[᭘᭗ 87B]
᭘᭘
᭞ᬤᬸᬬᬸᬂᬮᬯᬸᬢ᭄ᬧᬜᬶᬧᬢᬦ᭄᭞ᬲᬶᬂᬓᬧᬧᬲ᭄ᬳᬸᬬᬂᬧᬮᬶᬂ᭞ᬢ᭄ᬯᬭᬢᬳᬾᬦ᭄ᬫᬶᬦ᭄ᬤᭀᬳᬶᬦ᭄᭞ᬳᬲᬶᬂᬧᬧᬲ᭄ᬫᬘ᭄ᬩᬸᬕ᭄᭞ᬳᬶᬢᬸᬗ᭄ᬢᬸᬂᬢᬗᬶᬲ᭄ᬥᬶᬫᬢᬵ᭞ᬳᬶᬭᬂᬕ᭄ᬕᬫᬸᬦ᭄ᬤᬭᬂᬧᬲ᭄ᬢᬶ᭞ᬤᬶᬓ᭄ᬫᬶᬓᬦ᭄ᬳᬶ
ᬚᬭᬶᬂᬲᬸᬢ᭄ᬭᬤᬶᬢᬗ᭄ᬓᬄ᭟ᬓ᭄ᬩᭀᬕᬸᬬᬂᬤᬶᬢᬬᬸᬗᬦ᭄᭞ᬚᬚᬸᬓᬾᬫᬘᬦ᭄ᬓᬸᬦᬶᬂ᭞ᬳᬶᬍᬫ᭄ᬩᬸᬚᭀᬕ᭄ᬥᬶᬢᬶᬦ᭄ᬤᬓᬦ᭄᭞ᬳᬶᬕᬕᬤ᭄ᬗᭂᬩᬓ᭄ᬥᬶᬤᭀᬭᬶ᭞ᬲᬭᬡᬫᬳᬲ᭄ᬓᭂᬜᬶᬂ᭞ᬫᬳᬸᬲᬧᬼᬗᬶ
ᬲᬢᬫ᭄ᬩᬸᬮ᭄᭞ᬲᬕᭀᬩᬦᬼᬗᬶᬲ᭄ᬓᬸᬲᬧᬂ᭞ᬫᬶᬳᬶᬓ᭄ᬳᭂᬩᭀᬗᬸᬮᬗᬹᬦᬶᬦ᭄᭞ᬮᬯᬸᬢ᭄ᬧᭂᬲᬸ᭞ᬘᬶᬦᬩᬸᬕᬶᬲ᭄ᬢᬸᬢᬸᬢᬜ᭟ᬚᬭᬦ᭄ᬲᬸᬩᬫᬓᭂᬓᬓᬲ᭄᭞ᬓᬮᬜ᭄ᬘᬢ᭄ᬳ᭄ᬬᬓᬢ᭄ᬕ
ᬓᬶᬦ᭄᭞ᬓᬧ᭄ᬘᬸᬢ᭄ᬳ᭄ᬬᬓᬩ᭄ᬥᬮᬂ᭞ᬳᬧᬂᬤᬶᬩᬜ᭄ᬘᬶᬗᬄᬗᬦ᭄ᬢᬶ᭞ᬫᬸᬜᬶᬦ᭄ᬢᬫ᭄ᬩᬸᬭᬾᬗᬶᬮᬶᬲ᭄᭞ᬫᬧᬦ᭄ᬢᬫᬫᬲᬾᬭᬯᬸᬄ᭞ᬳᬶᬚᬾᬗ᭄ᬕᭂᬮᬃᬫᬳᬮᬶᬗᬦ᭄᭞ᬤᬶᬩᬢᬦ᭄ᬩᬶᬗᬶᬦᬾ
[᭘᭘ 88A]
