬭᬂᬫᬜᭂᬫ᭄ᬩᬄᬫᬧᬫᬶᬢ᭄ᬭᬭᬶᬲ᭄ᬩᬸᬤᬮ᭄᭞ᬗ᭄ᬭᬭᬶᬲ᭄ᬓᬧᬫᬺᬫᬦ᭄᭞ᬢ᭄ᬯᬭᬵᬳᬸᬘᬧᬂᬯ᭄ᬗᬶᬦᬾ᭞ᬦᬭᬸᬧᬸᬢ᭄ᬮᬦ᭄ᬢᬲ᭄ᬫᬸᬗᬸ᭞ᬧᬜ᭄ᬚᬶᬲ᭄ᬫᬶᬭᬂᬫᬗ᭄ᬭᬭᬶᬲ᭄᭞ᬗᭀᬚᭀᬕ᭄ᬓᬧᬲᬗ᭄ᬭ᭄ᬭᬳᬦ᭄᭞ᬳᬶ
ᬤᬵᬭᬤᬾᬦ᭄ᬩᬕᬸᬲ᭄᭞ᬳᬶᬦᬸᬓᬵᬃᬢ᭄ᬣᬶᬓᬭᬶᬗ᭄ᬮᬸᬫᬄ᭞ᬫᬦᬶᬫ᭄ᬧᬳᬶᬦ᭄ᬕᬕᬸᬮᬶᬗᬾᬢᬭᬶᬲ᭄᭞ᬫᬮᬶᬗ᭄ᬕᬶᬄᬧᬜ᭄ᬚᬶᬲ᭄ᬫᬶᬭᬂ᭟ᬤᬶᬲᬶᬲᬶᬦᬾᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬶᬫᬗᬤᬾᬗᬂ᭞ᬗᬸᬭᬸᬢ᭄ᬳᬸᬭᬸᬢ᭄
Kaca:Bali-lontar-paparikan-panji-semirang-250ppi.pdf/26
Kaca puniki sampun kauji-wacén
