[ ᭙᭐ 90B]
᭙᭐᭞
ᬦ᭄ᬦᭂᬓ᭄ᬤᭂᬓᬂᬓᭂᬤᬲ᭄᭞ᬢᬮᬶᬦ᭄ᬤᬸᬫᬵᬤᬶᬦᬾᬩᬓᬸᬄ᭞ᬳᬦᬓᬾᬓᬤᬶᬧᬸᬦᬶᬓᬵ᭞ᬲᬦᬾᬚᬢᬶ᭞ᬩᬯᭀᬲᬂᬢᬶᬢ᭄ᬬᬂᬩ᭄ᬭᬳ᭄ᬫᬵᬡ᭟ᬚᬤ᭄ᬫᬦᬾᬲᬵᬫ᭄ᬧᬸᬦ᭄ᬦᬶᬗ᭄ᬕᬮᬂ᭞ᬲᬧᬸᬢ᭄ᬓᬫᬦᬸᬱᬦ᭄ᬲ
ᬫᬶ᭞ᬫ᭄ᬯᬄᬢᬮᬶᬦ᭄ᬓᬩᬚᬗᬦ᭄᭞ᬲᬦᬾᬚᬢᬶᬢᬦ᭄ᬓᬢᭂᬕᬸᬮ᭄᭞ᬳᬦ᭄ᬢᬸᬓ᭄ᬢᬮᬶᬦᬾᬫᬓᭂᬚᬂ᭞ᬳᬶᬧᬸᬦ᭄ᬚᬢᬶ᭞ᬩᬯᭀᬲᬂᬢᬶᬢ᭄ᬬᬂᬩ᭄ᬭᬳ᭄ᬫᬵᬡ᭟ᬲᬂᬲᬵᬫ᭄ᬧᬸᬦ᭄ᬗᬸᬢᬂᬗᭂᬤᭀᬳᬂ᭞ᬲᬓᬜ᭄ᬘᬦ᭄ᬓᬲᬸ
ᬓᬦ᭄ᬳᬢᬶ᭞ᬢᬸᬃᬲᬦᬾᬢᬦ᭄ᬗᬯᬾᬲᬸᬓᬵ᭞ᬦᬾᬫ᭄ᬭᬵᬱᬤᭂᬕ᭄ᬤᭂᬕ᭄ᬭᬶᬂᬓᬬᬸᬦ᭄᭞ᬭᬶᬂᬤᬬᬸᬳᬾᬫᬧᬾᬫ᭄ᬩᭀᬦᬦ᭄᭞ᬢᬸᬃᬫᬜᭂᬧᬶ᭞ᬦᬾᬲᬵᬫ᭄ᬧᬸᬦ᭄ᬲᬄᬲᬓᬶᬂᬫᬮ᭟ᬲᬦᬾᬲᬫ᭄ᬧᬸᬦ᭄ᬗᬸᬦᬶᬯ
ᬬᬂ᭞ᬧᬦᬸᬤᬸᬢ᭄ᬚᬕᬢ᭄ᬧᬸᬦᬶᬓᬶ᭞ᬲᬦᬾᬢᭂᬍᬩ᭄ᬢᬦ᭄ᬚᬗ᭄ᬓᬬᬦ᭄᭞ᬢᬸᬃᬢᬦ᭄ᬢᭂᬂᬢᬦ᭄ᬓᬾᬢᬂᬢᬸᬬᬸᬄ᭞ᬚᬤ᭄ᬫᬦᬾᬓᬤᬶᬧᬸᬦᬶᬓᬵ᭞ᬲᬦᬾᬚᬢᬶ᭞ᬩᬯᭀᬲᬂᬢᬶᬢ᭄ᬬᬂᬩ᭄ᬭᬳ᭄ᬫᬵᬡ᭟ᬚᬤ᭄ᬫᬦᬾᬲ
[ ᭙᭑ 91A]
