[᭒᭑ 21B]
᭒᭑
ᬥᬓ᭄ᬩᭂᬮ᭄ᬬᬵᬕᬸᬂᬓᬧᬗ᭄ᬕᬶᬄ᭟ᬳᬵᬃᬬ᭄ᬬᬧᬢᬶᬄᬫᬳᬢᬸᬃᬢᬶᬢ᭄ᬬᬂᬗᬶᬭᬶᬗᬂ᭞ᬧᬗᭂᬫ᭄ᬩᬦ᭄ᬧᬤᬡ᭄ᬥᬗᬶᬭᬶᬂ᭞ᬧ᭄ᬭᬫᬦ᭄ᬢ᭄ᬭᬶᬢ᭄ᬮᬲᬦ᭄᭞ᬲᬂᬧ᭄ᬭᬪᬹᬫᬗᬦ᭄ᬤᬶᬓᬵ᭞ᬓᬚ᭄ᬭᭀᬯᬦ᭄ᬫᬮᬸᬫᬧᬫᬶᬢ᭄᭞
ᬢ᭄ᬓᬾᬦ᭄ᬳᬶᬩ᭄ᬬᬂ᭞ᬳᭂᬫ᭄ᬩᭀᬓ᭄ᬳᬕᬸᬂᬧᬫᬶᬢᬶᬦ᭄᭟ᬲᬳᬸᬃᬲᭂᬫ᭄ᬩᬄᬳᬶᬤ᭄ᬯᬕᬸᬂᬭᬳᬶᬫᬭᬗ᭄ᬬᬵ᭞ᬯᬃᬡᬦᬾᬮ᭄ᬯᬶᬃᬲ᭄ᬫᬭᬦ᭄ᬤᬶᬭᬶ᭞ᬬᬸᬱᬮᬶᬫᬂᬫᬱ᭞ᬭᬳᬶᬦᬦᬶᬂᬧᬗᬸᬧᬓᬭᬦ᭄᭞ᬓ
ᬧᬸᬭᬶᬭᬭᬶᬲ᭄ᬫᬧᬫᬶᬢ᭄᭞ᬜᬸᬫ᭄ᬩᬄᬫᬢᬸᬭᬵ᭞ᬢᬶᬢ᭄ᬬᬂᬧ᭄ᬭᬲᬗ᭄ᬕᬵᬧᬫᬶᬢ᭄᭟ᬯ᭄ᬯᬧᬢᬶᬄᬧᬫᬦᬵᬃᬬ᭄ᬬᬲᬋᬂᬢᬶᬢ᭄ᬬᬂ᭞ᬭᬶᬂᬕᬸᬦᬸᬂᬓᬯᬶᬫᬩᬓ᭄ᬢᬶ᭞ᬧᬘᬂᬫᬦᭂᬤᬸᬳᬂ᭞ᬳᬶᬤᬩ᭄ᬮᬶᬳ
ᬕᬸᬂᬧᬸᬢ᭄ᬭ᭞ᬳᬶᬘᬮ᭄ᬓᭂᬓ᭄ᬥᭂᬳᬦ᭄ᬢᬸᬓ᭄ᬢᬮᬶ᭞ᬦᬄᬓᬾᬢᭀᬮ᭄ᬯᬲ᭄᭞ᬲᬸᬩᬩᬋᬂᬯ᭄ᬯᬧᬢᬶᬄ᭟ᬫᬓᬤᬶᬜᬧᬫᬵᬦᬵᬃᬬ᭄ᬬᬳᬚᬓᬶᬤᬵ᭞ᬳᬶᬤᬯᬕᬸᬂᬭᬭᬶᬲ᭄ᬫᬫᬶᬸᬧᬫᬶᬢ᭄᭞
[᭒᭒ 22A]
ᬫᬜᬸᬫ᭄ᬩᬄᬫᬢᬗ᭄ᬬᬵ᭞ᬫᬫᬵᬃᬕᬶᬗ᭄ᬭᬭᬶᬲ᭄ᬓᭀᬤᬤᬶᬸᬮ᭄᭞ᬤᬶᬩᬜ᭄ᬘᬶᬗᬄᬮᬶᬦ᭄ᬢᬂᬢᬶᬢᬶᬩ᭄᭞ᬦᬾᬧᬘᬂᬮᬸᬗ᭄ᬳ᭞ᬗᬶᬭᬶᬂᬓᬕᬸᬦᬸᬂᬓᬯᬶ᭟ᬧᬗᭂᬫ᭄ᬩᬦ᭄ᬕ᭄ᬭᬶᬗ᭄ᬲᬶᬂᬯᬬᬂᬲᬲᬸᬮᬫᬦ᭄᭞
ᬢᬥᬄᬢᭀᬬᬳᬵᬃᬤ᭄ᬥᬦᬶ᭞ᬓᭂᬫ᭄ᬧᬸᬄᬩᭀᬓᭀᬃᬳ᭄ᬫᬲ᭄᭞ᬓᬮᬶᬓᬮ᭄ᬬᬦ᭄ᬫᬲᭀᬘ᭞ᬳᭂᬫ᭄ᬧᬸᬓ᭄ᬩᬦ᭄ᬫᬶᬭᬄᬭᬢ᭄ᬦᬤᬶ᭞ᬫᬧᬬᬸᬂᬲᬸᬢ᭄ᬭ᭞ᬤᬫ᭄ᬧᬳ᭄ᬫᬲ᭄ᬗᬾᬤᬦᬶᬦ᭄᭟ᬭᬶᬂᬕᬕ᭄ᬮᬂ
ᬳᬶᬤ᭄ᬯᬕᬸᬂᬮᬦᬂᬫᬫᬵᬃᬕ᭄ᬕ᭞ᬲᬳᬵᬧᬸᬗ᭄ᬕᬯᬗᬶᬭᬶᬂ᭞ᬢᬦ᭄ᬓᭂᬦᬶᬫᬢᬸᬮᬓ᭄᭞ᬳᬶᬤ᭄ᬯᬕᬸᬂᬳᬶᬭᬶᬂᬫᬃᬕ᭄ᬕ᭞ᬮ᭄ᬬᬂᬧᬗᬶᬭᬶᬗᬾᬲᬫᬶ᭞ᬢᬦ᭄ᬓᬘᬭᬶᬢ᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬳᬸᬓᬶᬃ᭟ᬤ
ᬤᬶᬗᭂᬦᬄᬢᬶᬢᬶᬭᬦ᭄ᬧᬸᬢᬶᬄᬫᬗᬶᬫ᭄ᬩᬂ᭞ᬫᬸᬜᬶᬗᬸᬮᬗᬹᬦᬶᬦ᭄᭞ᬢ᭄ᬧᭂᬓᬢᭂᬗ᭄ᬓᬸᬗ᭄ᬳᬵ᭞ᬳᬶᬗᭀᬦ᭄ᬳᬶᬗᭀᬦ᭄ᬕᬡ᭄ᬥᬃᬯᬵ᭞ᬢᬸᬃᬭᬶᬂᬘᬃᬘ᭄ᬙᬫ᭄ᬮᬄᬕᬢᬶ᭞ᬯᬶᬚᬶᬮᬶᬂᬰ᭄ᬯᬃᬕᬦ᭄᭞
Kaca:Bali-lontar-paparikan-malat-02-550ppi.pdf/22
Kaca puniki sampun kauji-wacén
