[᭖ 6B]
᭖
ᬤ᭄ᬥᬩᬕᬸᬲ᭄ᬓᬦ᭄ᬢᬵᬓᬵ᭞ᬧ᭄ᬭᬫᬦ᭄ᬢ᭄ᬭᬶᬮ᭄ᬬᬸᬦᬸᬮᬸᬗᬶᬦ᭄᭞ᬳᬤᬗᬸᬦᬶᬗ᭄ᬳ᭞ᬘᭀᬓᭀᬃᬤ᭄ᬥᬳᬃᬬ᭄ᬬᬕ᭄ᬮᬶᬲ᭄᭟ᬲᬵᬫ᭄ᬧᬸᬦ᭄ᬭᬯᬸᬄᬘᭀᬓᭀᬃᬤ᭄ᬥᬳᬃᬬ᭄ᬬᬗᬦ᭄ᬤᬶᬓᬵ᭞ᬕᬸᬲ᭄ᬓᭂᬲ᭄ᬭᭂᬕ᭄ᬢᭀᬮᬶᬄᬳᬚᬶᬅ᭄
᭞ᬓᭀᬃᬤ᭄ᬥᬩᬕᬸᬲ᭄ᬗᬮᬶᬬᬩ᭄᭞ᬳᬢᬸᬃᬳᬯᭀᬃᬭᬶᬂᬲᭂᬫ᭄ᬩᬄ᭞ᬢᬦ᭄ᬓᬭᬱᬵᬢᬶᬢ᭄ᬬᬂᬳᬚᬶᬅ᭄᭞ᬦᬳᭂᬦ᭄ᬥᬸᬓᬶᬢ᭄ᬣ᭞ᬢᬶᬢ᭄ᬬᬂᬧ᭄ᬭᬲᬗ᭄ᬕᬧᬫᬶᬢ᭄᭟ᬲᬳᬢᬗᬶᬲ᭄ᬘᭀᬓᭀᬃᬤ᭄ᬥᬳᬃᬬ᭄ᬬᬗ
ᬦ᭄ᬤᬶᬓᬵ᭞ᬧᬶᬢᬸᬢᬸᬃᬓᬯ᭄ᬮᬲᬰᬶᬄ᭞ᬫᬗ᭄ᬮᬸᬢ᭄ᬫᬗᬸᬲᬧ᭄᭞ᬲ᭄ᬬᬸᬄᬭᬲᬦᬶᬂᬯᬺᬤᬬᬵ᭞ᬓᭀᬃᬥ᭄ᬥᬩᬕᬸᬲ᭄ᬓᭂᬲ᭄ᬬᭂᬕ᭄ᬲᬳᬶᬭᬶᬂ᭞ᬢᬦ᭄ᬧ᭄ᬕᬢ᭄ᬮᬶᬦᬶᬮᬵ᭞ᬮᬶᬮᬾᬂᬮᬶᬧᬸᬃᬭᬾᬂᬯᬶᬗᬶᬢ᭄᭚᭐᭚ᬧ
ᬗ᭄ᬓᬸᬃ᭚᭐᭚ᬧᬗ᭄ᬓᬸᬃᬧᬗ᭄ᬮᬶᬮᬲᬸᬗ᭄ᬓᬯᬵ᭞ᬤ᭄ᬯᬕᬸᬂᬧᬸᬢ᭄ᬭᬳᬦᬫ᭄ᬢᬫᬶᬓᬭᬰ᭄ᬫᬶᬦ᭄᭞ᬧᬫᭀᬂᬫᭀᬂᬳᬶᬤᬲᬂᬧ᭄ᬭᬪᬹ᭞ᬫᬧᬋᬓᬦ᭄ᬤᭀᬫᬲᬦ᭄᭞ᬧᬗᭂᬫ᭄ᬩᬦᬾᬧᬤᬡ᭄ᬥᬕ᭄ᬥᬾᬧᬼ
[᭗ 7A]
ᬓᬸᬢᬸᬲ᭄᭞ᬢᬦ᭄ᬓᬤᬶᬤᬶᬓᬳᬃᬬ᭄ᬬᬦ᭄᭞ᬘᭀᬓᭀᬃᬤ᭄ᬥᬩᬕᬸᬲ᭄ᬓᬧᬸᬚᬶ᭟ᬯᬃᬡ᭄ᬦᬦᬾᬓᬤ᭄ᬬᬂᬳ᭄ᬬᬂᬲ᭄ᬫᬭ᭞ᬩᬕᬸᬲ᭄ᬫᬦᬶᬲ᭄ᬧᬫᬸᬮᬸᬍᬫ᭄ᬧᬸᬂᬕᬤᬶᬂ᭞ᬳᬤᭂᬕ᭄ᬮᬗ᭄ᬲᬶᬂᬮᬜ᭄ᬚᬃᬜᬸᬜᬸᬃ᭞
ᬳᬦᬸᬢ᭄ᬲᬧᬭᬶᬧᭀᬮᬄ᭞ᬧᭀᬮᬶᬄᬬᬸᬱᬵᬳᬶᬤᬯᬯᬸᬭᭀᬲ᭄ᬢᬳᬸᬦ᭄᭞ᬳᬲᬶᬦ᭄ᬭᬭᬭᬲ᭄ᬗᬯᬾᬲ᭄ᬫᬂ᭞ᬳᬩᬕᬸᬲ᭄ᬫᬦᬶᬲ᭄ᬭᬲ᭄ᬧᬢᬶ᭟ᬳᬓᬾᬄᬳᬶᬤᬫᬧᬋᬓᬦ᭄᭞ᬲᬭᬳᬶ
ᬦᬦᬩᬸᬄᬰ᭄ᬯᬭᬦᬶᬂᬕᭂᬦ᭄ᬤᬶᬂ᭞ᬗᬸᬭᬸᬓ᭄ᬮᬾᬕᭀᬂᬮᬯᬦ᭄ᬕᬫ᭄ᬩᬸᬄ᭞ᬧᬧᬯᭀᬲᬦ᭄ᬢᬦ᭄ᬧ᭄ᬕᬢ᭄᭞ᬤ᭄ᬯᬕᬸᬂᬧᬸᬢ᭄ᬭᬫ᭄ᬬᬃᬱᬵᬓᬬᬸᬦᬮᬶᬜᬸᬦ᭄᭞ᬓ᭄ᬜᭂᬫ᭄ᬭᬭᬶᬲ᭄ᬗᬦ᭄ᬤᬶᬓᬵ᭞ᬧᬤᬦ᭄ᬥᬢᬶᬢ᭄ᬬᬂᬫ
ᬮᬮᬶ᭟᭞ᬳᬢᬗᬶᬭᬭᬶᬲ᭄ᬫᬫᬃᬕ᭄ᬕᬵ᭞ᬢᬦ᭄ᬲᬄᬧᬋᬓᬦ᭄ᬗᬶᬭᬶᬂᬲᬫᬶ᭞ᬧᬤᬡ᭄ᬥᬕ᭄ᬥᬾᬭᬶᬂᬗᬬᬸᬦ᭄᭞ᬭᬯᬸᬄᬳᬾᬭᬶᬂᬓᬳᬵᬃᬬ᭄ᬬᬦ᭄᭞ᬓᬘᬶᬗᬓᬦ᭄ᬢᭀᬤᬵᬩᬕᬸᬲ᭄ᬤᬤᬶᬮᬶ
Kaca:Bali-lontar-paparikan-malat-02-550ppi.pdf/7
Kaca puniki sampun kauji-wacén
