[᭓᭘ 38B]
᭓᭘
ᬕ᭄ᬕᬵ᭞ᬢᬦ᭄ᬲᬄᬳᬶᬩᬦ᭄ᬤᬃᬓᬶᬦᬦ᭄ᬢᬶ᭞ᬲᬲᭀᬮᬳᬦ᭄ᬢᬦ᭄ᬫᬭᬶᬫᬗ᭄ᬕᬯᬾᬲ᭄ᬫᬂ᭟ᬯᬃᬡ᭄ᬦᬦᬾᬮ᭄ᬯᬶᬃᬲᬗ᭄ᬳ᭄ᬬᬂᬲ᭄ᬫᬭ᭞ᬭᬯᬸᬭᬶᬗᬬᬸᬦᬺᬧᬢᬶ᭞ᬲᬂᬧ᭄ᬭᬪᬹᬕ᭄ᬮᬶᬲ᭄ᬗᬦ᭄ᬤᬶᬓᬵ᭞ᬳᬕᬸᬂᬫᬳᬶᬤᬶ
ᬦᬶ᭞ᬩᬋᬂᬦ᭄ᬕᬓ᭄ᬦᬾᬚᬦᬶ᭞ᬤᭂᬲᭂᬓᬶᬦ᭄ᬤᬶᬩᬧᬵᬳᬕᬸᬂ᭞ᬤ᭄ᬯᬕᬸᬂᬓ᭄ᬜᭂᬫ᭄ᬫᬜᬕ᭄ᬚᬕ᭄᭞ᬫᬮᬶᬗ᭄ᬕᬄᬧᬸᬗ᭄ᬓᬸᬃᬦᬺᬧᬢᬶ᭞ᬤ᭄ᬥᬲᬂᬧ᭄ᬭᬪᬹᬗ᭄ᬮᬸᬢ᭄ᬫᬗᬦ᭄ᬤᬶᬓᬵ᭟ᬧᬗᬦ᭄ᬤᬶᬓᬦᬾᬲᬂᬦᬵᬣ᭞ᬚᬦᬶᬤᬶᬦᬶ
ᬳᬕᬸᬂᬭᬳᬶ᭞ᬲᬸᬳᬸᬤ᭄ᬫᬦᭀᬗᭀᬲ᭄ᬤᬶᬩᬗ᭄ᬲᬮ᭄᭞ᬲᬬᬂᬕᭀᬩᬩᬕᬸᬲ᭄ᬕᬢᬶ᭞ᬤᬶᬦᬶᬩᬋᬂᬳᬶᬩ᭄ᬮᬶ᭞ᬧᬤᬡ᭄ᬥᬫᬤᬸᬮᬸᬃ᭞ᬓᬮᬯᬦ᭄ᬧᬢᬶᬄᬳᬃᬬ᭄ᬬ᭞ᬳᬶᬤ᭄ᬯᬕᬸᬂᬫᬲᬵᬳᬸᬃᬗᬶᬭᬶᬂ᭞
ᬤᬤᬶᬕ᭄ᬮᬸᬳᬶᬲᬸᬩᬦ᭄ᬤᬃᬫᬦᬶᬗᭂᬳᬂ᭞ᬯᬲ᭄ᬢ᭄ᬯᬜᬤᬤᬶᬗᬮ᭄ᬬᬩ᭄᭞ᬩ᭄ᬗᬄᬩ᭄ᬗᬸᬄᬧᬭᬚᬦᬶ᭞ᬓ᭄ᬜᭂᬫ᭄ᬧᬂᬧ᭄ᬭᬪᬹᬫᬜᬶᬗᬓ᭄᭞ᬳᬶᬤᬾᬯᬕᬸᬂᬭᬳᬶᬓ᭄ᬜᬶᬂ᭞ᬳᬶᬤ᭄ᬯᬕᬸᬂᬜ᭄ᬦᭂᬂᬧ᭄ᬭᬧ᭄ᬢᬶ᭞ᬯᬃᬡ᭄ᬦ
[᭓᭙ 39A]
