[᭓᭒ 32B]
᭓᭒
ᬮᬶᬄᬳᬤᬳᬓ᭄ᬦᬵᬦᬓ᭄ᬦᬯᬂ᭞ᬫᬓᬤᬶᬜ᭞ᬳᬶᬜᭀᬜᬄᬳᬬᬸᬢᬓᬸᬢᬶᬦ᭄᭞ᬧᬬᬸᬲᬓᬶᬢ᭄ᬦᬳᬦᬂ᭟ᬢ᭄ᬯᬭᬲᬶᬤ᭄ᬥᬩᬳᬦ᭄ᬫᬗᬺᬢ᭄ᬩᬸᬤ᭄ᬥᬶ᭞ᬳᬶᬲᬸᬩᬦ᭄ᬤᬃ᭞ᬧᬬᬸᬜ᭄ᬭᬶᬢ᭄ᬫᬕᬸᬬᬂ᭞
ᬤᬶᬧᬫᬺᬫᬦ᭄ᬕᬸᬂᬭᬳᬶᬦᬾ᭞ᬳᬶᬤ᭄ᬯᬕᬸᬂᬭᬳᬶᬕ᭄ᬮᬸ᭞ᬜᬕ᭄ᬚᬕ᭄ᬫᬸᬮ᭄ᬬᬦ᭄ᬳᬶᬜᭀᬜᬄᬗᬶᬭᬶᬂ᭞ᬩᬦ᭄ᬤᬃᬳᬭᬄᬓ᭄ᬦᬧ᭞ᬓᭂᬲ᭄ᬬᬩ᭄ᬲᬬᬧᬬᬸ᭞ᬦᬶᬗᭂᬄᬩᬦ᭄ᬤᬃᬫᬚ᭄ᬭᬶᬢᬦ᭄᭞ᬓᬾᬦ᭄ᬧᬓᬶᬢᬂ᭞ᬳᬶ
ᬤ᭄ᬯᬕᬸᬂᬫᬗ᭄ᬮᬸᬢ᭄ᬕᭂᬮᬶᬲ᭄᭞ᬳᬶᬩᬦ᭄ᬤᬃᬤᬤᬶᬲᬶᬕ᭄ᬲᬶᬕᬦ᭄᭟ᬮᬯᬸᬢ᭄ᬫᭂᬦᬾᬓ᭄ᬳᬶᬜᭀᬜᬄᬤᬶᬕ᭄ᬮᬶᬲ᭄᭞ᬦᭂᬲᭂᬓ᭄ᬦᭂᬕᬓ᭄᭞ᬳᬮᬸᬲ᭄ᬧᬫᬸᬜᬶᬜ᭞ᬓᬾᬦ᭄ᬓᬾᬦ᭄ᬳᬤᬦ᭄ᬧᬜᬓᬶ
ᬢᬾ᭞ᬳᬶᬲᬸᬩᬦ᭄ᬤᬃᬫᬲᬳᬸᬢ᭄᭞ᬲᬬᬩᭂᬮ᭄ᬩᭂᬮᬦ᭄ᬫᬩᬸᬤᬶᬗ᭄ᬮᬶᬂ᭞ᬦᬾᬚᬦᬶᬲᬸᬩᬳᬶᬮᬂ᭞ᬓ᭄ᬫᬜᭀᬜᬄᬧ᭄ᬲᬸ᭞ᬧᬫᬤᬢᬦ᭄ᬢᭀᬦ᭄ᬤᬾᬦ᭄ᬗᬩᬵ᭞ᬤᬶᬦᬶᬲᬬ᭞ᬳ᭄ᬦᬾᬤ᭄ᬯᬕᬸᬂᬭ
[᭓᭓ 33A]
ᬳᬶᬭᬶᬂ᭞ᬳᬶᬤ᭄ᬯᬕᬸᬂᬭᬳᬶᬓᬳᭂᬫ᭄ᬩᬦ᭄᭟ᬲᬢ᭄ᬓᭂᬤᬾᬤᬶᬦᬢᬄᬫᬫᬸᬜᬶ᭞ᬳᬩᬓ᭄ᬫᬵ᭞ᬩᬩᬄᬩᬗᬸᬦ᭄ᬜᭂᬫᬓ᭄᭞ᬓᬩᬓᬕ᭄ᬥᭀᬂᬓᬫᬭᬾ᭞ᬲᬸᬩᬦ᭄ᬤᬃᬤᬤᬶᬓ᭄ᬜᬸᬂ᭞ᬧᬓ᭄ᬦᭂᬳᬦ᭄ᬜ
ᬦᬾᬤᬶᬬᬢᬶ᭞ᬳᬭᬄᬬᬤ᭄ᬬᬧᬶᬦ᭄ᬓᬸᬤ᭄ᬬᬂ᭞ᬓᬾᬯᬮᬲᬶᬂᬩᬸᬤᬸᬄ᭞ᬳᬶᬚᬾᬗ᭄ᬮᬃᬳᬩ᭄ᬤᬸᬮᬄᬳᬾᬗ᭄ᬕᬮ᭄᭞ᬫᬦᬸᬦ᭄ᬤᬾᬦᬂ᭞ᬗᬢᬸᬭᬶᬦ᭄ᬳᬶᬤ᭄ᬯᬕᬸᬂᬭᬳᬶ᭞ᬩᬩᬄᬩᬗᬸᬦ᭄ᬫᬚᬮᬦ᭄
᭟ᬲᬢ᭄ᬓᭂᬤᬾᬤᬶᬢᬸᬓᬳᬢᬸᬭᬶᬦ᭄᭞ᬧᬫᬸᬜᬶᬜ᭞ᬩᬮᬶᬬᬳᬢᬹᬃᬭᬵ᭞ᬤᬾᬯᬕᬸᬂᬦᬸᬦᬲ᭄ᬓᬕ᭄ᬥᭀᬂ᭞ᬳᬶᬤ᭄ᬯᬕᬸᬂᬭᬳᬶᬗ᭄ᬮᬶᬗᬸᬲ᭄᭞ᬳᬾᬗ᭄ᬕᬮ᭄ᬳᬶᬜᭀᬜᬄᬓᬳᬩᬦᬶ
ᬦ᭄᭞ᬳᬶᬜᭀᬜᬄᬫᬳᬢᬸᬭᬵ᭞ᬳ᭄ᬥᬤ᭄ᬯᬕᬸᬂᬧᭂᬗ᭄ᬓᬸᬂ᭞ᬮᬶᬗ᭄ᬕᬶᬳᬶᬦ᭄ᬳᬢᬸᬃᬳᬶᬩᬦ᭄ᬤᬃ᭞ᬫ᭄ᬭᬶᬓᬲᬬᬂ᭞ᬜᬦᬦ᭄ᬢ᭄ᬬᬂᬗᬶᬭᬶᬂᬫ᭄ᬮᬮᬶ᭞ᬬᬦ᭄ᬩᬸᬤ᭄ᬬᬂᬧᬓᬬᬸᬦᬦ᭄᭟ᬫᬦᬸᬳᬸᬢᬂᬳᬶᬤ᭄ᬯ
Kaca:Bali-lontar-paparikan-malat-02-550ppi.pdf/33
Kaca puniki sampun kauji-wacén
