[᭒᭔ 24B]
᭒᭔
ᬫ᭄ᬗᬭᬗ᭄ᬕᬵ᭟ᬭᬭᬶᬲ᭄ᬗᬸᬗ᭄ᬲᬶᬧᬫᬺᬫᬦ᭄ᬫᬳᬵᬤᬾᬯᬶᬧᬜ᭄ᬚᬶᬲ᭄ᬫᬶᬭᬂ᭞ᬤᬧ᭄ᬢᬂᬓ᭄ᬜᭂᬓᬦ᭄᭞ᬫᬩᬩᬯᭀᬲᬦ᭄ᬢᬸᬫᬶᬦᬾ᭞ᬓᬢᬶᬭᬶᬂᬩᬦ᭄ᬢᬸᬦ᭄ᬕᬮᬸᬄ᭞ᬧᬸᬱ᭄ᬧᬵᬚ᭄ᬯᬶᬢ᭄ᬣᬵᬧᬸᬱ᭄ᬧᬵᬲᬭᬷ᭞ᬧᬜ᭄ᬚᬶᬲ᭄ᬫᬶᬭᬂᬳᬗᬸᬘᬧ᭄᭞ᬓᬮᬶᬚ
ᬦᬶᬳ᭄ᬦᬸ᭞ᬳᬤᬶᬦ᭄ᬩ᭄ᬮᬶᬫᬓᬤᬤ᭄ᬯᬵ᭞ᬫᬺᬭᬯᭀᬲᬦ᭄᭞ᬧᬸᬱ᭄ᬧᬵᬚ᭄ᬯᬶᬢ᭄ᬣᬵᬧᬸᬱ᭄ᬧᬵᬲᬭᬷ᭞ᬮᬳᬸᬢ᭄ᬓ᭄ᬜᭂᬫ᭄ᬫᬗᬸᬦ᭄ᬢᬸᬓᬂ᭟ᬲᬲ᭄ᬧᬾᬦ᭄ᬧᬜ᭄ᬚᬶᬲ᭄ᬫᬶᬭᬂᬫᬩᬶᬲᬶᬓ᭄ᬫ᭄ᬭᭀᬂᬓᬃᬡ᭄ᬦᬵ᭞ᬫᬦᭂᬲ᭄ᬓᬂᬧᬶᬲᬦ᭄᭞ᬓᬾᬦᬾᬤᬕᬶᬂ
ᬧᬩᬶᬲᬶᬓᬾ᭞ᬭᬶᬂᬫᬳᬵᬤᬾᬯᬶᬳᬮᬸᬲ᭄᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬷ᭞ᬫᬲᬦ᭄ᬤᭂᬓᬦ᭄ᬫᬋᬋᬧᬦ᭄᭞ᬫᬵᬗ᭄ᬓᬶᬦ᭄ᬤ᭄ᬭᬶᬓᬶᬲᬵᬫ᭄ᬧᬸᬦ᭄᭞ᬲᬵᬫ᭄ᬧᬸᬦ᭄ᬜᭂᬦ᭄ᬫᬾᬫᬾᬫ᭄ᬤᬮ᭄᭞ᬧᬘᬂᬜᬧ᭞ᬫᬗ᭄ᬤᬵᬲᬵᬫ᭄ᬧᬸᬦ᭄ᬓ
ᬳᬸᬦᬶᬗᬶᬦ᭄᭞ᬓᬦ᭄ᬢᭂᬦ᭄ᬭᬳᬱ᭄ᬬᬦ᭄ᬢᬶᬢ᭄ᬬᬂ᭟ᬲᬬᬦ᭄ᬧ᭄ᬢᭂᬂᬲᬸᬩᬵᬮᬶᬯᬢ᭄ᬢᭂᬗᬄᬯ᭄ᬗᬶᬧᬜ᭄ᬚᬶᬲ᭄ᬫᬶᬭᬂ᭞ᬮᬯᬸᬢ᭄ᬓᬧᬫᬺᬫᬦ᭄᭞ᬜ᭄ᬫᬓ᭄ᬧᬦᬓ᭄ᬧᬦᬓᬦᬾ᭞ᬚᬗ᭄ᬓᬸᬢᬶᬦ᭄ᬮᬯᬸᬢ᭄ᬭᬸᬫ᭄ᬭᬸᬫ᭄᭞ᬧᬗ᭄ᬭᬸᬫ᭄ᬭᬸᬫᬾ
[᭒᭕ 25A]
