[᭗ 7B]
᭗
ᬜᬸᬦ᭄᭞ᬤ᭄ᬯᬕᬸᬂᬧᬸᬢ᭄ᬭᬵᬭᬕᬦ᭄ᬭᬕᬦ᭄᭞ᬘᭀᬓᭀᬃᬤ᭄ᬥᬩᬕᬸᬲ᭄ᬫᬗᬓ᭄ᬱᬶ᭟ᬤᬤᬶᬓᬧᬤᬦᬶᬂᬓᬃᬱᬵ᭞ᬧᬤᬭᬕᬦ᭄ᬘᭀᬓᭀᬃᬤ᭄ᬥᬩᬕᬸᬲ᭄ᬓᭂᬜᬶᬂ᭞ᬫᬢᬗᬶᬜ᭄ᬚᬕ᭄ᬚᬕ᭄ᬫᬳᬢᬸᬃ᭞ᬲᬸᬫᬃᬕ
ᬦ᭄ᬤᬵᬫ᭄ᬭᬶᬓᭂᬫ᭄ᬩᬂ᭞ᬫᬺᬩᬸᬓ᭄ᬳᬭᬸᬫ᭄ᬧᭀᬮᬳᬾᬫᬗ᭄ᬕᬯᬾᬮᬶᬗ᭄ᬮᬸᬂ᭞ᬚ᭄ᬭᬶᬚᬶᬭᬸᬭᬸᬲ᭄ᬦᬓᬧᬜ᭄ᬚᬂ᭞ᬘᬘᬶᬗᬓ᭄ᬕᬮᬓ᭄ᬤᬫᬦᬶᬲ᭄᭟ᬳᬢᬸᬭᬾᬤ᭄ᬯᬕᬸᬂᬢᬶᬢ᭄ᬬᬂ᭞ᬫᬫᭂᬦ᭄ᬤᬓᬶᬦ᭄ᬦᬸᬦᬲ᭄ᬤ᭄ᬯᬕᬸᬂᬫ
ᬗ᭄ᬭᬭᬶᬲ᭄᭞ᬳᬶᬤ᭄ᬯᬕᬸᬂᬫᬲᬯᬸᬃᬓ᭄ᬜᬸᬂ᭞ᬗᬫ᭄ᬩᬶᬮ᭄ᬢᬗᬦ᭄ᬘᭀᬓᭀᬃᬤ᭄ᬥ᭞ᬲᬃᬯ᭄ᬬᬦᬸᬦ᭄ᬢᬸᬦ᭄ᬓᬮᭀᬚᬶᬳᬶᬤᬫᬜ᭄ᬚᬸᬚᬸᬃ᭞ᬓᬧ᭄ᬭᬫᬺᬫᬦᬾᬘᭀᬓᭀᬃᬤ᭄ᬥ᭞ᬧᬓᬓᬲ᭄ᬩᬮᬾᬗᬾᬤᬦᬶ
ᬦ᭄᭟ᬫᬓᬮᬫ᭄ᬗᬸᬲᬸᬢ᭄ᬭᬧ᭄ᬢᬓ᭄᭞ᬓᭀᬭᬶᬦ᭄ᬮᭀᬚᬶᬫᬸᬓᬶᬃᬫᬧ᭄ᬭᬤᬵᬗᭂᬦ᭄ᬤᬶᬄ᭞ᬕᬫ᭄ᬩᬃᬘᬶᬡᬦᬾᬫᬳᬸᬢ᭄᭞ᬫᬓᬤᬶᬗ᭄ᬤᬶᬂᬤᬶᬯᬗᬦ᭄᭞ᬕᬕ᭄ᬭᬦ᭄ᬢᬗᬦ᭄ᬕᬫ᭄ᬩᬃᬢᬮᬸᬄᬳᬾᬫ
[᭘ 8A]