ᬦᬾᬧᬯᬶᬓᬦ᭄᭞ᬭᬶᬂᬧᬤᬩ᭄ᬤᬩ᭄ᬲᬃᬯ᭄ᬯᬫᬸᬭᬶᬧ᭄᭞ᬤᬶᬚᬳᬶᬧᬸᬦ᭄ᬚᬕᬍᬓᬤ᭄᭞ᬤᬶᬚᬵᬚᬕᬧᬤᭂᬫ᭄ᬳᬶᬧᬸᬦ᭄᭞ᬚᬤ᭄ᬫᬦᬾᬦᬾᬲᬵᬫ᭄ᬧᬸᬦᬼᬧᬲ᭄᭞ᬢᬦ᭄ᬓᬮᬶᬮᬶᬢ᭄᭞ᬳᬦ᭄ᬢᬸᬓ᭄ᬢᬮᬶᬦ᭄ᬓᬳᬸᬭᬶ
ᬧᬦ᭄᭟ᬢᬍᬃᬲᬦᬾᬲᬵᬫ᭄ᬧᬸᬦ᭄ᬮᬶᬫ᭄ᬩᬓ᭄᭞ᬭᬶᬂᬧᬗᬸᬦᬶᬂᬲᬦᬾᬚᬢᬶ᭞ᬫᬮᬶᬳᬵᬲᬫ᭄ᬧᬸᬦ᭄ᬫᬓᬢᬂ᭞ᬲᬸᬮᬸᬄᬧᬦ᭄ᬭᬗᬦᬾᬮᬸᬳᬸᬃ᭞ᬳᬶᬧᬸᬦ᭄ᬦᬾᬩᬯᭀᬲᬂᬢᬶᬢ᭄ᬬᬂ᭞ᬓᬵᬤᬶᬫᬗ᭄ᬓᬶᬦ᭄᭞ᬚ
ᬢᬶᬲᬂᬫ᭄ᬭᬕᬩ᭄ᬭᬳ᭄ᬫᬵᬡ᭟ᬲᬂᬲᬦᬾᬓᬯᬾᬦ᭄ᬢᭂᬦᬦ᭄ᬜ᭞ᬢᬢᬦ᭄ᬲᬶᬤᬵᬓᬳᬸᬦᬶᬗᬶᬦ᭄᭞ᬳᬦ᭄ᬢᬸᬓ᭄ᬲᬫᬶᬧᬭᬤᬾᬯ᭞ᬯᬶᬢ᭄ᬯᬶᬕᬶᬸᬕᬦ᭄ᬤᬃᬯ᭄ᬯᬦᬾᬳᬕᬸᬂ᭞ᬉᬢ᭄ᬢᬯᬶᬯᬢᭂᬓ᭄ᬫᬦᬸᬱ᭞ᬫᬓᬲᬫᬶ᭞ᬢ
ᬦ᭄ᬯᬾᬦ᭄ᬢᭂᬦ᭄ᬲᬦᬾᬧᬯᬶᬓᬦ᭄᭞ᬚᬤ᭄ᬫᬦᬾᬲᬵᬫ᭄ᬧᬸᬦ᭄ᬫᬸᬘᭂᬳᬂᬜᬲᬃᬮᬓᬸᬦ᭄ᬜᬦᬾᬲᬫᬶ᭞ᬢᬸᬃᬲᬦᬾᬤᭀᬄᬫᬧᬮᬲᬦ᭄᭞ᬲᬓᬶᬂᬢᭂᬫ᭄ᬩᬳᬦᬾᬲᬸᬮᬸᬓ᭄᭞ᬢᭀᬫ᭄ᬩᬓ᭄ᬲᬮ᭄ᬯᬶᬃᬳᬶᬦ᭄ᬤ᭄ᬭᬶᬬ
Kaca:Bali-lontar-paparikan-dammapada-500ppi.pdf/91
Kaca puniki sampun kauji-wacén
