[᭑᭓ 13B]
᭞᭑᭓᭟
ᬫᬮᬶᬗ᭄ᬕᬶᬄ᭞ᬮᬶᬗ᭄ᬲᬶᬃᬩᬕᬸᬲ᭄᭞ᬓᬾᬥᭂᬧ᭄ᬲᬧᬗᬸᬘᬧᬶᬭ᭟᭑᭐᭗᭟ᬮᭀᬃᬧᬸᬦᬶᬓᬸ᭞ᬳᬶᬋᬂᬭᬹᬧᬦᬾᬧᬸᬦᬶᬓᬸ᭞ᬯᬶᬱ᭄ᬡᬸᬤᬾᬯᬦᬶᬭ᭞ᬭᬶᬂᬳᬫ᭄ᬧ᭄ᬭᬸᬳᬶᬤ
ᬫᬮᬶᬗ᭄ᬕᬶᬄ᭞ᬥᬃᬫ᭄ᬫᬩᬕᬸᬲ᭄᭞ᬮᬩ᭄ᬥᬯᬭᬫᬦ᭄ᬥᬶᬲ᭄ᬯᬭ᭟᭑᭐᭘᭟ᬬᬾᬦ᭄ᬳᬳᬶᬃᬰᬡ᭄ᬬᬪᬷᬭᬸᬭᬹᬧᬦ᭄ᬜᬦᬾᬤᬶᬢᬸ᭞ᬰᬫ᭄ᬪᬸᬤᬾᬯᬢᬦ᭄ᬬ᭞ᬳᬶᬦᭂᬩᬦ᭄ᬳᬶᬤᬫᬮᬶᬗ᭄ᬕᬶᬄ᭞
ᬮᬶᬗ᭄ᬲᬶᬃᬩᬕᬸᬲ᭄᭞ᬲᬶᬤ᭄ᬥᬶᬫᬦ᭄ᬤᬶᬫᬳᬸᬘᬧᬦ᭄᭟᭑᭐᭙᭟ᬫᬥ᭄ᬬᬳᬶᬓᬸᬫᬜ᭄ᬘᬯᬶᬃᬡ᭄ᬦᬭᬹᬧᬦ᭄ᬳᬶᬧᬸᬦ᭄᭞ᬰᬶᬯᬦᬾᬫᬮᬶᬗ᭄ᬕ᭞ᬯᬶᬢ᭄ᬦᬶᬂᬳᬢᬶᬫᬧᬮᬶᬗ᭄ᬕᬶᬄ᭞ᬰᬶᬯ
ᬕᬸᬭᬸ᭞ᬲᬫᬶᬧᬥᬫᬯᬶᬰᬾᬱ᭟᭑᭑᭐᭟ᬲᬵᬫ᭄ᬧᬸᬦ᭄ᬧᬸᬧᬢ᭄ᬤᬾᬯᬲᬗᬦᬾᬫᬮᬸᬗ᭄ᬕᬸᬄ᭞ᬧᬥᬗᬩᬭᬸᬧ᭞ᬳᬾᬮᬶᬗᬂᬘᬳᬶᬧᬂᬧᬱ᭄ᬝᬶ᭞
[᭑᭔ 14A]
ᬧᬥᬯ᭄ᬭᬸᬄ᭞ᬮᬩ᭄ᬥᬯᬭᬫᬦ᭄ᬥᬶᬲ᭄ᬯᬭ᭟᭑᭑᭑᭟ᬩᭂᬮᬶᬩᬕᬸᬲ᭄ᬜᬫᬦ᭄ᬢᬶᬢ᭄ᬬᬂᬫᬓᬘᬢᬹᬃ᭞ᬤᬶᬚᬲᬶᬫᬕᭂᬦᬄ᭞ᬳᭀᬭᬳᬶᬦ᭄ᬢᬶᬢ᭄ᬬᬂᬧᬂᬧᬱ᭄ᬝᬶ᭞ᬲᬮᬄᬲᬸᬭᬸᬧ᭄᭞
ᬩᭂᬮᬶᬫᬜᬫᬭᬶᬂᬢᬶᬢ᭄ᬬᬂ᭟᭑᭑᭒᭟ᬢᬶᬢ᭄ᬬᬂᬤᬸᬲᬸᬦ᭄ᬢ᭄ᬯᬭᬦᬯᬂᬓᬗᬶᬦ᭄ᬓᬯᬸᬄ᭞ᬬᬦ᭄ᬢᬦ᭄ᬩᭂᬮᬶᬳᬶᬘ᭄ᬙ᭞ᬫᬶᬢᬸᬤᬸᬳᬶᬦ᭄ᬳᬧᬂᬚᬢᬶ᭞ᬫᬗ᭄ᬤᬢᬳᬸ᭞ᬢᬶᬢ᭄ᬬᬂᬩᭂᬮᬶᬢᭂᬓᬾ
ᬦ᭄ᬜᬫ᭟᭑᭑᭓᭟ᬳᬤᬶᬩᬕᬸᬲ᭄ᬕᭂᬦᬄᬮᬶᬦᬾᬫᬮᬸᬗ᭄ᬕᬸᬄ᭞ᬳᭂᬦ᭄ᬢᭀᬓᬢᬓᭀᬦᬂ᭞ᬩᭂᬮᬶᬳᭀᬭᬳᬶᬦᬘᬳᬶ᭞ᬳᬧᬂᬢᬳᬸ᭞ᬩᭂᬮᬶᬦᭀᬗᭀᬲ᭄ᬤᬶᬲᬭᬷᬭ᭟
᭑᭑᭔᭟ᬭᬶᬧᬧᬸᬲᬸᬄ᭞ᬳᬶᬳᬗ᭄ᬕᬧᬢᬶᬫᬮᬸᬗ᭄ᬕᬸᬄ᭞ᬫᭂᬤᬮᬾᬭᬶᬂᬕᬃᬪ᭞ᬳᬸᬗ᭄ᬲᬶᬮᬦᬾᬫ᭄ᬭᬚᬧᬢᬶ᭞ᬫᭂᬥᬮ᭄ᬳᬶᬧᬸᬦ᭄᭞ᬭᬶᬂᬓᬃᬡ᭄ᬦᬧᬫᭂᬲᬸᬦ᭄ᬦᬶᬭ᭟᭑᭑᭕᭟ᬦᬾᬭᬶᬳᬫ᭄
Kaca:Bali-lontar-paparikan-kanda-pat-400ppi.pdf/14
Kaca puniki sampun kauji-wacén
