[᭘᭐ 80B]
᭘᭑
ᬤᬩᬕᬸᬲ᭄ᬓᭂᬜᭂᬫ᭄ᬫᬮᬸᬜ᭄ᬓᬶᬸᬗ᭄ᬕᬸᬄ᭞ᬤ᭄ᬯᬕᬸᬂᬭᬳᬶᬫᬜᬧᬵ᭞ᬫᬗᬦ᭄ᬤᬶᬓᬵᬤᬶᬚᬩ᭄ᬮᬲ᭄ᬩᭂᬮᬶᬅ᭄ᬩᬳᬸ᭞ᬤᬩᬕᬸᬲ᭄ᬫᬤᬾᬫᬢᬸᬭᬵ᭞ᬭᬶᬂᬧᬶᬗ᭄ᬕᬶᬃᬫᬃᬕ᭄ᬕᬶᬫᬧᬫᬶᬢ᭄᭟ᬤᬤᬶᬢ᭄ᬓᬬ
ᬳᬶᬧᭀᬮᬓ᭄᭞ᬫᬢᬹᬃᬭᬢᬸᬢᬶᬢ᭄ᬬᬂᬓᬸᬢᬸᬲ᭄ᬗᬢᬸᬭᬶᬦ᭄᭞ᬭᬶᬂᬧ᭄ᬮᬸᬗ᭄ᬕᬸᬄᬳᬚᬶᬦ᭄ᬤᬾᬯᬕᬸᬂ᭞ᬧᬬᬸᬧᬤᬓᬧ᭄ᬕᬢᬦ᭄᭞ᬤᬤᬶᬲ᭄ᬫᬂᬲᬂᬫᬢᬶᬗ᭄ᬕᬮ᭄ᬢᬶᬦᬶᬗ᭄ᬕᬮ᭄ᬫᬗᬹ᭞ᬤᬩᬕᬸᬲ᭄ᬫᬧᬫᬶ
ᬢ᭄ᬫᭂᬤᬮ᭄᭞ᬫᬫᬃᬕᬶᬳᬶᬤ᭄ᬯᬕᬸᬂᬓᬮᬶᬄ᭟ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬲᬂᬦᬵᬣ᭞ᬫᬗᬦ᭄ᬤᬶᬓᬵᬰ᭄ᬭᬶᬦᬭᬧᬢᬶ᭞ᬳᬓᬾᬢᭀᬧᭂᬲᬦ᭄ᬤᬩᬕᬸᬲ᭄᭞ᬳ᭄ᬥᬦᬸᬫᬗᭂᬦᭂᬳᬂ᭞ᬢ᭄ᬯᬭᬕ᭄ᬮᬄᬓᭂᬦᭂᬳᬂ
ᬕ᭄ᬮᬄᬤᬩᬕᬸᬲ᭄᭞ᬕᬸᬦᬸᬂᬓᬯᬶᬦᬾᬫᬓ᭄ᬚᬂ᭞ᬳᬧᬂᬬᬤᬤᬶᬢᬋᬧᬶ᭟ᬳᬸᬫᬄᬳᬶᬤᬵᬮᬸᬢ᭄ᬩᭂᬦᭂᬳᬂ᭞ᬩᬧᬵᬩ᭄ᬯᬶᬦ᭄ᬦᭂᬮᭀᬓᬶᬦ᭄ᬳᬶᬤᬵᬫᬳᬶ᭞ᬬᬤᬶᬦ᭄ᬢᭀᬦ᭄ᬤᬾᬦ᭄ᬗᭂᬮᬄᬲᬗᬸ᭞
[᭘᭑ 81A]
ᬓᬾᬦ᭄ᬳᬶᬬᬤᬶᬫᬸᬜᬶᬬᬂ᭞ᬫᬗ᭄ᬕᬾᬳᬾᬗ᭄ᬕᬮ᭄ᬫᬕᭀᬩᭀᬳᬸᬫᬄᬤᬩᬕᬸᬲ᭄᭞ᬤᬩᬕᬸᬲ᭄ᬳᬢᬹᬃᬲᬦ᭄ᬤᬶᬓᬵ᭞ᬲᬂᬧ᭄ᬭᬪᬹᬗᬦ᭄ᬤᬶᬓᬵᬫᬮᬶᬄ᭟ᬜᬫᬦ᭄ᬳᬶᬤᬦᬾᬘ᭄ᬭᬶᬓᬦ᭄᭞ᬳᬚᬓ᭄ᬗᭂ
ᬦᬄᬢ᭄ᬓᬾᬦ᭄ᬳᬶᬩᬧᬵᬫᬦᬶ᭞ᬩᬕᬸᬲ᭄ᬫᬥᬾᬫᬢᬹᬃᬓ᭄ᬜᬸᬂ᭞ᬭᬢᬸᬤᬯᭂᬕᬂᬢᬶᬢ᭄ᬬᬂ᭞ᬫᬫᬶᬦ᭄ᬤᬄᬳᬂᬧᬋᬓᬦ᭄ᬤᬾᬯᬕᬸᬂᬩᬸᬤᬸᬄ᭞ᬦᬄᬓᬾᬕᬢ᭄ᬬᬂᬧᬳᬸᬩᬤᬂ᭞ᬤ᭄ᬬᬧᬶᬦ᭄ᬫᬲᬦ᭄ᬢᬸᬦ᭄ᬩᬓ᭄ᬢᬶ᭟ᬢ᭄ᬓᬾ
ᬦᬶᬂᬩᬧᬵᬢᬕᬶᬳᬂ᭞ᬓᬓᬧᬢᬶᬄᬤᬩᬕᬸᬲ᭄ᬫᬦᬶᬩᬳᬗᬶᬦ᭄᭞ᬭᬶᬗ᭄ᬕᬶᬢ᭄ᬤᭀᬫᬲ᭄ᬓᬮ᭄ᬲᬲᬦ᭄ᬢᬸᬦ᭄᭞ᬕᬸᬲ᭄ᬢᬶᬧᬢᬶᬄᬫᬜᬸᬫ᭄ᬩᬄ᭞ᬰ᭄ᬭᬶᬦᬭᬾᬦ᭄ᬤ᭄ᬭᬵᬗᬦ᭄ᬤᬶᬓᬵᬳᬯᭀᬭᬶᬂᬓ᭄ᬜᬸᬂ᭞ᬧ᭄ᬢᭂᬂᬧᬶᬲ
ᬦ᭄ᬳᭂᬦᬾᬳᬶᬤᬵ᭞ᬳᬶᬩᬧᬵᬲᬸᬩᬳᬶᬦᭂᬧᬶᬦ᭄᭟ᬳᬶᬗ᭄ᬕᬶᬄᬳᬢᬹᬭᬾᬢᬦ᭄ᬧᬶᬯᬮ᭄᭞ᬤᬯᬸᬄᬳᭂᬫ᭄ᬧᬢ᭄ᬲᬂᬧ᭄ᬭᬪᬹᬫᬺᬫ᭄ᬭᬭᬶᬲ᭄᭞ᬓᬳᬶᬭᬶᬂᬳᬦ᭄ᬢᬸᬓ᭄ᬥᬩᬕᬸᬲ᭄᭞ᬭᬯᭀᬲ᭄ᬦᬸᬢᬸᬃᬓᬮ
Kaca:Bali-lontar-paparikan-malat-02-550ppi.pdf/81
Kaca puniki sampun kauji-wacén
