[᭓᭙ 39B]
᭓᭙
ᬫᬜᬸᬫ᭄ᬩᬄᬳᬢᬸᬃᬭᬵ᭞ᬢᬶᬢ᭄ᬬᬂᬗᬢᬸᬭᬂᬧᬸᬦᬶᬓᬶ᭞ᬗᬶᬂᬲᬫᬢ᭄ᬭᬩᬭᬂᬩᬭᬂ᭞ᬭᬶᬂᬤ᭄ᬯᬕᬸᬂᬜ᭄ᬦᭂᬂᬧᬸᬦᬶᬓᬶ᭞ᬲᬂᬧ᭄ᬭᬪᬹᬫᬗᬗ᭄ᬕᬸᬢᬶᬦ᭄᭞ᬓᬲ᭄ᬮᬕ᭄ᬧᬤᬡ᭄ᬥᬭᬯᬸᬄ᭞ᬳᬸᬢᬸᬲᬦ᭄ᬧ᭄ᬭᬫᬶᬰ᭄ᬯᬃᬬ᭄ᬬᬵ
᭞ᬜᬶᬫ᭄ᬧᬗᬂᬳᬶᬤ᭄ᬯᬕᬸᬂᬭᬳᬶ᭞ᬭᬭᬶᬲ᭄ᬫᬢᬸᬃᬢᬶᬢ᭄ᬬᬂᬓᬳᬸᬢᬸᬲ᭄ᬫᬫᬶᬢᬂ᭟ᬳᬶᬤᬵᬳᬦᬓ᭄ᬘᭀᬓᭀᬃᬳᬶᬤᬾᬯ᭄ᬯ᭞ᬳᬶᬤᬳᬶᬤᬾᬯᬕᬸᬂᬭᬳᬶ᭞ᬳᬶᬤᬲᬂᬧ᭄ᬭᬪᬹᬗᬦ᭄ᬤᬶᬓᬵ᭞
ᬤᬾᬯᬵᬳᬶᬩ᭄ᬬᬂᬲᬶᬫ᭄ᬧᬗᬶᬦ᭄᭞ᬦᬾᬧᬤᬡ᭄ᬥᬫᬗᬮᬶᬄ᭞ᬳᬶᬗ᭄ᬕᬶᬄᬳᬭᬸᬃᬳᬶᬤᬾᬯᬕᬸᬂ᭞ᬫᬢᬗᬶᬭᬭᬶᬲ᭄ᬓᬧᬸᬃᬬ᭄ᬬᬦ᭄᭞ᬧ᭄ᬭᬫᬶᬰ᭄ᬯᬃᬬ᭄ᬬᬳᬢᬧ᭄ᬦᬗ᭄ᬓᬶᬮ᭄᭞ᬫᬓᬤᬶᬜᬳᬶᬤᬬᬸ
ᬗᬸᬭᬄᬳᬶᬭᬶᬓᬵ᭟ᬲᬭᬯᬸᬄᬳᬾᬫᬗᬋᬧᬂ᭞ᬧᬤᬡ᭄ᬥᬕ᭄ᬮᬶᬲ᭄ᬫᬜᬫ᭄ᬧᬶᬂ᭞ᬧ᭄ᬭᬫᬶᬰ᭄ᬯᬃᬭᬶᬫᬗᬦ᭄ᬤᬶᬓᬫᬳᬶᬓᬾᬩ᭄ᬬᬂᬧᬳᭂᬓᬶᬦ᭄᭞ᬤ᭄ᬯᬕᬸᬂᬭᬳᬶᬦᬫ᭄ᬧᭂᬓᬶᬦ᭄᭞ᬧ᭄ᬭᬫᬶᬰ᭄ᬯᬭᬶ
[᭔᭐ 40A]
ᬗᬸᬲᬸᬤ᭄ᬳᬸᬲᬸᬤ᭄᭞ᬓᬮᬶᬄᬯᬾᬦ᭄ᬢᭂᬦ᭄ᬧᬓᬬᬸᬦᬦ᭄᭞ᬜᬬᬗᬂᬢᬦ᭄ᬲᬶᬧᬶᬲᬶᬧᬶ᭞ᬩᬦᬾᬳᬕᬸᬂᬭᬭᬾᬫᬦᬶᬗ᭄ᬕᬮ᭄ᬦᬕᬭᬵ᭟ᬫᬗᬦ᭄ᬤᬶᬓᬵᬤᬶᬦᬶᬲᬸᬩᬵ᭞ᬲᬸᬳᬸᬤ᭄ᬤᬶᬩᬗ᭄ᬲ
ᬮ᭄ᬕᬸᬂᬭᬳᬶ᭞ᬫᬤᬾᬯᬶᬮᬦ᭄ᬭᬦ᭄ᬢᭂᬦᬵᬚ᭄ᬬᬵ᭞ᬧᬤᬸᬓᬵᬮᬶᬓᬸᬜᬋᬗᬶᬦ᭄᭞ᬲᬳᬗᭂᬦ᭄ᬥᭂᬓ᭄ᬕᬸᬂᬭᬳᬶ᭞ᬳᬶᬤ᭄ᬯᬕᬸᬂᬭᬳᬶᬫᬲᬳᬸᬃ᭞ᬫᬲᬵᬢᬦ᭄ᬭᬶᬂᬧᬓᬬᬸᬦᬦ᭄᭞ᬢᬶᬢ᭄ᬬᬂᬓᬧ᭄ᬬ
ᬢᬗᬦ᭄ᬳᬸᬭᬶᬧ᭄᭞ᬭᬶᬂᬳᬶᬩᬦ᭄ᬤᬃᬩᭀᬬᬫᬭᬸᬧᬵᬓᬦᬶᬱ᭄ᬝᬵ᭟ᬓ᭄ᬜᭂᬫ᭄ᬰ᭄ᬭᬷᬧ᭄ᬭᬫᬶᬰ᭄ᬯᬃᬬ᭄ᬬᬵ᭞ᬫᬓᬤᬶᬢᬗ᭄ᬓᬶᬮ᭄ᬲᬫᬶ᭞ᬰ᭄ᬭᬶᬧ᭄ᬭᬫᬶᬰ᭄ᬯᬭᬶᬗᬦ᭄ᬤᬶᬓᬵ᭞ᬳᬭᬄᬤ᭄ᬯᭂᬕ᭄ᬳᬕᬸᬂᬭᬳᬶ᭞ᬦᬸ
ᬘ᭄ᬦᬶᬓ᭄ᬲᬸᬩᬭᬶᬭᬶᬄ᭞ᬤ᭄ᬯᭂᬕ᭄ᬗᬯᬾᬓᬧᬶᬮᬸᬮᬸᬢ᭄᭞ᬢᬗ᭄ᬓᬶᬮᬦ᭄ᬓᬲᭀᬩ᭄ᬲᬫ᭄ᬬᬦ᭄᭞ᬤᬬᬸᬗᬸᬭᬄᬫᬢᬸᬃᬭᬭᬶᬲ᭄᭞ᬤ᭄ᬯᬕᬸᬂᬢᬶᬢ᭄ᬬᬂᬫᬫᬶᬢᬂᬧᬘᬂᬜᬶᬫ᭄ᬧᬗᬂ᭟ᬳᬶᬤ᭄ᬯᬕᬸᬂ
Kaca:Bali-lontar-paparikan-malat-02-550ppi.pdf/40
Kaca puniki sampun kauji-wacén
