[᭒᭔ 24B]
᭒᭔
ᬤᭀᬲᬫᭂᬃᬣ᭞ᬓᬃᬲᬦᬲᬜ᭄ᬚᬶᬯᬦᬶ᭟ᬓᬫᬦ᭄ᬤᬮᬸᬫᬓᬢᬢᬶᬕᬫᬜᬶᬭᬫ᭄᭞ᬲᬸᬫᬶᬗ᭄ᬓᬶᬦ᭄ᬫᬦᬫ᭄ᬩᭂᬳᬶᬦ᭄᭞ᬲᬸᬢᬾ᭠ᬚᬕᬸᬫᬯᬂ᭞ᬳᬬᬸᬦ᭄ᬲᬂᬲᬭᬷᬦᬶᬂᬭᬵᬢ᭄᭞ᬲᬵᬫ᭄ᬧ᭄ᬮᬄᬮ᭄ᬯᬶᬃᬲᬸᬤ᭄ᬟᬦᬶᬂᬮᬗᬶᬢ᭄᭞ᬢᬦ᭄ᬧᬚᬮᬥ᭞ᬫᬗᬓᬳ᭄ᬬᬲ᭄ᬕᬶᬦ᭠
ᬦ᭄ᬢᬶᬕᬦ᭄ᬢᬶ᭟᭜᭟ᬕᬶᬦᬦ᭄ᬢᬶ᭚ᬯᬾᬦ᭄ᬢᭂᬦ᭄ᬤᬤᭀᬲ᭄ᬲᭂᬓᬃᬫ᭄ᬦᬸᬄ᭞ᬫᬕᭂᬫ᭄ᬧᭀᬮ᭄ᬕᬫ᭄ᬩᬶᬃᬫᬳᬗ᭄ᬕᬶᬢ᭄᭞᭠ᬲᬾᬯᭀᬲ᭄ᬕᬥᬸᬂᬘᬭᬂᬤᭀᬱ᭞ᬓᬢ᭄ᬭᬗᬦ᭄ᬳᬗ᭄ᬰᭀᬓᬳᬱ᭄ᬝᬶ᭞ᬳᬶᬃᬕᬶᬮᭀᬮᬦ᭄ᬲᬦ᭄ᬤᬢ᭄ᬕᬸᬩᬄ᭞ᬳᬃᬫ᭄ᬫᬯᬢᬜ᭄ᬚᬸᬂᬓ
ᬫᭀᬦᬶᬂ᭟ᬳᬗ᭄ᬲᬦᬚᭂᬧᬸᬦ᭄ᬫᬲᬸᬲᬸᬦ᭄᭞ᬧᬾᬮᬾᬢ᭄ᬓᭂᬧᬶᬢᬦ᭄ᬯᬃᬲᬶᬓᬶ᭞ᬦᬾᬫᬲᬸᬲᬸᬧ᭄ᬦᬵᬕᬧᬸᬱ᭄ᬧᬵ᭞ᬲᬸᬫ᭄ᬧᬂ᭠ᬢᬸᬜ᭄ᬚᬸᬂᬧᬸᬤᬓ᭄ᬲᬵᬭᬷ᭞ᬓᬘᬶᬢᬧᬸᬤᬓ᭄ᬘᬶᬦ᭄ᬤᬕ᭞ᬲᬭᬸᬖᬶᬲᬓ᭄ᬲᬓ᭄ᬚᬫ᭄ᬧᬶᬭᬶᬂ᭟ᬲᬦᬾᬫᬧᬲᬂᬭᬶᬂᬧ᭄ᬭᬪᬸ᭞ᬫᬯᬸᬯᬸᬄ᭠
ᬲᬬᬦ᭄ᬗᬾᬤᬦᬶᬦ᭄᭞ᬓᬳᬬᭀᬦ᭄ᬲᬂᬰ᭄ᬭᬶᬦᬶᬂᬓᬤᬢ᭄ᬯᬦ᭄᭞ᬢᬦ᭄ᬫᬭᬶᬳᬩᬾᬦ᭄ᬭᬲ᭄ᬧᬢᬶ᭞ᬯᬦ᭄ᬢᬄᬳ᭄ᬬᬂᬮᭀᬓᬶᬢᬾᬰ᭄ᬯᬭ᭞ᬫᬜ᭄ᬮᭂᬩᭀᬗ᭄ᬓᭀᬢ᭄ᬫᬗ᭄ᬭᬕᬦᬶᬦ᭄᭟ᬳᬯᬦᬦ᭄ᬢᬦ᭄ᬧᬢᬮᬸᬢᬸᬄ᭞ᬲ᭄ᬯᬪᬯᬫᬮᬶᬂᬳ᭄ᬦᬶᬂ᭞ᬫᬮᬸᬳᬶᬫ᭠
[᭒᭕ 25A]
