[᭘᭑ 81B]
᭘᭒
ᬗ᭄ᬯᬦ᭄᭞ᬤᬤᬶᬧᬤᬧᬓᬬᬸᬦᬦ᭄ᬢᬺᬱ᭄ᬡᬦᬸᬮᬸᬲ᭄᭞ᬧᬤᬯᬶᬤᬕ᭄ᬥᬲᭀᬮᬳᬦ᭄᭞ᬤᬯᬸᬄᬳ᭄ᬦᭂᬫ᭄ᬲᬶᬋᬧ᭄ᬲᬫᬶ᭟ᬫᬦᬶᬲ᭄ᬫᭂᬗᬦ᭄ᬳᬢᬗ᭄ᬬᬵ᭞ᬲᬶᬦᬫ᭄ᬬᬦ᭄ᬗᬬᬢ᭄ᬫᬦ᭄ᬢᬸᬓ᭄ᬦᬾᬫᬗ᭄ᬓᬶᬦ᭄᭞
ᬩᭂᬄᬦ᭄ᬤᬢᬫ᭄ᬩᬸᬃᬭᬾᬫᬢᬩᬸᬄ᭞ᬭᬲᬜᬢᬦ᭄ᬧᬚᬶᬯᬵ᭞ᬳᬶᬤᬩᬕᬸᬲ᭄ᬫᬥᬾᬳᬶᬩᬸᬓᬾᬓᬤᬸᬭᬸᬲ᭄᭞ᬳᭂᬳᭂᬲ᭄ᬫᬭᬲᬵᬧ᭄ᬭᬮᬬᬵ᭞ᬜᭀᬗ᭄ᬓᭀᬓ᭄ᬢ᭄ᬯᬭᬗ᭄ᬮᬄᬫᬸᬜᬶ᭟ᬳᬶᬤ᭄ᬯᬕᬸᬂᬜᭂ
ᬦᭂᬂᬫᬢᬗ᭄ᬬᬵ᭞ᬫᬗᬦ᭄ᬤᬶᬓᬤᬶᬦᬶᬫᬲᬾᬄᬕᬸᬂᬭᬳᬶ᭞ᬧᬫᬶᬢ᭄ᬲᬢᬹᬭᬾᬳᬶᬤ᭄ᬯᬕᬸᬂ᭞ᬢ᭄ᬥᬸᬦ᭄ᬓᬧᬲᬗ᭄ᬕ᭄ᬭᬳᬦ᭄᭞ᬲᬭᬯᬸᬄᬳ᭄ᬦᬾᬳᬩᬬᬂᬤᬩᬕᬸᬲ᭄᭞ᬓᬢᬶᬫ᭄ᬩᬮ᭄ᬭᬭᬶᬲ᭄ᬫᬯᬲ᭄ᬢ᭄ᬭ᭞ᬗᬭᬗ᭄ᬲᬸᬓ᭄
ᬧᬓᬓᬲ᭄ᬩᬸᬕᬶᬲ᭄᭟ᬳᬸᬢᬸᬲᬦᬾᬲᬸᬩᬢ᭄ᬓᬵ᭞ᬓᬤᬧ᭄ᬢᬂᬤᬩᬕᬸᬲ᭄ᬫᬥᬾᬫᬮᬶᬗ᭄ᬕᬶᬄ᭞ᬦᬦᭂᬲᬯᬂᬲᬯᬂᬲᬸᬳᬸᬂ᭞ᬩᬩᬄᬢ᭄ᬓᬫᬢᬹᬭ᭞ᬫᬸᬜᬶᬩᬮᬶᬳᬢᬸᬭᬭᬶᬂᬳᬶᬤᬵᬩᬕᬸᬲ᭄
[᭘᭒ 82A]
