[᭘᭘ 88B]
᭘᭙
ᬓᬶ᭞ᬳᬢᬹᬃᬳᬶᬗ᭄ᬕᬶᬄᬩ᭄ᬮᬶᬅ᭄ᬳᬕᬸᬂ᭞ᬦᭀᬮᬶᬄᬭᬭᬶᬲ᭄ᬗᬦ᭄ᬤᬶᬓᬵ᭞ᬩᬶᬄᬓ᭄ᬫᬫᬓ᭄ᬚᬂᬫᬸᬮᬶᬄ᭞ᬗᬩᬫᬸᬜᬶᬓᬾᬦ᭄ᬳᬶᬜᭀᬜᬄᬓᬾᬦ᭄ᬳᬶᬩᬦ᭄ᬤᬃ᭟ᬲᬬᬫᬸᬮᬶᬄᬢᭀᬦ᭄ᬤᬾᬦ᭄ᬓᬭ᭄ᬯ
ᬦ᭄᭞ᬳᬶᬩᬩᬄᬫᬳᬢᬹᬃᬳᬶᬗ᭄ᬕᬶᬄ᭞ᬤ᭄ᬯᬕᬸᬂᬗᬤᭂᬕ᭄ᬚ᭄ᬭᭀᬦᬶᬂᬘ᭄ᬭᬂᬘᬂ᭞ᬳᬶᬤᬤᬦᬾᬲᬫᬶᬧᬫᬶᬢ᭄᭞ᬳᬶᬚᬾᬗ᭄ᬮᬃᬳᬩ᭄ᬤᬸᬮᬄᬕ᭄ᬮᬶᬲ᭄᭞ᬗ᭄ᬭᬫ᭄ᬩᬂᬧᬗᬭᬤᬦ᭄ᬲᬵᬫ᭄ᬧᬸᬦ᭄᭞ᬩᭀᬫ
ᬳᬶᬓ᭄ᬫᬮᬶᬫ᭄ᬧᬸᬕᬦ᭄᭞ᬓᬚ᭄ᬭᭀᬦᬶᬂᬘ᭄ᬭᬂᬘᬂᬫᬗ᭄ᬭᬜ᭄ᬚᬶᬂ᭞ᬳᬶᬤᬾᬯᬕᬸᬂᬭᬳᬶᬓᬕ᭄ᬬᬢ᭄ᬫᬘᬶᬗᬓᬦ᭄᭟ᬳᬶᬤᬤᬦᬾᬲᬶᬦᬫ᭄ᬬᬦ᭄᭞ᬕ᭄ᬮᬸᬗᬤᭂᬕ᭄ᬳᭂᬩᭀᬫᬶᬳᬶᬓ᭄᭞ᬳᬶᬤ᭄ᬯᬕᬸᬂᬜᭂᬦᭂᬂᬗᬦ᭄ᬤᬶ
ᬓ᭞ᬳᬸᬮᬶᬤᬶᬚᬢ᭄ᬓᬦ᭄ᬫᬶᬳᬶᬓ᭄᭞ᬳᬶᬤ᭄ᬯᬕᬸᬂᬭᬳᬶᬫᬓ᭄ᬱᬶ᭞ᬓᬘᬶᬗᬓ᭄ᬳᬶᬚᬾᬗ᭄ᬮᬃᬓᬸᬘᬸᬧ᭄᭞ᬲ᭄ᬩᭂᬂᬫᬦᬸᬤᬸᬓ᭄ᬘᬶᬢ᭄ᬣ᭞ᬍᬂᬍᬂᬳᬶᬤᬾᬯᬕᬸᬂᬭᬳᬶ᭞ᬯᬮ᭄ᬬᬫᬢᬹᬃᬩ᭄ᬮ᭄ᬬᬕᬸᬂᬢᬶᬢ᭄ᬬᬂᬦ᭄ᬤᬯᭂᬕᬂ
[᭘᭙ 89A]
