[᭒᭗ 27B]
᭒᭗
ᬫᬶ᭞ᬩᬩᬄᬳᬤᬵᬓᬭᭀᬩ᭄ᬮᬄ᭟ᬦᬾᬫᬋᬓᬦ᭄ᬲᬳᬶᬭᬶᬂᬳᬶᬤ᭄ᬯᬕᬸᬂᬭᬳᬶ᭞ᬤᬤᬶᬲᬬᬦ᭄ᬮᬶᬮᬵ᭞ᬲᬸᬗ᭄ᬲᬸᬢᬾᬳᬶᬤ᭄ᬯᬕᬸᬂᬭᬳᬶ᭞ᬳᬶᬩᬦ᭄ᬤᬃᬯ᭄ᬓᬲ᭄ᬜᬬᬗᬂ᭟ᬤᬤᬶᬤᬾᬯ
ᬦ᭄ᬓᭀᬘ᭄ᬘᭀᬲᬳᬶᬤ᭄ᬯᬕᬸᬂᬭᬳᬶ᭞ᬢᬦ᭄ᬢᭂᬮᬕ᭄ᬦᭂᬓᬬᬂ᭞ᬲᬩᬗ᭄ᬲᬮ᭄ᬘᬶᬦᬦᬾᬲᬫᬶ᭞ᬧᬤᬵᬓ᭄ᬢᬫᬳᬢᬸᬭᬦ᭄᭟ᬲᬬᬦ᭄ᬮᬸᬫ᭄ᬩ᭄ᬭᬄᬳᭀᬃᬢ᭄ᬣᬦᬾᬗᭂᬩᭂᬓᬶᬦ᭄ᬕᬸᬫᬶ᭞ᬩᬕᬸᬲ᭄ᬢᬦ᭄ᬧᬢᬦ᭄ᬤᬶᬂ
ᬢᬦ᭄ᬤᬶᬂ᭞ᬗᬶᬓᬸᬢ᭄ᬭᬶᬂᬳᬶᬩᬦ᭄ᬤᬃᬩ᭄ᬱᬃ᭟ᬦ᭄ᬗᬓ᭄ᬦᬲᬂᬧ᭄ᬭᬪᬹᬰ᭄ᬯᬾᬮᬓᬯᬃᬡ᭄ᬦ᭞ᬓᬬᬸᬦ᭄ᬫᬘᬗ᭄ᬓ᭄ᬭᬫᬵ᭞ᬗ᭄ᬮᬗ᭄ᬮᬂᬓᬭᬲ᭄ᬫᬶᬦ᭄ᬓᬧᬲᬶᬲᬶ᭞ᬲᬕᬺᬳᬦ᭄ᬮᬸᬗ᭄ᬳᬵᬲᬂᬦᬵᬣ᭟ᬲᬵᬫ᭄ᬧᬸᬦ᭄ᬭᬯᬸᬄᬲᬂᬧ᭄ᬭᬪᬹᬧᬶᬗ᭄ᬕᬶᬭᬶᬂ
ᬯᬭᬶᬄ᭞ᬲᬫᬶᬫᬭᬃᬬ᭄ᬬᬦᬦ᭄᭞ᬧ᭄ᬭᬫᬶᬰ᭄ᬯᬭᬶᬭᬦ᭄ᬢᭂᬦ᭄ᬳᬚᬶ᭞ᬤ᭄ᬯᬬᬸᬫᬸᬢᭂᬃᬫᬓᬤᬶᬜ᭟ᬤᬬᬸᬗᬸᬭᬄᬤᬬᬸᬫᬥᬾᬳᭀᬓᬗᬶᬭᬶᬂ᭞ᬤᬬᬸᬳᬦᭀᬫ᭄ᬓᬭᬂ᭞ᬓᬲ᭄ᬮᬕ᭄ᬧᬗᬸᬧ᭄ᬬᬦ᭄ᬧ᭄ᬭᬧ᭄ᬢᬶ
[᭒᭘ 28A]
᭞ᬳᬢᬸᬭᬦ᭄ᬳᬶᬩᬦ᭄ᬤᬃᬩ᭄ᬱᬃ᭟ᬜᭀᬜᬄᬳᬬᬸᬫᬦᬫ᭄ᬧᭂᬓᬫ᭄ᬧᬸᬫᬵᬲ᭄ᬤᬤᬶ᭞ᬢᬸᬢᬸᬢᬦ᭄ᬦᭂᬫ᭄ᬥᬱᬵ᭞ᬩᭀᬦᬾᬗᭂᬩᭂᬓᬶᬦ᭄ᬧᬲᬶᬲᬶ᭞ᬚ᭄ᬕᬾᬕᭂᬢᬃᬢᬹᬃᬭᬶᬂᬩᬚᬂ᭟ᬧ᭄ᬭᬶᬫᬶᬰ᭄ᬯᬭᬲᬂᬧ᭄ᬭᬪᬹ
ᬓ᭄ᬜᭂᬫ᭄ᬦᬓᬾᬦᬶᬦ᭄᭞ᬜᭀᬜᬄᬓᬾᬦ᭄ᬳᬶᬩᬦ᭄ᬤᬃ᭞ᬳᭀᬜᭀᬜᬄᬫᬳᬢᬸᬃᬫᬦᬶᬲ᭄᭞ᬫᬶᬦ᭄ᬢᬅ᭄ᬳᬫ᭄ᬧᬸᬦ᭄ᬳᬫ᭄ᬩᬢ᭄ᬯᬦ᭄᭟ᬲᬕᬾᬢ᭄ᬓᬳᬶᬩᬩᬄᬮᬶᬬᬸᬦᬸᬢᬸᬢᬶᬦ᭄᭞ᬫᬗᬩᬳ
ᬢᬸᬭᬦ᭄᭞ᬳᬾᬦ᭄ᬤᬄᬲᬕᭀᬜᬍᬯᬶᬄ᭞ᬯᬢ᭄ᬭᬭᬶᬂᬧᬗᬶᬭᬶᬂᬲᬫ᭄ᬬᬦ᭄᭟ᬓᬳᬢᬸᬭᬂᬳᬶᬲᬸᬩᬦ᭄ᬤᬃᬫᬗᬢᬸᬭᬶᬦ᭄᭞ᬲᬂᬧ᭄ᬭᬪᬹᬦᬓᬾᬦᬂ᭞ᬳᬶᬩᬦ᭄ᬤᬃᬓᬾᬦ᭄ᬲᬶᬂᬚᬫᬳᬶ᭞ᬓ
ᬳᬢᬸᬃᬦᬫ᭄ᬧᬶᬤᬕᬗᬦ᭄᭟ᬲᬵᬫ᭄ᬧᬸᬦ᭄ᬮᬶᬗ᭄ᬲᬶᬃᬯᬸᬲ᭄ᬳᬶᬗᬮᬧᬦ᭄ᬧᬫᬶ᭞ᬲᬂᬧ᭄ᬭᬪᬹᬗᬦ᭄ᬤᬶᬓᬵ᭞ᬦᬦᬓ᭄ᬩᬕᬸᬲ᭄ᬚᬮᬦ᭄ᬫᬸᬮᬶᬄ᭞ᬜᬦᬦ᭄ᬩᬧᬵᬗᬦ᭄ᬢ᭄ᬬᬂᬲᬶᬗ᭄ᬕᬄ᭟ᬓᬘᬭᬶᬢ᭄ᬣᬳᬶ
Kaca:Bali-lontar-paparikan-malat-02-550ppi.pdf/28
Kaca puniki sampun kauji-wacén