ᬳᬸᬧᬋᬗ᭄ᬕ᭞ᬯᬶᬡ᭄ᬝᬂᬢᬺᬗ᭄ᬖᬦᬵᬫᬗ᭄ᬭᬯᬶᬢ᭄᭞ᬓᭂᬜᬾᬩ᭄ᬓᭂᬜᬾᬩ᭄ᬧᬦ᭄ᬭᬜᬄ᭞ᬕᬮᬂᬓᬲᬸᬦ᭄ᬤᬭᬦ᭄ᬭᬯᬶ᭟ᬲᬯᬂᬫᬢ᭄ᬭᬯᬶᬭᬶᬂᬕ᭄ᬮᬸᬂ᭞ᬲ᭄ᬭᬶᬦᬵᬣᬤᭂᬫ᭄ᬤᭂᬫ᭄ᬫᬍᬗᬶᬲ᭄᭞ᬓᬮᬸᬜ᭄ᬘᬶᬧᬦ᭄ᬲᬶᬭᬵᬢ᭄ᬫᬬ᭞ᬫᬩᭂᬗᬤ᭄ᬜᬜᬧ᭄ᬦᬢᭀᬦᬶᬦ᭄᭞ᬲᬯᬯ᭠
ᬭᬶᬭᬹᬫ᭄ᬦᬶᬂᬘᬶᬗᬓ᭄᭞ᬯᭂᬦᬂᬦᬶᬂᬯᬥᬦᬳᬰ᭄ᬭᬷ᭟ᬓᬤᬶᬓ᭄ᬜᬭᬶᬂᬲᬶᬢᬗ᭄ᬰᬸ᭞ᬦᬾᬯᬳᬸᬳᭂᬦ᭄ᬤᬕ᭄ᬦᬤᬭᬶᬦ᭄᭞ᬗᬗ᭄ᬓᬶᬢ᭄ᬦᬶᬂᬮᬝᬶᬗᬢᬶᬭᬄ᭞ᬳᬸᬦ᭄ᬢᬸᬓᬤᬶᬫᬡᬶᬓ᭄ᬯᬭᬶᬄ᭞ᬕᬶᬲᬶᬕᬶᬲᬶᬫᬗ᭄ᬭᬶᬚᬲ᭞ᬲᬢ᭄ᬲᬵᬢ᭄ᬳᬸᬧᬲ᭄ᬤᬭᬸᬩᭂᬲᬶ᭟ᬗ᭄ᬯᬶᬱ᭄ᬬᬦᬶᬦ᭄ᬲᬂᬓᬦ᭄ᬤᭂᬳ᭠
ᬦ᭄ᬓᬸᬂ᭞ᬜᬸᬫᬶᬗ᭄ᬓᬶᬦᬂᬳᬮᬄᬳᬶᬭᬶᬲ᭄᭞ᬓᬬᬸᬦ᭄ᬲᬗᬃᬚ᭄ᬚᬸᬡᬜᬶᬗᬓ᭄᭞ᬗᬦ᭄ᬤᬶᬓᬲᬚ᭄ᬭᭀᬦᬶᬂᬳᬺᬤ᭄ᬟᬶ᭞ᬦᬾᬳᬧ᭠ᬚ᭄ᬦᭂᬂᬫᬜᬤ᭄ᬫᬵ᭞ᬲᬶᬂᬳᬤᬢᭀᬗᭀᬲ᭄ᬜᬘᬤᬶᬦ᭄᭟ᬓ᭄ᬭᬡᬫ᭄ᬮᬳᬾᬫᬦᬸᬮᬸᬲ᭄᭞ᬭᬶᬂᬯᬃᬡ᭄ᬦᬢᬦ᭄ᬧᬳᬸᬧᬫᬶ᭞ᬭᬶᬂᬕᬸ
ᬡᬢᭀᬂᬳᬤᬵᬧᬥ᭞ᬓᬯᬶᬰᬾᬱᬦ᭄ᬢᬦ᭄ᬧᬢᬦ᭄ᬤᬶᬂ᭞ᬳᬬᬸᬦᬾᬢᬦ᭄ᬧᬲᬶᬂᬲᬶᬗᬦ᭄᭞ᬫᬸᬦᬄᬲᬓᬮᬸᬯᬶᬭᬶᬂᬫᬦ᭄ᬤᬶ᭟ᬦᬾᬲᬸᬩᬲᬸᬩᬓᬯᬸᬯᬸᬲ᭄᭞ᬲᬂᬫ᭄ᬭᬕᬳ᭄ᬬᬂᬢ᭄ᬭᬶᬰᬓ᭄ᬢᬶ᭞ᬳᬧᬶᬦᬾᬯ᭄ᬦᬂᬫᬸᬳᬸᬦᬂ᭞ᬫᬲᬶᬄᬢᬦ᭄ᬓᬳᬦᬦ᭄ᬤᬕ᭄ᬤᬶ᭞ᬳᬗᬶ