ᬦᬾᬩᬕᬸᬲ᭄ᬳᬦᬸᬮᬸᬲ᭄᭞ᬬᬸᬱᬳᬤᬧᬫᬰᬵ᭞ᬯᬯᬸᬳᬦ᭄ᬢᭂᬲ᭄ᬳᬶᬤᬜᬸᬗ᭄ᬓᭂᬮᬶᬢ᭄᭞ᬮᬗ᭄ᬲᬶᬂᬮᬜ᭄ᬚᬃ᭞ᬲᬼᬫ᭄ᬲ᭄ᬥᭂᬧ᭄ᬗᬯᬾᬭᬶᬫᬂ᭟ᬢ᭄ᬥᬸᬦ᭄ᬢᬗ᭄ᬓᬶᬮᬦᬾᬲᬫ᭄ᬬᬦ᭄᭞ᬳᬶᬤ᭄ᬯᬕᬸᬂᬩ᭄ᬢᬾᬦ᭄ᬫ
ᬮᬶᬗ᭄ᬕᬶᬄ᭞ᬲᬂᬧ᭄ᬭᬪᬹᬗᬦ᭄ᬤᬶᬓᬳᬮᭀᬦ᭄᭞ᬫᬳᬶᬫ᭄ᬦᬾᬓ᭄ᬳᬚᬓ᭄ᬳᬶᬬᬤᬶ᭞ᬳᬶᬤ᭄ᬯᬕᬸᬂᬫᬸᬱ᭄ᬧᬭᬭᬶᬲ᭄᭞ᬫᬸᬗ᭄ᬕᬳᬦ᭄ᬳᬶᬤᬫᬮᬸᬗ᭄ᬕᬸᬄ᭞ᬤ᭄ᬯᬕᬸᬂᬭᬳᬶᬫᬸᬗ᭄ᬕᬳᬦ᭄᭞ᬳᬶᬤ᭄ᬯᬕᬸᬂᬜ᭄ᬦᭂᬂᬫ
ᬦᭀᬮᬶᬄ᭞ᬓᬩᬋᬗᬦ᭄ᬘᬶᬗᬓ᭄ᬧᬤᬭᬕᬵᬭᬕᬦ᭄᭟ᬲᬂᬧ᭄ᬭᬪᬹᬫᬮᬶᬄᬗᬦ᭄ᬤᬶᬓᬵ᭞ᬤᬾᬯᬳᭂᬦ᭄ᬥᭂᬓᬂᬳᬶᬬᬤ᭄ᬥᬶ᭞ᬳᬶᬤ᭄ᬯᬕᬸᬂᬜᭂᬦᭂᬂᬗᬦ᭄ᬤᬶᬓ᭞ᬤ᭄ᬯᬵᬕᬸᬂᬢ᭄ᬬᬂᬗᭂᬦ᭄ᬥᭂᬓ᭄ᬤᬶᬦᬶ᭞
ᬤ᭄ᬯᬕᬸᬂᬭᬳᬶᬜᬯᬸᬭᬶᬦ᭄᭞ᬳᬶᬗ᭄ᬕᬶᬄᬲᬦ᭄ᬤᬶᬓᬩ᭄ᬮ᭄ᬬᬕᬸᬂ᭞ᬓ᭄ᬜᭂᬲᬶᬸᬫ᭄ᬲᬂᬧ᭄ᬭᬪᬹᬗᬦ᭄ᬤᬶᬓᬵ᭞ᬩᬦ᭄ᬤᬃᬤ᭄ᬧᬶᬦ᭄ᬳᬶᬬᬕᬸᬂᬤᬶᬦᬶ᭞ᬳᬶᬲᬸᬩᬦ᭄ᬤᬃᬳ᭄ᬮᬾᬦ᭄ᬳᬗ᭄ᬕᭀᬜᬫᬦᬶᬫ᭄ᬩᬮ᭄᭟ᬲᬳᬵ
Kaca:Bali-lontar-paparikan-malat-02-550ppi.pdf/39
Kaca puniki sampun kauji-wacén
