[᭒᭕ 25B]
᭒᭕
ᬦᬾᬯ᭄ᬦᬂᬗᭂᬩᬸᬭᬂ᭞ᬜᬧᬸᬄᬦᬾᬧᬢᬸᬢ᭄ᬜᬧᬸᬳᬶᬦ᭄᭟ᬧ᭄ᬭᬤᬾᬦᬾᬢᬦ᭄ᬲᬶᬤ᭄ᬥᬲᬧᬸᬄ᭞ᬬᬾᬳᬾᬦᬾᬯ᭄ᬦᬂᬫ᭄ᬮᬸᬲᬶᬦ᭄᭞ᬫᬲᬶᬄᬢᬦ᭄ᬓᬲᬶᬤ᭄ᬥᬦ᭄ᬩᬲᬄ᭞ᬓᬮᬶᬗ᭄ᬓᬾᬩᬓᬢ᭄ᬳᬜᬸᬤᬶᬦ᭄᭞ᬫ᭄ᬮᭂᬂᬓ᭄ᬦᭂᬂᬓᬢᬶᬫᬹᬮ᭞ᬳᬾᬗ᭄ᬕᬮᬦ᭄ᬫᬳᬶᬫ᭄ᬩᬸᬄᬩᬺᬲᬶᬄ᭟᭠
ᬧ᭄ᬭᬕᬢ᭄ᬦᬾᬤᬶᬦᬶᬗᬍᬧᬸ᭞ᬢ᭄ᬯᬭᬜᬶᬤ᭄ᬥᬬᬂᬗᬸᬦ᭄ᬤᬶᬮᬶ᭞ᬢᬸᬲᬶᬂᬧᬶᬲᬦ᭄ᬓᬦᬦ᭄ᬕᬶᬗ᭄ᬕᬂ᭞ᬮᬗ᭄ᬕᭂᬂᬢ᭄ᬯᬭᬓᬵᬦᬦ᭄ᬚ᭄ᬭᬶᬄ᭞ᬯᬦ᭄ᬢᬄᬲᬗ᭄ᬳ᭄ᬬᬂᬢ᭄ᬭᬶᬧᬸᬭᬸᬱ᭞ᬲᬵᬢ᭄ᬫ᭄ᬬᬯᬸᬲ᭄ᬫᬭᬕᬢᬸᬗ᭄ᬕᬶᬮ᭄᭟ᬢᬦ᭄ᬓᬳᬦᬦ᭄ᬳᬮᬵᬳᬬᬸ᭞ᬲᬸᬓᬵᬤᬸᬓᬧᬦᬲ᭄ᬳᭂᬢᬶᬲ᭄᭞ᬳᬕᭂᬢ᭄ᬮ
ᬘᬸᬃᬚ᭄ᬮᬾᬫ᭄ᬮᬄ᭞ᬤᭀᬄᬫᬧᬋᬓ᭄ᬧᬢᬶᬳᬸᬭᬶᬧ᭄᭞ᬫᬦ᭄ᬤᬤᬶᬳᬯᬓ᭄ᬢᬦ᭄ᬧᬯᬓ᭄᭞ᬳᬦᬵᬦᭀᬭᬕᬦᬮ᭄ᬳᬮᬶᬢ᭄᭟ᬫᬯᬲ᭄ᬢᬸᬤᬤᬶᬦᬶᬃᬢᬸᬤᬸᬄ᭞ᬦᬶᬃᬪᬬᬤᬤᬶᬦᬶᬃᬲᬶᬭᬶᬂ᭞ᬦᬶᬃᬫ᭄ᬫᬮᬦᬶᬂᬦᬶᬭᬵᬓ᭄ᬱᬭ᭞ᬦᬶᬭᬵᬢ᭄ᬫᬓᬓᬂᬧᬶᬦᬸᬚᬶ᭞ᬯᬸᬲ᭄ᬲᬢ᭄ᬫ᭄ᬬ
ᬭᬶᬂᬲᬗ᭄ᬓᬦ᭄ᬧᬭᬦ᭄᭞ᬲᬗ᭄ᬳ᭄ᬬᬂᬥᬃᬫ᭄ᬫᬗ᭄ᬭᬕᬦᬶᬦ᭄᭟᭐᭚ᬤᬹᬃᬫ᭄ᬫ᭚ᬓᬤᬸᬮᬸᬭᬦ᭄ᬳᬚ᭄ᬜᬦᬦ᭄ᬳ᭄ᬬᬂ᭠ᬧ᭄ᬭᬫᬩᬸᬤ᭄ᬥ᭞ᬳᬲᬧᬸᬦᬶᬓᬫᬗ᭄ᬓᬶᬦ᭄᭞ᬓᬬᬸᬦ᭄ᬲᬗᬃᬚ᭄ᬚᬸᬡ᭞ᬫᬃᬲ᭄ᬬᬸᬄᬭᬱᬓᬾᬧ᭄ᬯᬦ᭄᭞ᬳᬦ᭄ᬢᬸᬓᬦᬾᬢᭂᬫ᭄ᬩᬾᬫ᭠
[᭒᭖ 26A]
᭒᭖