᭟ᬫᬢᬹᬃᬲᬶᬲᬶᬧ᭄ᬳᬫᬗ᭄ᬓᬶᬦᬦ᭄᭞ᬧᬸᬦᬶᬓᬶᬳᬶᬩᬦ᭄ᬤᬃᬧ᭄ᬭᬧ᭄ᬢᬶ᭞ᬫᬦᬯᬶᬗᬋᬋᬄᬢᬶᬢ᭄ᬬᬂ᭞ᬳᬶᬤ᭄ᬯᬕᬸᬂᬜᭂᬦᭂᬂᬫᬳᬓ᭄ᬱᬶ᭞ᬳᬶᬚᬾᬗ᭄ᬮᬃᬫᬧᬲ᭄ᬓᭂᬜᬶᬂ᭞ᬧᬗᬓ᭄ᬱᬶᬦ᭄ᬳᬶᬤᬳᬶᬤ᭄ᬯᬕᬸᬂ᭞ᬯᬮᬶ
ᬓ᭄ᬓᬧᬶᬯ᭄ᬮᬲᬦ᭄᭞ᬳᬭᬄᬓ᭄ᬫᬚᬕᬸᬂᬭᬳᬶ᭞ᬳᬶᬲᬸᬩᬦ᭄ᬤᬃᬬᬢ᭄ᬓᬫᭂᬦ᭄ᬤᬓᬶᬦ᭄ᬳᬶᬤᬵ᭟ᬳᬶᬩᬦ᭄ᬤᬃᬬᬩ᭄ᬗᭀᬂᬦ᭄ᬕᬓ᭄᭞ᬢ᭄ᬓᬫᬋᬓ᭄ᬤ᭄ᬯᬕᬸᬂᬭᬳᬶ᭞ᬫᬩᬺᬤ᭄ᬗᬦ᭄ᬢ᭄ᬬᬂᬓᬩᬗ᭄ᬲᬮ᭄᭞ᬳᬶᬚᬾᬗ᭄ᬮᬃᬩ᭄ᬘ
ᬢ᭄ᬦᬓᭀᬦᬶᬦ᭄᭞ᬗᬦ᭄ᬢ᭄ᬬᬂᬓ᭄ᬚᬦᬾᬚᬦᬶ᭞ᬳᬶᬤ᭄ᬯᬕᬸᬂᬤᬶᬚᬫᬮᬸᬗ᭄ᬕᬸᬄ᭞ᬘᬶᬦᬵᬩᬸᬕᬶᬲ᭄ᬫᬦᬶᬫ᭄ᬩᬮ᭄᭞ᬳᬶᬤ᭄ᬯᬕᬸᬂᬓᬭᬶᬳᬶᬭᬶᬓᬶ᭞ᬦᬾᬦ᭄ᬢᭂᬦ᭄ᬫᬦ᭄ᬢᬸᬓ᭄᭞ᬳᬶᬤ᭄ᬯᬕᬸᬂᬜᭂᬦᭂᬂᬗᬦ᭄ᬤᬶᬓᬵ
᭟ᬓ᭄ᬜᭂᬫ᭄ᬫᬶᬓ᭄ᬦᭂᬄᬧᬸᬲᬂ᭞ᬦᬸᬗ᭄ᬓᬲᬂᬩᬗᬸᬦ᭄ᬫᬗᬮᬶᬄ᭞ᬢ᭄ᬓᭂᬤ᭄ᬩᭂᬢᬾᬦᬦ᭄ᬘ᭄ᬭᬗ᭄ᬘᬂ᭞ᬳᬶᬤ᭄ᬯᬕᬸᬂᬓᬮᬶᬄᬫᬗᬓ᭄ᬱᬶ᭞ᬫᬘ᭄ᬩᬸᬃᬤ᭄ᬯᬕᬸᬂᬭᬳᬶ᭞ᬜᬕ᭄ᬚᬕᬶᬦ᭄ᬳᬶᬩᬦ᭄ᬤᬃᬲᬶᬲᬸ᭞ᬭᬯᬸᬄᬲᬵᬫ᭄ᬧᬸᬦ᭄ᬳᬶᬭᬶᬓᬵ᭞
Kaca:Bali-lontar-paparikan-malat-02-550ppi.pdf/89
Kaca puniki sampun kauji-wacén