ᬭᬢᬸᬧᬸᬦᬶᬓᬶᬧᬳᬶᬘᬵ᭞ᬳᬶᬤᬵᬳᬶᬤᬾᬯᬕᬸᬂᬭᬳᬶ᭟ᬫᬤᬸᬮᬸᬭᬦᬼᬫ᭄ᬧᬶᬭᬦ᭄ᬫᬵᬲ᭄᭞ᬫᬶᬲᬶᬲᬲ᭄ᬢ᭄ᬭᬵᬤᬩᬕᬸᬲ᭄ᬫᬦᬶᬫ᭄ᬩᬮᬶᬦ᭄᭞ᬧᬸᬲᬂᬭᬲᬵᬓᬬᬸᬦ᭄ᬳᬶᬩᬸᬓ᭄᭞ᬲᬃᬯ᭄ᬬᬵᬳᬫᬘᬵ
ᬲᬸᬭᬢ᭄᭞ᬫᬤᬸᬮᬸᬭᬦ᭄ᬓᬫ᭄ᬩᭂᬦ᭄ᬲᬩᬸᬓ᭄ᬭᬶᬗ᭄ᬕᬶᬢ᭄ᬲᬢᬸᬲ᭄᭞ᬳᬧ᭄ᬢᬶᬍᬗᬶᬲᬾᬫ᭄ᬮᬄ᭞ᬫᬸᬜᬶᬦ᭄ᬢᬸᬮᬶᬲ᭄ᬗᬯᬾᬲ᭄ᬥᬶᬄ᭟᭐᭟ᬫᬲ᭄ᬓᬸᬫᬫ᭄ᬩᬂ᭟᭐᭟ᬫᬶᬭᬢᬸᬫᬵᬲ᭄ᬥᬩᬕᬸᬲ᭄ᬧᬶᬋᬗᬂᬦᬶᬓᬶ᭞ᬢ᭄ᬬᬂᬧ
ᬫᬶᬢ᭄ᬫᬶᬭᬄ᭞ᬗᬶᬭᬶᬂᬰ᭄ᬭᬷᬪᬹᬧᬢᬶᬫᬸᬮᬶᬄ᭞ᬳᬫ᭄ᬧᬸᬭᬵᬩ᭄ᬮᬶᬅ᭄ᬳᬕᬸᬲ᭄ᬢ᭄ᬬᬂ᭞ᬢ᭄ᬬᬂᬳᬶᬗᬸᬄᬓ᭄ᬦᭂᬄᬢ᭄ᬬᬂᬳᬫ᭄ᬩᬸᬮ᭄ᬫᬢᬶ᭞ᬫᬲᬗᬸᬤᬸᬓᬶᬢᬵ᭞ᬫᬾᬄᬳᬯᬶᬦᬦ᭄ᬢ᭄ᬬᬂᬲᬓᬶᬢ᭄᭞ᬲᬓᬶᬢ᭄ᬫᬗᭂᬦᭂᬳᬂᬳᬶᬤᬵ
᭟ᬩ᭄ᬮᬶᬅ᭄ᬳᬕᬸᬲ᭄ᬢᬫ᭄ᬧᬶᬢᬺᬱ᭄ᬡᬵᬦ᭄ᬢ᭄ᬬᬂᬗᬾᬕᬶᬲᬶ᭞ᬢ᭄ᬬᬂᬲᬂᬚᬳ᭄ᬮᬲ᭄᭞ᬢ᭄ᬯᬄᬩ᭄ᬮᬶᬫᬮᬶᬗ᭄ᬕᬵᬲᬳᬶ᭞ᬤᬶᬧᬫᬺᬫᬦ᭄ᬢ᭄ᬯᬭᬩ᭄ᬮᬲ᭄᭟ᬫᬦᬶᬧ᭄ᬯᬦ᭄ᬬᬦ᭄ᬲᬶᬄᬢ᭄ᬬᬂᬓᬭᬶᬳᬸᬭᬶᬧ᭄᭞ᬤᬶᬦᬶᬫᬩᬋ
Kaca:Bali-lontar-paparikan-malat-02-550ppi.pdf/82
Kaca puniki sampun kauji-wacén
