[᭔᭗ 47B]
᭔᭗
᭞ᬲᬂᬧ᭄ᬭᬪᬹᬲᬵᬫ᭄ᬧᬸᬦ᭄ᬓᭀᬤᬮ᭄᭞ᬫᬗᬦ᭄ᬤᬶᬓᬳᬶᬤ᭄ᬯᬕᬸᬂᬭᬳᬶ᭞ᬳ᭄ᬦᬾᬫᬮᬸ᭞ᬕ᭄ᬮᬶᬲ᭄ᬢᭂᬤᬸᬦᬦ᭄ᬫᬫᬃᬕ᭄ᬕᬵ᭞ᬓᬕ᭄ᬥᭀᬂᬓᬫᬃᬫᬗ᭄ᬭᬭᬶᬲ᭄᭟ᬓᬢᬸᬢᬸᬕ᭄ᬩᬳᬦ᭄ᬳᬶᬜᭀᬜᬄ᭞ᬗᬩᬯ
ᬲ᭄ᬢ᭄ᬭᬳᬶᬲᬸᬩᬦ᭄ᬤᬃᬫᬫᬋᬗᬶᬦ᭄᭞ᬤ᭄ᬯᬕᬸᬂᬭᬳᬶᬗᬸᬲᬧᬶᬂᬗ᭄ᬮᬸᬄ᭞ᬓᬗᭂᬦ᭄ᬜᭀᬜᬄᬲᬸᬩᬦ᭄ᬤᬃ᭞ᬫᬩ᭄ᬭ᭄ᬬᬸᬓ᭄ᬫᬢᬸᬃᬢᬸᬗ᭄ᬓᬲᬂᬤᬵᬧᭂᬗ᭄ᬓᬸᬂ᭞ᬲᬬᬵᬕᬸᬂᬭᬳᬶᬕᬯᬾᬦᬂ᭞ᬳᬶᬤ᭄ᬯᬕᬸᬂᬭᬳᬶᬜᬯᬸ
ᬭᬶᬦ᭄᭟ᬫᬸᬮᬵᬤ᭄ᬯᭂᬕ᭄ᬫᬗᭀᬩᬬᬂ᭞ᬓᬧᬶᬢᬺᬱ᭄ᬡᬦ᭄ᬢᬸᬃᬩᬶᬲᬗᬲᬶᬄᬳᬰᬶᬄ᭞ᬦᬄᬧᬬᬲᬶᬦ᭄ᬲᬬᬫᬮᬸ᭞ᬧᬓᬓᬲ᭄ᬘᬭᬘᬶᬡ᭄ᬦ᭞ᬲᬢ᭄ᬫᬓᬬᬂᬲᬬᬩᬦ᭄ᬤᬃᬲᬸᬩᬫᬶᬮᬸ᭞ᬓᬗᭂᬦ᭄ᬳ
ᬲᬶᬂᬫᬦᬶᬗᭂᬳᬂ᭞ᬲᬸᬩᬦ᭄ᬤᬃᬜᭀᬜᬄᬫᬗ᭄ᬮᬶᬂ᭟ᬫᬬᬲᬶᬦ᭄ᬳᬚᬓᬤᬤ᭄ᬯ᭞ᬫᬳᬸᬕ᭄ᬚᬮᬾᬃᬲᬸᬩᬓᬜ᭄ᬘᬶᬂᬫᬵᬲ᭄ᬳᬤᬶ᭞ᬲᬲᭀᬘᬦ᭄ᬜᬦᬾᬫᬢᬸᬭᬸᬢ᭄᭞ᬓᬸᬮᬫ᭄ᬩᬶᬩᬭᬗᬜ
[᭔᭘ 48A]
᭞ᬢᬹᬃᬫᬢᬸᬯᬶᬫᬰᬸᬮᬫ᭄ᬫᬚᬭᬵᬮᬸᬳᬸᬂ᭞ᬓᬳᬶᬍᬳᬶᬦ᭄ᬩᬳᬦ᭄ᬫᬶᬭᬄ᭞ᬫᬸᬢᬶᬳᬭᬓᬲ᭄ᬮᬕᬶᬦ᭄᭟ᬧᬶᬗ᭄ᬕᭂᬮ᭄ᬭᬸᬧᭂᬢ᭄ᬯᬭᬵᬩ᭄ᬮᬲ᭄᭞ᬓᬍᬗᬶᬲᬶᬦ᭄ᬤᬾᬃᬕᬸᬮᭀᬲᬶᬕᬸᬦ᭄ᬧ᭄ᬭᬶ᭞ᬳ᭄ᬩᭀ
ᬦᬾᬫᬶᬳᬶᬓ᭄ᬫᬮᬸᬕ᭄ᬧᬸᬕ᭄᭞ᬫᬾᬄᬳᬤᬤᭀᬫᬲ᭄ᬥᭂᬧᬵ᭞ᬢ᭄ᬯᬭᬮᬾᬦᬦ᭄ᬕᬸᬂᬭᬳᬶᬧᬭᬦᬶᬂᬤᬸᬮᬸ᭞ᬢᬦ᭄ᬮ᭄ᬬᬦ᭄ᬧᬭᬦᬶᬂᬲ᭄ᬯᬘᬶᬢ᭄ᬣᬵ᭞ᬳᬦᬸᬢ᭄ᬯᬃᬡ᭄ᬦᬵᬦᬾᬗᬾᬤᬦᬶᬦ᭄᭟ᬓᭀᬤ
ᬮ᭄ᬳᬶᬤᬲᬓᬶᬂᬩᬗ᭄ᬲᬮ᭄᭞ᬫᬩᬭᬶᬬᬸᬓ᭄ᬳᬸᬧᬵᬘᬭᬗ᭄ᬭᬶᬳᬶᬦᬶᬦ᭄᭞ᬳᬶᬲᬸᬩᬦ᭄ᬤᬃᬫᬗᬸᬫᬗᬸ᭞ᬤᬶᬓᭀᬃᬱᬶᬦᬾᬫᬦ᭄ᬕᬓ᭄᭞ᬳᬶᬤᬾᬯᬕᬸᬂᬭᬳᬶᬗ᭄ᬮᬜ᭄ᬘᬢ᭄ᬓᬸᬤᬵᬲᬵᬫ᭄ᬧᬸᬦ᭄᭞
ᬧᬳᬸᬢ᭄ᬳᬜᬫ᭄ᬢᬶᬚᬭᬦ᭄᭞ᬤᬤᬸᬧᬓ᭄ᬧᬸᬩᬫᬳᬶᬲᬶ᭟ᬢᬦ᭄ᬓᬯᬃᬡ᭄ᬦᬳᬭᬶᬂᬫᬃᬕ᭄ᬕᬵ᭞ᬳᬲᬓ᭄ᬱᬡᬭᬶᬂᬩᬜ᭄ᬘᬶᬗᬄᬯᬸᬲ᭄ᬧ᭄ᬭᬧ᭄ᬢᬶ᭞ᬫᬗ᭄ᬭᬭᬶᬲ᭄ᬫᬋᬓ᭄ᬱᬂᬧ᭄ᬭᬪᬸ᭞ᬲᬂᬧ᭄ᬭᬪᬸᬫᬗᬦ᭄ᬤᬶ
Kaca:Bali-lontar-paparikan-malat-02-550ppi.pdf/48
Kaca puniki sampun kauji-wacén
