[᭔᭘ 48B]
᭔᭘
ᬓᬵ᭞ᬫᬭᬵᬢ᭄ᬓᬵᬤᬾᬯᬦ᭄ᬩᬗ᭄ᬲᬮ᭄ᬫᬢᬶᬗ᭄ᬕᬯᬸᬢ᭄᭞ᬓ᭄ᬜᭂᬫ᭄ᬕᬸᬂᬭᬳᬶᬫᬜᬕ᭄ᬚᬕ᭄᭞ᬦᬸᬦᬲ᭄ᬮᬸᬕ᭄ᬭᬫᬸᬗ᭄ᬕᬄᬕ᭄ᬮᬶᬲ᭄᭟ᬳᬶᬤ᭄ᬯᬕᬸᬂᬜ᭄ᬦᭂᬂᬓᬘᬶᬗᬓ᭄᭞ᬲᬮᬶᬂᬘᬶᬗᬓ᭄ᬭᬕᬭᬕᬦ᭄ᬲᬗ᭄ᬓᬮᬶᬄ᭞
ᬓᬓ᭄ᬦᬦ᭄ᬩᬸᬤᬸᬄᬳᬸᬮᬗᬸᬦ᭄᭞ᬤᬤᬶᬯᬗᬸᬦ᭄ᬩ᭄ᬭᬫᬶᬢ᭄ᬣᬵ᭞ᬧᬓᬬᬸᬦᬦ᭄ᬳ᭄ᬬᬢᬦ᭄ᬓᬤᬳᬾᬂᬮᬓᬸ᭞ᬲᬫᬶᬳᬸᬮᬗᬸᬦᬾᬫᬫ᭄ᬭᬢ᭄᭞ᬭᬸᬫᬸᬦ᭄ᬢᬕ᭄ᬧ᭄ᬭᬫᬡᬵᬓᬮᬶᬄ᭟ᬲᬂᬧ᭄ᬭᬪᬸᬫᬮᬶᬄᬗᬦ᭄ᬤᬶ
ᬓ᭞ᬦᬄᬚᬮᬦ᭄ᬓᬾᬤᬾᬯᬵᬫᬚᬮᬦ᭄ᬚᬦᬶ᭞ᬲᬂᬧ᭄ᬭᬪᬹᬫᬢᬗᬶᬢ᭄ᬤᬸᬦ᭄᭞ᬢᬫ᭄ᬩᬸᬭᬾᬫᬗᬯᬗ᭄ᬲᬶᬢᬶᬦ᭄᭞ᬫᬕᬶᬍᬳᬦ᭄ᬫᬫᬲᬾᬗ᭄ᬭᬶᬳᬶᬦᬶᬦ᭄ᬲᬵᬫ᭄ᬧᬸᬦ᭄᭞ᬦᬾᬫᬗ᭄ᬕᬯᬳᬸ
ᬧᬘᬭ᭞ᬤᬫ᭄ᬧᬵᬳ᭄ᬫᬲ᭄ᬢᭀᬓᬳᬧᬶᬢ᭄᭟ᬢ᭄ᬓᬾᬦᬶᬂᬳᬶᬧᬬᬸᬂᬲᬸᬢ᭄ᬭ᭞ᬫᬚᭂᬚ᭄ᬩᬸᬕ᭄ᬫᬚᬭᭀᬧᬓᬭᬶᬦᬶᬂ᭞ᬩᬳᬦ᭄ᬫᬸᬢᬾᬦᬾᬫᬳᬸᬭᬸᬢ᭄᭞ᬕᬸᬂᬜ᭄ᬦᭂᬂᬫᬳᬸᬦ᭄ᬤᬓᬦ᭄᭞ᬫᬓᬓ
[᭔᭙ 49A]