ᬗᬦ᭄ᬢᬶ᭞ᬲᬵᬫ᭄ᬧᬸᬦ᭄ᬭᬯᬸᬄᬰ᭄ᬭᬷᬦᬭᬾᬦ᭄ᬤ᭄ᬭᬭᬶᬂᬩᬜ᭄ᬘᬶᬗᬄ᭟ᬳᬶᬤ᭄ᬯᬕᬸᬂᬓᬮᬶᬄᬗᬶᬭᬶᬗᬂ᭞ᬭᬶᬂᬩᬜ᭄ᬘᬶᬗᬄᬢ᭄ᬥᬸᬦ᭄ᬧᬫᬶ᭞ᬲᬂᬧ᭄ᬭᬪᬹᬗ᭄ᬭᬭᬶᬲ᭄ᬓᬧᬸᬭᬵ᭞ᬤ᭄ᬯᬕᬸᬂᬜᭂᬦᭂᬂᬤ᭄ᬯᬕᬸᬂᬭᬳᬶ᭞ᬫᬢᬸᬦ᭄ᬢᬸᬦ᭄ᬢᬗᬦ᭄ᬫᬫᬵᬃ
ᬕᬶ᭞ᬯᬃᬡ᭄ᬦᬮ᭄ᬯᬶᬃᬳ᭄ᬬᬂᬗᬭᬶᬦᬸᬭᬸᬦ᭄᭞ᬓᬯᬱ᭄ᬧᬥᬵᬳᬶᬚᬾᬗ᭄ᬮᬃ᭞ᬓ᭄ᬦᭂᬄᬳᬵᬲᬸᬩᬫᬗᬶᬮᬶᬲ᭄᭞ᬬᬦ᭄ᬢᬦ᭄ᬲᬶᬤᬕᬸᬂᬭᬳᬶᬢᬸᬮᬓ᭄ᬓᬩᬗ᭄ᬲᬮ᭄᭟ᬲᬸᬓᬬᬦ᭄ᬗᭂᬫᬲᬶᬦ᭄ᬧ᭄ᬚᬄ᭞ᬓᬾᬢᭀᬓ᭄ᬦᭂᬄ
ᬳᬾᬤᬶᬬᬢᬶ᭞ᬩᬗᬸᬦ᭄ᬤᬤᬶᬫᬦ᭄ᬢᭂᬕ᭄ᬧᭂᬳᬵ᭞ᬤ᭄ᬓᭂᬧᬦᬾᬲᬤᬢᬶᬢᬶᬃ᭞ᬳᬭᬄᬳᬭᬸᬄᬫᬫᬸᬜᬶ᭞ᬕᬸᬂᬭᬳᬶᬧᬭᬦᬶᬂᬤᬸᬮᬸ᭞ᬲᭂᬓ᭄ᬱᭂᬓ᭄ᬦᭂᬄᬳᬶᬚᬾᬗ᭄ᬕᭂᬮᬃ᭞ᬧᬓᬓᬲᬾᬓᭂᬦ᭄ᬤᭂᬮ᭄ᬕᬢᬶ᭞ᬤ
ᬤᬶᬮᬶᬧᬹᬃ᭞ᬓ᭄ᬜᭂᬫ᭄ᬦᭀᬮᬶᬄᬫᬘᬶᬗᬓᬦ᭄᭞ᬳᬶᬤ᭄ᬯᬕᬸᬂᬜᭂᬦᭂᬂᬗᬦ᭄ᬤᬶᬓᬵ᭞ᬤᬩ᭄ᬯᬶᬦ᭄ᬓᬩᬗ᭄ᬲᬮ᭄ᬕᬸᬂᬭᬳᬶ᭞ᬳᬶᬤ᭄ᬯᬕᬸᬂᬭᬳᬶᬫᬢᬹᬭ᭞ᬧᬓᬬᬸᬦᬦ᭄ᬲᬸᬩᬕᬶᬮᬶᬓ᭄᭞ᬭᬶᬂᬳᬶᬤ᭄ᬯᬕᬸᬂᬜᭂᬦᭂᬂᬜᬶ
Kaca:Bali-lontar-paparikan-malat-02-550ppi.pdf/88
Kaca puniki sampun kauji-wacén