ᬗ᭄ᬓᬶᬦ᭄᭞ᬫ᭄ᬭᬲᬓᬧᭂᬲᬦ᭄᭞ᬦᬾᬦ᭄ᬢᭂᬦ᭄ᬲᬶᬤ᭄ᬥᬫᬧᬸᬮᬶᬄ᭟ᬫᬳᬯᬶᬦᬦ᭄ᬓᬤᬶᬩ᭄ᬓᭂᬲ᭄ᬫᬤ᭄ᬳᭂᬧᬦ᭄᭞ᬫ᭄ᬦᭂᬂᬫᬶᬦᭂᬄᬭᬶᬂᬳᬺᬤ᭄ᬥᬶ᭞ᬓᬗᭂᬦ᭄ᬜᭂᬮ᭄ᬲᭂᬮ᭄ᬳᬗ᭄ᬕ᭞ᬧᬸᬧᬸᬢ᭄ᬭᬶᬂᬧᬓᬬᬸᬦᬦ᭄᭞ᬫᬲᬲᬫ᭄ᬩᬢᬦ᭄ᬫᬦᬗᬶᬲ᭄᭞ᬩᬵᬬᬓᭂᬫ᭄ᬩᬸᬮᬦ᭄ᬲᬶᬂᬗᭂᬮᬄᬧᬸᬮᬵᬓᬺ
ᬢ᭄ᬣᬶ᭟ᬓ᭄ᬭᬡᬦᬾᬦᬾᬚᬦᬶᬢᭀᬯᬄᬤᭂᬫ᭄ᬧᬸᬮ᭄ᬫᬮᬵ᭞ᬫᬍᬢ᭄ᬮᬸᬯᬢ᭄ᬢᬦ᭄ᬲᬶᬧᬶ᭞ᬲᬗ᭄ᬓᬦ᭄ᬓᬘᬮ᭄ᬯᬕ᭄᭞ᬧ᭄ᬭᬤᬾᬦᬾᬢᬦ᭄ᬓᬲᬶᬤ᭄ᬥᬦ᭄᭞ᬧᬘᬂᬩᬸᬓᬲᬦᬾᬳᬶᬱ᭄ᬝᬶ᭞ᬳᬾᬜ᭄ᬘᭂᬧ᭄ᬤᬶᬫᬦᬄᬢ᭄ᬯᬄᬦᬸᬓᬢᬸᬦᬦ᭄ᬓᬾᬃᬣᬶ᭟ᬧ᭄ᬭᬕᬢ᭄ᬦᬸᬯᬸᬄᬫ᭄ᬭᬄᬫ᭄ᬭᬸᬄᬫ
ᬤ᭄ᬓᭂᬲᬦ᭄᭞ᬳᬶᬗᬸᬄᬗ᭄ᬭᬲᬄᬧᬮᬶᬂ᭞ᬓᬸᬤᬸᬫᬦᭂᬕ᭄ᬢᭂᬕᬂ᭞ᬯᬳᬸᬳᬲᬧᬸᬦᬶᬓ᭞ᬲᬂᬧᬃᬣᬓᭀᬩᭂᬢ᭄ᬫᬶᬦᭂᬳᬶᬦ᭄᭞ᬭᬾᬄᬘᬾᬱ᭄ᬝᬓᬵᬭ᭞ᬲᬾᬗᭂᬄᬥ᭄ᬬᬄᬲᭀᬫᬯᬢᬶ᭟ᬭᬭᬶᬲ᭄ᬫᬵᬢᬸᬃᬤᬸᬄᬩᭂᬮᬶᬤᬦᬜ᭄ᬚᬬ᭞ᬲᬫ᭄ᬧᬸᬦᬂᬤᬸᬫᬸᬦ᭄ᬫᬗ᭄ᬓᬶᬦ᭄᭞ᬩᬗᭂᬢ᭄ᬓ
ᬲᬸᬓ᭄ᬱᭂᬓᬦ᭄᭞ᬯᬾᬦ᭄ᬢᭂᬦ᭄ᬫᬮᬶᬄᬳᬧᬶᬲᬦ᭄᭞ᬧᬶᬦᬸᬦᬲ᭄ᬢᬶᬢ᭄ᬬᬂᬭᬶᬂᬩ᭄ᬮᬶ᭞ᬬᬦᬶᬂᬓᬲᬶᬤ᭄ᬥᬦ᭄᭞ᬫᬗ᭄ᬤᬾᬤᬸᬭᬸᬲ᭄ᬫᬲ᭄ᬯᬫᬶ᭟ᬧᬘᬂᬗᬶᬭᬶᬂᬫᬢ᭄ᬫᬸᬲᬚ᭄ᬭᭀᬦᬶᬂᬢᬶᬮᬫ᭄᭞ᬧᬸᬦᬶᬓᬲᬦᬾᬫᬗ᭄ᬓᬶᬦ᭄᭞ᬯᬾᬦ᭄ᬢᭂᬦ᭄ᬧᬫᬦ᭄ᬢᬶᬢ᭄ᬬᬂ᭞ᬭᬳᬶᬦ᭄ᬳᬶᬤ᭄ᬥᬳᬶᬩ᭄ᬬᬂ᭞ᬢᬦ᭄ᬮ᭄ᬬ
