[᭒᭐ 20B]
᭒᭐
ᬓᬤᬸᬃᬫ᭄ᬫᬵᬗ᭄ᬕᬮᬬᬦ᭄᭟᭐᭟ᬤᬹᬃᬫ᭄ᬫ᭟᭐᭟ᬩ᭄ᬯᬶᬦ᭄ᬢᬶᬫ᭄ᬩᬮ᭄ᬩᬮᬶᬓᬶᬦᬾᬤᬶᬳᬋᬧᬦ᭄᭞ᬲᬸᬗ᭄ᬓᬯᬮᬶᬦ᭄ᬢᬂᬓᬶᬗ᭄ᬓᬶᬂ᭞ᬲᬂᬧ᭄ᬭᬪᬸᬓᭀᬭᬶᬧᬦ᭄᭞ᬓᬳᬦ᭄ᬢᬸᬩᬸᬲᬦ᭄ᬩᬸᬲᬦ᭄᭞ᬲᬳᬶᬘᬮ᭄ᬳᬶ
ᬤᬲᬂᬓᬮᬶᬄ᭞ᬫᬾᬦᬓ᭄ᬮᬦ᭄ᬲᬸᬤ᭄ᬭᬵ᭞ᬢᬦ᭄ᬧᬧ᭄ᬕᬢᬦ᭄ᬲ᭄ᬥᬶᬄ᭟ᬧᬤᬮ᭄ᬯᬲ᭄ᬫᬗ᭄ᬭᬸᬭᬸᬄᬓᬕᬸᬦᬸᬂᬳᬮᬲ᭄᭞ᬲᬤᬾᬱᬤᬾᬱᬵᬫᬲ᭄ᬮᬶᬓ᭄ᬱᬶᬓ᭄᭞ᬧᬲᬶᬄᬕᬶᬮᬶᬚᬸᬭᬂ᭞ᬧᬗ᭄ᬕᬸᬂᬫ᭄ᬯᬂᬭᬶᬂᬢᬸᬓ
ᬤ᭄᭞ᬤᬶᬓᭀᬭᬶᬧᬦ᭄ᬕᭂᬚᭀᬃᬲᬳᬶ᭞ᬧᬢᬶᬂᬓᬋᬤᬧ᭄᭞ᬧ᭄ᬭᬪᬵᬯᬦ᭄ᬲᬂᬦᬶᬗ᭄ᬕᬮ᭄ᬕᬸᬫᬶ᭟ᬳᬤᬮ᭄ᬯᬲ᭄ᬗᬸᬦᬶᬗ᭄ᬳᬤ᭄ᬳᭂᬕᬕ᭄ᬮᬂ᭞ᬫᬓᬤᬶᬲᬶᬗ᭄ᬳᬵᬲᬭᬶ᭞ᬧ᭄ᬭᬪᬹᬲᬶᬗ᭄ᬳᬲ᭄ᬓᬵᬃ᭞ᬯᬯᬸᬳᬸᬲ᭄ᬫᬓᬃᬬ᭄ᬬ
᭞ᬫᬗᬸᬧᬓ᭄ᬳᬶᬤ᭄ᬯᬕᬸᬂᬭᬳᬶ᭞ᬭᬫ᭄ᬬᬩᬩᬮ᭄ᬬᬦ᭄᭞ᬢᬾᬮᬾᬓ᭄ᬢᭀᬧᬾᬂᬕᬫ᭄ᬩᬸᬄᬩᬭᬶᬲ᭄᭟ᬯᬬᬂᬩ᭄ᬥᭀᬕ᭄ᬤᬶᬧᬫ᭄ᬭᬚᬦ᭄ᬓᬧᬲᬗ᭞ᬳᬸᬲᬦ᭄ᬫᬢᬶᬃᬢ᭄ᬣᬫᬶᬚᬶᬮ᭄᭞ᬓᬭᬶᬫᬪᬸ
[᭒᭑ 21A]
ᬱᬡᬵ᭞ᬧᬶᬗ᭄ᬕᭂᬮ᭄ᬭᬸᬧᭂᬢᬾᬢᬦ᭄ᬲᬄ᭞ᬕ᭄ᬮᬂᬓᬡᬲᬫᬲᭂᬲᬶᬫ᭄ᬧᬶᬂ᭞ᬫᬤᬲ᭄ᬢᬵᬃᬳ᭄ᬫᬵᬲ᭄᭞ᬭᬸᬫ᭄ᬩᬶᬂᬫᬲ᭄ᬓᬵᬃᬚᬢᬶ᭟ᬩᬕᬸᬲ᭄ᬫᬡᬶᬲ᭄ᬯᬃᬦᬦᬾᬫᬗ᭄ᬕᬯᬾᬲ᭄ᬫᬂ᭞ᬜᬦ᭄ᬤᬶᬂᬮᬶᬗ᭄ᬕᬶᬄᬦᬺᬧ
ᬢᬶ᭞ᬧ᭄ᬭᬧ᭄ᬢᬓᬂᬗᬸᬢᬸᬲᬦ᭄᭞ᬲᬦᬾᬫᬗᬸᬦᬶᬗᬬᬂ᭞ᬜᭀᬗ᭄ᬓᭀᬓ᭄ᬫᬢᬸᬃᬲᬳᬵᬳ᭄ᬮᬶᬂ᭞ᬗᬢᬸᬭᬂᬓᬦ᭄ᬤ᭞ᬲᬂᬧ᭄ᬭᬪᬹᬕ᭄ᬮᬸᬢᬦ᭄ᬲᬶᬧᬶ᭟ᬫᬗᬦ᭄ᬤᬶᬓᬵᬲᬂᬧ᭄ᬭᬪᬹᬭᬶᬂᬧᬢᬶᬄᬳᬃᬬ᭄ᬬ᭞
ᬚᬦᬶᬚᬮᬦᬂᬗᬮᬶᬄ᭞ᬓᬕᬸᬦᬸᬂᬓᬳᬮᬲ᭄᭞ᬤᬾᬱᬵᬤᬾᬱᬳ᭄ᬢᬸᬤᬂ᭞ᬧᬢᬶᬄᬫᬧᬗᬭᬄᬕ᭄ᬮᬶᬲ᭄᭞ᬤᬤᬶᬳᭀᬜᬗᬦ᭄᭞ᬫᬚᬮᬦ᭄ᬫ᭄ᬯᬄᬓᬓᬶᬲᬶᬓ᭄᭟ᬳᬶᬤᬾ
ᬯᬕᬸᬂᬭᬳᬶᬫᬢᬹᬃᬲᬳᬲᭂᬫ᭄ᬩᬄ᭞ᬳᬚᬶᬅ᭄ᬢᬶᬢ᭄ᬬᬂᬫᬧᬫᬶᬢ᭄᭞ᬗᬺᬋᬄᬩ᭄ᬮ᭄ᬬᬕᬸᬂᬧᬸᬢ᭄ᬭ᭞ᬲᬸᬓᬢ᭄ᬭᬶᬂᬧᬜᬶᬯᬶᬬᬦ᭄᭞ᬭᬶᬂᬕᬸᬦᬸᬂᬓᬯᬶᬫᬩᬓ᭄ᬢᬶ᭞ᬢᬶᬢ᭄ᬬᬂᬦᭂᬤᬸᬳᬂ᭞ᬤᬸᬫ
Kaca:Bali-lontar-paparikan-malat-02-550ppi.pdf/21
Kaca puniki sampun kauji-wacén
