[᭒᭖ 26B]
᭒᭖
ᬫᬸᬦ᭄ᬳᭂᬜᬓ᭄ᬤᬶᬩᬗ᭄ᬲᬮ᭄ᬲᬬᬫᬗᬶᬭᬶᬂ᭞ᬲᬬᬗᬗ᭄ᬕᬾᬦ᭄ᬤᬾᬯᬵ᭞ᬫᬦᬶᬧ᭄ᬯᬦ᭄ᬮᬫᬸᬦ᭄ᬓᭂᬮᬶᬄ᭞ᬫᬸᬮᬶᬄᬲᬬᬫᬗᬶᬭᬶᬂ᭟ᬦᬄᬤᬸᬫᬤᬓ᭄ᬫᬳᬦ᭄ᬲᬬᬳᭀᬃᬢ᭄ᬢᬚᬢᬶ᭞ᬫᬤᬦ᭄ᬲᬶᬗ᭄ᬳᬵ
ᬲ᭄ᬓᬵᬃ᭞ᬕᬸᬫᬶᬳᬧᬫᬫᬳᭂᬓᬶᬦ᭄᭞ᬳᭂᬦ᭄ᬢᭀᬕᬸᬂᬭᬳᬶᬢᬸᬢᬸᬭᬂ᭟ᬢᬦ᭄ᬲᬲᬳᬸᬃᬳᬶᬤ᭄ᬯᬕᬸᬂᬭᬳᬶᬫᬦᬗᬶᬲ᭄᭞ᬓᬲᬳᬧᬳᭂᬫᬦ᭄᭞ᬢᬸᬗ᭄ᬕᬬᬂᬓᬲᬶᬳᬲᬶᬳᬶᬦ᭄᭞ᬗᬶᬍᬳᬶᬦ᭄ᬕᬶᬮᬶᬓ
ᬜ᭄ᬘᬡᬵ᭟ᬲᬸᬩᬮᬶᬮᬵᬳᬶᬤ᭄ᬯᬕᬸᬂᬭᬳᬶᬓᬳᬶᬭᬶᬂ᭞ᬓᬳᭂᬫ᭄ᬩᬦ᭄ᬓᬓᬨᬮ᭄᭞ᬤᬶᬢᬸᬓᬳᬸᬲᬧᬶᬦᬼᬗᬶᬲ᭄᭞ᬳᬧᬂᬳᭂᬗ᭄ᬲᬧ᭄ᬢᭂᬓᬾᬦ᭄ᬳᬸᬫᬄ᭟ᬢ᭄ᬯᬭᬧ᭄ᬕᬢ᭄ᬫᬗᬲᬶᬳᬲᬶᬳᬦ᭄ᬤ᭄ᬯᬕᬸᬂᬭ
ᬳᬶ᭞ᬫᬦᬸᬗ᭄ᬓᬸᬮ᭄ᬦᬸᬗ᭄ᬓᬸᬮᬂ᭞ᬲᬸᬩᬢ᭄ᬓᭂᬤ᭄ᬥᬶᬧᬲᬶᬲᬶ᭞ᬳᬾᬗ᭄ᬕᬮ᭄ᬢᬸᬳᬸᬦ᭄ᬳᬶᬲᬸᬩᬦ᭄ᬤᬃ᭟ᬓᬳᭀᬚᭀᬕᬂᬓᬩᬗ᭄ᬲᬮ᭄ᬳᬶᬤ᭄ᬯᬕᬸᬂᬭᬳᬶ᭞ᬳᬶᬜᭀᬜᬄᬫᬜ᭄ᬚᬕ᭄ᬚᬕ᭄᭞ᬘᬶᬦᬓᬫ᭄ᬧᬸᬂ
[᭒᭗ 27A]
ᬳᭂᬲᬾᬄᬲᬳᬶᬤ᭄᭞ᬩᬩᬄᬜᭀᬜᬄᬫᬢᬢᬲᬦ᭄᭟ᬳᭂᬜ᭄ᬘᬶᬓ᭄ᬤᬶᬚᬵᬤᬸᬤᬸᬓ᭄ᬧᬦᬓ᭄ᬤᬾᬯ᭄ᬯᬘ᭄ᬦᬶᬓ᭄᭞ᬳᬶᬩᬦ᭄ᬤᬃᬫᬦᬶᬫ᭄ᬩᬮ᭄᭞ᬤᬶᬕᬶᬮᬶᬓᭂᬜ᭄ᬘᬦᬫᬡᬶᬓ᭄᭞ᬫᬭᬳᬸ
ᬭᬸᬦ᭄ᬳᬸᬮᬶᬰ᭄ᬯᬃᬕ᭄ᬕᬦ᭄᭟ᬫᬫᬳᭂᬓᬂᬳᬶᬜᭀᬜᬄᬮᬯᬸᬢ᭄ᬦᬶᬫ᭄ᬩᬮ᭄᭞ᬫ᭄ᬭᬶᬓᬶᬲᬬᬗᭂᬫ᭄ᬩᬦ᭄᭞ᬓᬬᬸᬦ᭄ᬳᬶᬤ᭄ᬯᬕᬸᬂᬭᬳᬶ᭞ᬓᬳᭂᬫ᭄ᬩᬦ᭄ᬓᬮᭀᬚᬶᬓᭂᬫ᭄ᬩᬃ᭟ᬲᬤᬲᬶᬲᬸᬳᬶᬜᭀᬜᬄ
ᬫᬦᬸᬦ᭄ᬤᬾᬗᬶᬸᬦ᭄ᬗᬮᬶᬄ᭞ᬳᬬᬸᬦᬦ᭄ᬮᬦ᭄ᬳᬸᬮᬫ᭄᭞ᬮᬯᬸᬢ᭄ᬓᬧᬬᬸᬦᬶᬦ᭄ᬕᭂᬮᬶᬲ᭄᭞ᬧᬬᬸᬦᬦᬾᬩᭀᬓᭀᬃᬳ᭄ᬫᬲ᭄᭟ᬘᭂᬘᭂᬧᬦᬾᬕ᭄ᬥᬄᬫᬢ᭄ᬓᭂᬧ᭄ᬫᬵᬲ᭄ᬳᬤᬶ᭞ᬳᭂᬫ᭄ᬧᬸᬓ᭄ᬩᬳᬦ᭄ᬲ
ᬲᭀᬘᬦ᭄᭞ᬳᬶᬩᬦ᭄ᬤᬃᬤ᭄ᬯᭂᬕ᭄ᬗᬸᬮᬦᬶᬦ᭄᭞ᬲᬶᬂᬓᬬᬸᬦᬂᬲᬸᬩᬳᬤ᭄ᬥᬵ᭞ᬮᬯᬸᬢ᭄ᬦᬸᬧ᭄ᬢᬸᬧ᭄ᬩᬩᬄᬜᭀᬜᬄᬘ᭄ᬦᬶᬓ᭄ᬘᭂᬦᬶᬓ᭄᭞ᬓᬮ᭄ᬢᬸᬦ᭄ᬤᬾᬦ᭄ᬫᬋᬓᬦ᭄᭞ᬢᬸᬢᬶᬂᬧᬦᬓ᭄ᬜᬦᬾᬲ
Kaca:Bali-lontar-paparikan-malat-02-550ppi.pdf/27
Kaca puniki sampun kauji-wacén