ᬢᬸᬭᬸᬢ᭄᭞ᬚᬸᬫᬳᬦ᭄ᬲᬸᬩᬫᬓᬦ᭄ᬥᬵ᭞ᬩᬮᬾᬭᬜ᭄ᬚᬂᬗᬬᬸᬦ᭄ᬬᬸᬦᬶᬦ᭄᭟ᬳᬶᬤᭂᬭᬶᬤᭂᬃᬲᬸᬢ᭄ᬭᬭᬾᬦ᭄ᬤᬄ᭞ᬓᬲᬸᬃᬩ᭄ᬮᬸᬤ᭄ᬭᬸᬢᬸᬢᬸᬩᬾᬳ᭄ᬫᬵᬲ᭄ᬳᬤ᭄ᬥᬶ᭞ᬲᭀᬘᬵᬫᬓᬫ᭄ᬓᬦ᭄ᬳᬶᬧᬸᬦ᭄᭞
ᬕᬍᬂᬕᬸᬮᬶᬂᬢᬸᬢᬸᬩ᭄ᬫᬲ᭄᭞ᬓᬓᬯᬢᬦ᭄ᬳᭂᬫ᭄ᬧᬸᬓ᭄ᬩᬦ᭄ᬭᬢ᭄ᬦᬤᬶᬫᬸᬭᬸᬩ᭄᭞ᬢᬸᬃᬫᬦᬫ᭄ᬧᬶᬂᬧ᭄ᬢᬶᬕ᭄ᬥᬄ᭞ᬫᬳᬶᬲᬶᬚ᭄ᬗᬤ᭄ᬓᬲ᭄ᬢᬸᬭᬶ᭟ᬕᬍᬂᬩᬢᬶᬲ᭄ᬢᬸᬢᬸᬩ᭄ᬚᬯᬵ᭞ᬧᬯᬶᬤ᭄ᬯᬦ᭄ᬳᭂᬫᬲ᭄ᬫᬢᬢᬄᬭ
ᬯᬶᬢ᭄᭞ᬲᬧᬸᬄᬢᬗᬦ᭄ᬲᬸᬢ᭄ᬭᬳᬸᬗᬸ᭞ᬲᬮᬂᬫᬸᬢᬾᬗᬭᬜᬩ᭄᭞ᬤ᭄ᬯᬕᬸᬂᬧᬸᬢ᭄ᬭᬓ᭄ᬭᬦᭂᬳᬦ᭄ᬓᬬᬸᬦᬾᬮᬶᬗ᭄ᬮᬸᬂ᭞ᬘᬘᬶᬗᬓᬾᬫᭂᬫ᭄ᬩᬄᬕᬸᬮᬵ᭞ᬗᬦ᭄ᬤᬶᬓᬳᬯᭀᬭᬶᬂᬓ᭄ᬜᬶᬂ᭟ᬫ
ᬗᬦ᭄ᬤᬶᬓᬵᬩ᭄ᬮᬶᬅ᭄ᬢᬶᬢ᭄ᬬᬂ᭞ᬫᬗᬢᬸᬃᬭᬶᬦ᭄ᬫᬫᭂᬗᬫᭂᬂᬓᬧᬸᬭᬶ᭞ᬘᭀᬓᭀᬃᬤ᭄ᬥᬩᬕᬸᬲ᭄ᬫᬲᬯᬸᬃ᭞ᬤᬾᬯᬕᬸᬂᬗᬺᬋᬧ᭄ᬚᬸᬫᬄ᭞ᬧᬤᬓ᭄ᬜᭂᬫ᭄ᬲᬧᬦᬗ᭄ᬓᬶᬮᬦ᭄ᬕᬸᬫᬸᬬᬸ᭞ᬓᬲ᭄ᬮᬕ᭄ᬧᬗᬸ
Kaca:Bali-lontar-paparikan-malat-02-550ppi.pdf/8
Kaca puniki sampun kauji-wacén
