[᭓᭓ 33B]
᭓᭓
ᬕᬸᬂᬫᬢᬗᬶ᭞ᬬᬳᬶᬜᭀᬜᬄ᭞ᬫ᭄ᬥᭂᬫ᭄ᬗᭂᬮᬯᬸᬢ᭄ᬫᬸᬮ᭄ᬬᬦ᭄᭞ᬤ᭄ᬯᬕᬸᬂᬭᬳᬶᬓᬕ᭄ᬥᭀᬗᬾ᭞ᬫᬮᬶᬬᬢ᭄ᬲᬸᬩᬦ᭄ᬤᬃᬓ᭄ᬜᬸᬂ᭞ᬮᬮ᭄ᬬᬢᬾᬕᬮᬓ᭄ᬳᬫᬦᬶᬲ᭄᭞ᬜᬦ᭄ᬤᭂᬢ᭄ᬓᭂᬤ᭄ᬓᬚᬚᬄ᭞
ᬳᬶᬤ᭄ᬯᬕᬸᬂᬫᬮᬸᬗ᭄ᬕᬸᬄ᭞ᬦᬗ᭄ᬳᬶᬂᬯᬾᬦ᭄ᬢᭂᬦ᭄ᬧᬬᬸᬦᬦ᭄᭞ᬓᬳᬾᬭᬶᬂᬗᬦ᭄᭞ᬧᬮ᭄ᬬᬢ᭄ᬲᬸᬩᬦ᭄ᬤᬵᬃᬫᬕᭂᬦ᭄ᬢᬶ᭞ᬋᬲ᭄ᬋᬲ᭄ᬕᭂᬮᬶᬲ᭄ᬗᬦ᭄ᬤᬶᬓᬵ᭟ᬩᬦ᭄ᬤᬃᬲᬬᬧ᭄ᬧᬸᬗᬦ᭄ᬢ᭄ᬬᬂᬫ᭄ᬮᬮᬶ᭞ᬤᬤᬶ
ᬳᬾᬗ᭄ᬕᬮ᭄᭞ᬩᬗᬸᬦ᭄ᬳᬶᬲᬸᬩᬦ᭄ᬤᬃ᭞ᬓᬚ᭄ᬫᬓ᭄ᬮᬯᬸᬢ᭄ᬓᬧᬗ᭄ᬓᭀᬦ᭄᭞ᬲᬳᬳᬢᬹᬃᬫᬸᬮᬸᬄᬋᬫ᭄ᬧᬸᬄ᭞ᬳᬢᬸᬃᬢ᭄ᬬᬂᬤᬾᬯᬕᬸᬂᬭᬳᬶ᭞ᬲᬬᬚᬦᬶᬧᬜ᭄ᬚᬓᬂ᭞ᬗᬺᬢ᭄ᬓᭂᬦᭂᬄᬢᭀᬂᬫᬫ᭄ᬧᬸᬄ
᭞ᬮᬫᬶᬲᬬᬗᬦ᭄ᬤᬾᬕ᭄ᬫᬾᬦ᭄ᬤ᭄ᬭᬵ᭞ᬓᬸᬮᬗᬸᬦᬦ᭄᭞ᬕᬸᬂᬭᬳᬶᬯᬶᬱ᭄ᬬᬦᬶᬗᬢᬶ᭞ᬦᬄᬮᬯᬸᬢᬂᬧᬭᬕᬢ᭄ᬣᬂ᭟ᬳᬶᬚᬾᬗ᭄ᬮᬃᬳᬩ᭄ᬤᬸᬮᬄᬧᬜ᭄ᬚᬓᬂᬗ᭄ᬕᬶᬄ᭞ᬤᬦᬸᬮᬕᬂ᭞ᬲᬩᬸᬤᬶ
[᭓᭔ 34A]
ᬫᬦᬶᬢᬄ᭞ᬤ᭄ᬯᬕᬸᬂᬭᬳᬶᬓᭀᬯᬲᬦᬾ᭞ᬧᬜ᭄ᬚᬓᬂᬲᬬᬭᬢᬸ᭞ᬳ᭄ᬥᬚᬗ᭄ᬓᬵᬩ᭄ᬯᬶᬦ᭄ᬫᭀᬗᭀᬭᬶᬦ᭄᭞ᬤ᭄ᬯᬕᬸᬂᬗᭂᬫ᭄ᬩᭂᬗᬶᬂᬯᬲ᭄ᬧ᭞ᬋᬲ᭄ᬋᬲ᭄ᬫᬶᬋᬂᬳᬢᬸᬃ᭞ᬗᬶᬂᬫᭂᬗᭂᬭᬶᬂᬧᬓᬬᬸᬦ
ᬦ᭄᭞ᬫᬗᬦ᭄ᬤᬶᬓᬵ᭞ᬲᬬᬩ᭄ᬮᭀᬕ᭄ᬢᬸᬃᬭᬶᬂᬘ᭄ᬦᬶᬓ᭄᭞ᬳᬶᬲᬸᬩᬦ᭄ᬤᬃᬳᬾᬗ᭄ᬕᬮ᭄ᬦᬶᬫ᭄ᬩᬮ᭄᭟ᬬᬤᬶᬦ᭄ᬘᭂᬦᬶᬓ᭄ᬧᬜ᭄ᬚᬓᬂᬚ᭄ᬯᬗ᭄ᬕᬶᬄ᭞ᬳᬶᬬᬩ᭄ᬤᬸᬮᬄ᭞ᬢᬦ᭄ᬧᬢᬢ᭄ᬩᬸᬲᬦ᭄᭞ᬧᬶᬂᬲᬧ᭄ᬝᬧᬦᬸᬫᬤᬶ
ᬦᬾ᭞ᬧᬤᬶᬤᬶᬤ᭄ᬯᬕᬸᬂᬗᬯᭂᬗ᭄ᬓᬸ᭞ᬬᬤ᭄ᬬᬦ᭄ᬩᭂᬮᭀᬕ᭄ᬲᬬᬫᬸᬭᬸᬓᬶᬦ᭄᭞ᬤ᭄ᬯᬕᬸᬂᬭᬳᬶᬫᬢᬗ᭄ᬭᬦ᭄᭞ᬫᬧᬳ᭄ᬬᬸᬦᬦ᭄ᬧᭂᬲᬸ᭞ᬧᬘᬂᬫᬗᬮᬶᬄᬳᬶᬜᭀᬜᬄ᭞ᬫᬗ᭄ᬕᬾᬳ᭄ᬥᬵ᭞ᬳᬶᬩ
ᬦ᭄ᬤᬃᬩ᭄ᬯᬶᬦ᭄ᬫᬫᬸᬜᬶ᭞ᬳᬶᬲᬸᬩᬦ᭄ᬤᬃᬩ᭄ᬯᬶᬦ᭄ᬗᬶᬲᬶᬬᬂ᭟ᬩᬗᬸᬦ᭄ᬩ᭄ᬭᬫᬶᬢᬜᬦᬾᬫᬫᬹᬃᬢ᭄ᬢᬶ᭞ᬕᬋᬕᭂᬢᬦ᭄᭞ᬤᬤᬶᬯᬮ᭄ᬬᬯᬮ᭄ᬬ᭞ᬧᬗᬭᬶᬲ᭄ᬳᬶᬲᬸᬩᬦ᭄ᬤᬭᬾ᭞ᬲᬵᬃᬯ᭄ᬬᬫ᭄ᬓᬸᬮ᭄ᬫᭂᬓᬸᬮ᭄᭞
Kaca:Bali-lontar-paparikan-malat-02-550ppi.pdf/34
Kaca puniki sampun kauji-wacén
