Kaca:Bali-lontar-paparikan-dammapada-500ppi.pdf/92

Saking Wikisource
Kaca puniki sampun kauji-wacén

[ ᭙᭑ 91B]
᭙᭑᭞
ᬦ᭄ᬜ᭞ᬳᬶᬧᬸᬦ᭄ᬚᬢᬶ᭞ᬲᬦᬾᬓᬲᭂᬗ᭄ᬕᬸᬄᬩ᭄ᬭᬳ᭄ᬫᬵᬡ᭟ᬚᬤ᭄ᬫᬦᬾᬢᬦ᭄ᬓᬓᭀᬤᬕᬂ᭞ᬲᬳᬢᬦ᭄ᬫᬢᭂᬕᬸᬮ᭄ᬫᬮᬶᬄ᭞ᬳᬦ᭄ᬢᬸᬓ᭄ᬤᬕᬶᬂᬓᬳᬸᬭᬶᬧᬦ᭄᭞ᬧᬜ᭄ᬘᬲᭂᬓᬦ᭄ᬤᬓᬯᬸᬯᬸᬲ᭄᭞ᬳᬸᬭᬶᬧᬾᬦᬾᬲᬵ
ᬫ᭄ᬧᬸᬦ᭄ᬮᬶᬦ᭄ᬢᬂ᭞ᬓᬧᬶᬂᬓᬵᬮᬶᬄ᭞ᬳᬸᬭᬶᬧᬾᬦᬾᬚᬕᬢᭂᬓ᭟ᬢᬍᬃᬢᬦ᭄ᬯᬾᬦ᭄ᬢᭂᬦ᭄ᬫᬫᬦ᭄ᬤ᭞ᬳᬸᬭᬶᬧᬾᬫᬗ᭄ᬓᬶᬦ᭄ᬧᬸᬦᬶᬓᬶ᭞ᬦᬾᬫᬸᬭᬶᬧ᭄ᬢᬦ᭄ᬓᬭᬓᭂᬢᬦ᭄᭞ᬤ᭄ᬬᬲ᭄ᬢᬸᬫᭂᬍᬤᬾᬢᬦ᭄ᬓᬤᬸᬤᬸᬢ᭄᭞ᬚᬤ᭄ᬫᬦᬾ
ᬓᬤᬶᬧᬸᬦᬶᬓᬵ᭞ᬦᬾᬲᬸᬚᬢᬶ᭞ᬲᭂᬗ᭄ᬕᬸᬄᬢᬶᬢ᭄ᬬᬂᬲᬂᬩ᭄ᬭᬳ᭄ᬫᬵᬡ᭟ᬚᬤ᭄ᬫᬦᬾᬲᬦᬾᬉᬢ᭄ᬢ᭞ᬲᬦᬾᬢᬦ᭄ᬓᬢᬦᬦ᭄ᬭᬶᬫ᭄ᬭᬶᬫ᭄᭞ᬲᬢ᭄ᬭ᭄ᬬᬯᬶᬭᬧᬗᬭᬦ᭄ᬜ᭞ᬬᬦ᭄ᬲᬂᬯᬶᬘᬓ᭄ᬱᬡᬲᬵᬥᬸ᭞ᬦᬾ᭠
ᬲᬵᬫ᭄ᬧᬸᬦ᭄‌ᬗᬺᬩᬸᬢ᭄ᬓᬚᬬᬦ᭄᭞ᬲᬦᬾᬓᬮᬶᬲ᭄᭞ᬲᬓᬶᬂᬓᬫᭂᬍᬤᬦ᭄ᬫᬦᬄ᭟ᬢᬸᬃ᭠ᬲᬵᬫ᭄ᬧᬸᬦ᭄‌ᬜᬸᬢ᭄ᬲᬸᬢ᭄ᬗᭂᬤᬲᬂ᭞ᬤᬾᬯᬾᬓ᭄ᬳᬶᬧᬸᬦ᭄ᬲᬓᬶᬂᬤᬓᬶ᭞ᬫᬮᬶᬳᬲᬫ᭄ᬧᬸᬦ᭄ᬫᬓᬢᬂ᭞ᬤᬕᬶᬂ