ᬗᬰᬶᬄᬳᬰᬶᬄ᭞ᬧᬦᬓ᭄ᬩ᭄ᬬᬗᬾᬳᬶᬤᬾᬯ᭄ᬯᬵ᭞ᬫ᭄ᬮᬄᬫ᭄ᬮᬄᬳ᭄ᬩᬸᬅ᭄᭞ᬦᬾᬚᬦᬶᬳᬚᬶᬦ᭄ᬳᬶᬤᬾᬯ᭄ᬯ᭞ᬲᬸᬩᬵᬢ᭄ᬓᬵ᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬧᬢᬶ᭞ᬳᬸᬮᬶᬤᬶᬚᬕᬢ᭄ᬓᭀᬭᬶᬧᬦ᭄᭟ᬳᬚᬺᬧ᭄ᬚᭂᬧᬦ᭄ᬮᬸᬢ᭄ᬫᬢ
ᬗᬶᬧᬜ᭄ᬚᬶᬲ᭄ᬫᬶᬭᬂ᭞ᬗ᭄ᬲᬾᬗᬶᬦ᭄ᬧᬋᬓᬦ᭄᭞ᬢᭀᬳᬶᬓᬸᬤᬵᬧ᭄ᬭᬯᬶᬭᬦᬾ᭞ᬳᬶᬓᬸᬤᬵᬧ᭄ᬭᬧᬜ᭄ᬘᬲᬵᬫ᭄ᬧᬸᬦ᭄᭞ᬗ᭄ᬭᬗ᭄ᬲᬸᬓ᭄ᬧᬬᬲ᭄ᬮᬯᬸᬢ᭄ᬫᬫᬵᬭ᭄ᬕ᭄ᬕᬶ᭞ᬤᬾᬦᬶᬂᬲᬸᬩᬵᬲ᭄ᬫᭂᬂᬧᬶᬲᬦ᭄᭞ᬳ᭄ᬩᭀᬗᬮᬸᬩ᭄ᬳᬮᬸᬩ᭄᭞ᬫᬶᬳᬶ
ᬓᬾᬗ᭄ᬩᭂᬓᬶᬦ᭄ᬦᬢᬄ᭞ᬧᬘᬂᬫᬋᬓ᭄ᬭᬤᬾᬦ᭄ᬳᬶᬦᬸᬓᬃᬢ᭄ᬣᬧᬢᬷ᭞ᬕ᭄ᬮᬶᬲ᭄ᬭᬯᬸᬄᬳᬶᬭᬶᬓᬵ᭟ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬶᬫᬶᬗᬶᬲ᭄ᬗᬦ᭄ᬤᬶᬓᬵ᭞ᬭᬶᬂᬧᬜ᭄ᬚᬶᬲ᭄ᬫᬶᬭᬂ᭞ᬳᬸᬲᬵᬓ᭄ᬱᬦ᭄ᬓ᭄ᬦᭂᬄᬩ᭄ᬮᬶᬦᬾ᭞ᬳᬶᬢᬸᬦᬶᬩᬩᬂᬩᬗᬸᬦ᭄᭞
ᬩ᭄ᬮᬶᬫᬗᬶᬧ᭄ᬬᬂᬳᬤᬶ᭞ᬤᬤ᭄ᬯᬵᬩ᭄ᬲᬶᬓ᭄ᬫᬩᬋᬗᬦ᭄᭞ᬫᬕᬸᬢ᭄ᬫᬓᬸᬧ᭄ᬓᬸᬧ᭄᭞ᬓ᭄ᬦᭂᬳᬾᬤᬸᬂᬫᬫ᭄ᬭᬢ᭄᭞ᬓᬸᬮᬗᬸᬦᬦ᭄᭞ᬩ᭄ᬮᬶᬢ᭄ᬓᬾᬦ᭄ᬳᬤᬶᬚᬢᬶ᭞ᬢ᭄ᬯᬭᬵᬚᬵᬤᬤᬶᬳᭂᬗ᭄ᬲᬧᬂ᭟ᬫᬗᬸᬦ᭄ᬢᬸᬓᬂᬧᬜ᭄ᬚᬶᬲ᭄ᬫᬶᬭᬂᬫᬶᬗᬶ
Kaca:Bali-lontar-paparikan-panji-semirang-250ppi.pdf/25
Kaca puniki sampun kauji-wacén
