[᭑᭔ 14B]
᭞᭑᭔᭟
ᬨ᭄ᬭᬸᬳᬾᬩᬦᬲ᭄ᬧᬢᬶᬫᬮᬸᬗ᭄ᬕᬸᬄ᭞ᬭᬶᬂᬳᬶᬭᬸᬂᬫᭂᬥᬮ᭄ᬦ᭄ᬬ᭞ᬩᬦᬲ᭄ᬧᬢᬶᬭᬵᬚᬳᬶᬓᬶ᭞ᬳᬢᬶᬧᬸᬢᬶᬄ᭞ᬫᭂᬥᬮ᭄ᬳᬶᬭᬫᬭᬶᬂᬦᬾᬢ᭄ᬭ᭟᭑᭑᭖᭟ᬲᬵᬫ᭄ᬧᬸᬦ᭄ᬯᭂᬭᬸᬄᬘᬳᬶ
ᬍᬕᬧ᭄ᬭᬡᬵᬗ᭄ᬭᬸᬗᬸ᭞ᬧᬲᬩ᭄ᬥᬦ᭄ᬜᬫᬦ᭄ᬜ᭞ᬳᬬ᭄ᬯᬗᬮᬶᬄᬳᬬ᭄ᬯᬗᬶᬲᬶ᭞ᬫᬭᬲ᭄ᬓᬬᬸᬦ᭄᭞ᬢ᭄ᬯᬭᬜᬦ᭄ᬤᬂᬓᬾᬢᬓᬸᬢᬂ᭟᭑᭑᭗᭟ᬢ᭄ᬯᬭᬲᬸᬯᬸᬤ᭄ᬫᬗᬯᬸᬓᬶᬦ᭄ᬜᬫᬦ᭄ᬳᬶᬧᬸᬦ᭄᭞
ᬳᬚᬓᬶᬦ᭄ᬫᬤᬳᬃ᭞ᬲᬮ᭄ᬯᬶᬭᬶᬂᬕᬯᬾᬳᬚᬓᬶᬦ᭄᭞ᬧᬗᬵᬢᬸᬢᬸᬢ᭄᭞ᬤᬤᬶᬬᬢᬺᬱ᭄ᬡᬫᬜᬫ᭟᭑᭑᭘᭟ᬩᭂᬮᬶᬩᬕᬸᬲ᭄ᬤᬤᬶᬳᭂᬜᬓ᭄ᬤᬦᬾᬫᭂᬢᬸ᭞ᬗᬸᬤᬤᬦᬾᬢᭀᬂ
ᬜᬓ᭄᭞ᬲᬓᬶᬢᬦ᭄ᬓᬢᭀᬦ᭄ᬫᬫᬃᬕ᭄ᬕᬶ᭞ᬳᭂᬜᬾᬦ᭄ᬧᬭᬸᬦ᭄᭞ᬳᬦᬓᬾᬚᬦᬶᬫᬗ᭄ᬭᬸᬲᬓ᭄᭟᭑᭑᭙᭟ᬲᬫᬶᬢᬓᬸᬢ᭄ᬲᬮ᭄ᬯᬶᬭᬶᬩᬜ᭄ᬘᬭᬦᬳᬶᬓᬸ᭞ᬮᬫᬸᬦ᭄ᬳᬚᬓ᭄ᬜᬫ᭞ᬢ᭄ᬯᬭ
[᭑᭕ 15A]
ᬤᬹᬃᬕ᭄ᬕᬩᬦᬶᬭᬸᬲᬶᬢ᭄᭞ᬲᬫᬶᬢᬓᬸᬢ᭄᭞ᬧᬢᬸᬄᬲᬓᬾᬂᬧᬫᬜ᭄ᬘᬦ᭟᭑᭒᭐᭟ᬲᬫᬶᬮᬸᬮᬸᬢ᭄ᬓᭂᬩᭀᬲᬫ᭄ᬧᬶᬧᬥᬮᬸᬮᬸᬢ᭄᭞ᬤᬤᬶᬢᬺᬱ᭄ᬡᬗᭂᬩᬕ᭄᭞ᬲᬓ᭄ᬯᬾᬳᬶᬂ
ᬫᬩᬬᬸᬳᬲᬶᬄ᭞ᬫᬢᬢᬸᬗ᭄ᬕᬸ᭞ᬢᬺᬱ᭄ᬡᬲᬫᬶᬬᬫᬗ᭄ᬕᭂᬩᬕ᭄᭟᭑᭒᭑᭟ᬩᭂᬮᬶᬩᬕᬸᬲ᭄᭞ᬳᬶᬥᭂᬃᬪ᭄ᬯᬦᬦᬾᬧᬸᬦᬶᬓᬸ᭞ᬬᬦ᭄ᬫᬭᬶᬂᬰᬭᬷᬭ᭞ᬤᬶᬚᬧᬮᬸᬗ᭄ᬕᬸᬳᬾ
ᬲᬫᬶ᭞ᬳᭂᬗ᭄ᬓᬾᬦ᭄ᬤᬸᬫᬸᬦ᭄᭞ᬫᬸᬗ᭄ᬕᬸᬳᬦᬭᬶᬂᬰᬭᬷᬭ᭟᭑᭒᭒᭟ᬳᬤᬶᬩᬕᬸᬲ᭄ᬳᬶᬥᭂᬃᬪ᭄ᬯᬦᬦᬾᬧᬸᬦᬶᬓᬸ᭞ᬧᬹᬃᬯ᭄ᬯᬧᬧᬲᬸᬳᬦ᭄᭞ᬕ᭄ᬦᬾᬬᬦ᭄ᬧᬧᬭᬸᬳᬤᬶ᭞ᬤᬓ᭄ᬱᬶ
ᬦᬾᬓᬸ᭞ᬭᬶᬂᬳᬢᬶᬲᬶᬭᬫᬕᭂᬦ᭟᭑᭒᭓᭟ᬬᬦᬾᬭᬶᬢᬶᬭᬶᬂᬳᬸᬲᬸᬲ᭄ᬳᬶᬤᬫᬮᬸᬗ᭄ᬕᬸᬄ᭞ᬬᬦ᭄ᬬᬭᬶᬧᬰ᭄ᬘᬶᬫ᭞ᬳᬸᬗ᭄ᬲᬶᬮᬦ᭄ᬳᬶᬤᬫᬮᬶᬗ᭄ᬕᬶᬄ᭞ᬬᬦ᭄ᬩᬬᬩ᭄ᬬ᭞ᬭᬶᬂ
Kaca:Bali-lontar-paparikan-kanda-pat-400ppi.pdf/15
Kaca puniki sampun kauji-wacén