[ ᭙᭒ 92A]
᭙᭒᭞
ᬧᬗ᭄ᬭᬗᬦᬾᬢᬸᬳᬸ᭞ᬦᬾᬓᬩᬯᭀᬲ᭄ᬓᬦᬶᬃᬯᬡᬦ᭄᭞ᬳᬶᬧᬸᬦ᭄ᬚᬢᬶ᭞ᬯᬱ᭄ᬝᬦᬶᬦ᭄ᬢᬶᬢ᭄ᬬᬂᬩ᭄ᬭᬳ᭄ᬫᬵᬡ᭟ᬚᬤ᭄ᬫᬲᬦᬾᬯᬶᬘᬓ᭄ᬱᬡ᭞ᬦᬾᬲᬵᬫ᭄ᬧᬸᬦ᭄ᬗᬸᬦᬶᬗᬶᬦ᭄ᬧᬲ᭄ᬢᬶ᭞ᬕᭂᬦᬄᬳᬶᬧᬸᬦᬾᬮᬸᬫᭂᬓᭂᬦ᭄᭞ᬤᬸᬓ᭄ᬤᬸᬫ
ᬤᬶᬦ᭄ᬜᬦᬾᬳᬸᬫᬸᬦ᭄᭞ᬦᬾᬲᬫ᭄ᬧᬸᬦ᭄ᬲᬶᬤᬵᬫᬜᬶᬗᬓ᭄᭞ᬚᬕᬢ᭄ᬓᬵᬮᬶᬄ᭞ᬲ᭄ᬯᬃᬕ᭄ᬕᬓᬮᬵᬯᬦ᭄ᬦᬭᬓ᭟ᬦᬾᬲᬵᬫ᭄ᬧᬸᬦ᭄ᬲᬶᬤᬫᬸᬧᬸᬢᬂ᭞ᬧᬍᬓᬤᬦ᭄ᬜᬦᬾᬲᬫᬶ᭞ᬢᬸᬃᬲᬵᬫ᭄ᬧᬸᬦ᭄‌ᬲᭂᬓᭂᬦ᭄ᬤᬺᬯᬾᬬᬂ᭞
ᬓᬧ᭄ᬭᬚ᭄ᬜᬦᬦ᭄ᬧᬶᬦᬶᬄᬮᬸᬳᬸᬃ᭞ᬲᬦᬾᬧᭀᬮᬶᬄᬓᬲᬵᬫ᭄ᬧᬹᬃᬡ᭄ᬦᬦ᭄᭞ᬲᬦᬾᬫᬯᬶᬢ᭄᭞ᬳᬦ᭄ᬢᬸᬓ᭄ᬳᬸᬢ᭄ᬲᬳᬗᬭᬕ᭟ᬫᬮᬶᬳᬲᬫ᭄ᬧᬸᬦ᭄ᬲᬵᬫ᭄ᬧᬹᬃᬡ᭄ᬦ᭞ᬚ᭄ᬭᭀᬦᬶᬂᬓᬦᬶᬃᬫᬮᬦ᭄ᬚᬢᬶ᭞ᬦᬾᬲᬵᬫ᭄ᬧᬸᬦ᭄ᬫ᭄ᬭ᭠
ᬕᬢᬂᬓᭂᬤᬲ᭄᭞ᬲᬓᬜ᭄ᬘᬦ᭄ᬓᬾᬦ᭄ᬤ᭄ᬭᬶᬬᬦ᭄ᬓᬬᬸᬦ᭄᭞ᬫᬮᬶᬄᬲᬮ᭄ᬯᬶᬃᬓᬶᬢᬦ᭄ᬫᬦᬄ᭞ᬳᬶᬧᬸᬦ᭄ᬚᬢᬶ᭞ᬯᬱ᭄ᬝᬦᬶᬦ᭄ᬢᬶᬢ᭄ᬬᬂᬩ᭄ᬭᬳ᭄ᬫᬵᬡ᭟᭐᭟ᬧᬸᬦᬶᬓᬶᬕᬕᬸᬭᬶᬢᬦ᭄‌ᬥᬃᬫ᭄ᬫᬧᬤ᭟ᬳᬶᬦᬵᬮᭀᬦ᭄ᬢᬃ

Kapolihang saking "https://ban.wikisource.org/w/index.php?title=Kaca:Bali-lontar-paparikan-dammapada-500ppi.pdf/92&oldid=83541"