ᬫᬵᬫᬢ᭄ᬩᬸᬢ᭄ᬩᬸᬫᬵᬲ᭄ᬢᬢᬸᬃ᭞ᬫᬩᬸᬗ᭄ᬳᬓᬫᬳᭀᬦ᭄ᬩᬭᬓ᭄᭞ᬫᬳᬾᬩᬾᬕ᭄ᬩᬦ᭄ᬳᭂᬫᬲ᭄ᬳᬤᬶ᭟ᬲᬵᬫ᭄ᬧᬸᬦ᭄ᬫᬸᬗ᭄ᬕᬄᬰ᭄ᬭᬷᬦᬵᬭᬾᬦ᭄ᬤ᭄ᬭᬵ᭞ᬧ᭄ᬭᬫᬾᬦᬓᬾᬲᬫᬶᬲᬵᬫ᭄ᬧᬸᬦ᭄ᬫᬗᬶᬭᬶᬂ᭞ᬧᬤᬦ᭄ᬥ
ᬕ᭄ᬤᬾᬭᬶᬗᬬᬸᬦ᭄᭞ᬤ᭄ᬯᬕᬸᬂᬜ᭄ᬦᭂᬂᬗᬦ᭄ᬤᬶᬓᬵ᭞ᬧᬗᬦ᭄ᬤᬶᬓᬦᬾᬳᬯᭀᬃᬭᬶᬂᬘᬶᬗᬓ᭄ᬜᬸᬜᬸᬃ᭞ᬫᬗ᭄ᬭᬯᭀᬲ᭄ᬭᬯᭀᬲᬂᬘᬶᬢ᭄ᬣᬵ᭞ᬳ᭄ᬜᬾᬦ᭄ᬫᬫ᭄ᬧᬸᬄᬫᬗᬺᬢ᭄ᬩᬸᬤ᭄ᬥᬶ᭟ᬦᬾᬚᬦᬶᬕᬸᬂᬭᬳᬶᬚ
ᬮᬦ᭄᭞ᬲᬃᬯ᭄ᬬᬗ᭄ᬮᬜ᭄ᬘᬢ᭄ᬳᬸᬦ᭄ᬤᬓᬦᬾᬕ᭄ᬮᬶᬲ᭄᭞ᬤ᭄ᬯᬕᬸᬂᬭᬳᬶᬲᬯᬸᬃᬓ᭄ᬜᬸᬂ᭞ᬳᬦ᭄ᬢᬸᬓᬕᬺᬓ᭄ᬓᬫᬾᬦ᭄ᬤ᭄ᬭᬦ᭄᭞ᬤᬤᬶᬲᬬᬦ᭄ᬩᬕᬸᬲᬾᬫᬯᬸᬯᬸᬄᬯᬸᬯᬸᬄ᭞ᬳᬦᬸᬢ᭄ᬳᬍᬧ᭄ᬗ᭄ᬮᬜ᭄ᬘᬢ᭄ᬚᬭ
ᬦ᭄᭞ᬳᬫᭀᬮᬄᬧ᭄ᬥᬸᬢ᭄ᬭᬲ᭄ᬧᬢᬶ᭟ᬧᬗᬶᬭᬶᬗᬾᬫᬲ᭄ᬯᬂᬲ᭄ᬯᬂ᭞ᬧᬚᬮᬜᬧᬤᬗᬶᬗᭂᬢᬶᬦ᭄ᬕᬸᬲ᭄ᬢᬶ᭞ᬢᬸᬳᬸᬘᬗ᭄ᬓ᭄ᬭᬫᬦ᭄ᬲᬂᬧ᭄ᬭᬪᬹ᭞ᬗ᭄ᬩᭂᬓ᭄ᬧᬶᬗ᭄ᬕᬶᬭᬶᬂᬫᬃᬕ᭄ᬕᬵ᭞ᬫᬓᬤᬶᬜᬯᭀᬂᬤᬾ
Kaca:Bali-lontar-paparikan-malat-02-550ppi.pdf/49
Kaca puniki sampun kauji-wacén
