[ ᭘ 8B]
᭘᭞
ᬲᬦ᭄ᬧᬘᬂᬢᬶᬕ᭞ᬦᬺᬱ᭄ᬝᬶᬭᬶᬂᬚᬕᬢᬾᬢᭂᬤᬸᬦ᭄᭞ᬭᬾᬄᬳᬶᬤᬲᬫ᭄ᬧᬸᬦ᭄ᬚᬸᬫᭂᬦᭂᬓ᭄᭞ᬢᬸᬃ᭠ᬫᬮᬶᬗ᭄ᬕᬶᬄ᭞ᬭᬶᬂᬧᬗ᭄ᬓᬮ᭄ᬓᭀᬭᬶᬦ᭄ᬦᬶᬃᬯᬡ᭟᭐᭟ᬕᬶᬦᬦ᭄ᬢᬶ᭟᭐᭟ᬢᬸᬳᬸᬲᭂᬗ᭄ᬓᬗᭂᬫᬶᬢ᭄ᬓᬬᬸᬦ᭄᭞ᬦᬾ
ᬯᬦ᭄ᬮᭀᬕᬲ᭄ᬮᭀᬕᬲ᭄ᬦᭂᬗᬶᬮ᭄᭞ᬲᬦᬾᬩᬶᬦᬮ᭄ᬢᬸᬃᬫᬢᬶᬗ᭄ᬓᬄ᭞ᬗᭀᬤᬮ᭄ᬳᬶᬧᬸᬦ᭄ᬢᬍᬃᬲᬸᬮᬶᬢ᭄᭞ᬗᬶᬳᬶᬤᬲᬂᬯᬶᬘᬓ᭄ᬱᬡ᭟ᬗᬸᬢ᭄ᬲᬳᬬᬂᬤᬶᬦᬮᬢ᭄ᬭᬶ᭟ᬲᬓ?ᬤᬶᬳᬸᬮᬫᬾᬧ
ᬢᬸᬄ᭞ᬦᬾᬲᬓᬶᬂᬢᭀᬬᬦᬾᬓᬫ᭄ᬩᬶᬮ᭄᭞ᬭᬶᬂᬢᬦᬳᬾᬓᬲᬕᬢᬂ᭞ᬓ᭄ᬮᬾᬚᬢ᭄ᬓ᭄ᬮᬾ᭠ᬚᬢ᭄ᬓᭂᬫᭀᬫᬳᬶ᭞ᬓᬤᬶᬧᬸᬦᬶᬓᬳᬶᬫᬦᬄ᭞ᬬᬾᬦ᭄ᬳᬶᬦ᭄ᬤ᭄ᬭᬬᬦᬾᬜᬸᬲᬸᬧᬶᬦ᭄᭟ᬫᬓᬺᬚᭂᬢ
ᬦ᭄ᬧᬢᬶᬓᬧ᭄ᬮᬸᬕ᭄᭞ᬢᬦ᭄ᬯᬾᬦ᭄ᬢᭂᬦ᭄ᬳᭂᬦ᭄ᬢᬢᬸᬚᭀᬦ᭄ᬧᬲ᭄ᬢᬶ᭞ᬗᬧᬾᬓ᭄ᬧᭀᬓ᭄ᬳᬶᬧᬸᬦ᭄ᬫᬍᬳᬦ᭄᭞ᬫᬓ᭄ᬭᬦᬜᬦ᭄ᬤᬂᬦᬾᬫᬗ᭄ᬓᬶᬦ᭄᭞ᬓᬬᬸᬦᬾᬲᬦᬾᬓᬾᬦ᭄ᬤ᭄ᬭᬶᬬᬦ᭄᭞ᬤᭀᬳᬂᬓᬸᬢᬂᬧᬮᬳᬶ
[ ᭙ 9A]
ᬦᬶᬦ᭄᭟ᬗᭂᬢᭀᬦ᭄ᬫᬦᬄᬮᬶᬦ᭄ᬢᬂᬓᬾᬯᬸᬄ᭞ᬭᬾᬄᬳᬶᬧᬸᬦ᭄ᬳᬮᬸᬲ᭄ᬢᬸᬃᬲᬶᬗᬶᬤ᭄᭞ᬢᬍᬃᬲᭂᬗ᭄ᬓᬜᬕᬫᬦᬄ᭞ᬭᬾᬳᬶᬧᬸᬦ᭄ᬩᭂᬘᬢ᭄ᬢᬸᬃᬩᭂᬮᬶᬕ᭄᭞ᬫᬓᭂᬜᬶᬢ᭄ᬯᬦ᭄ᬢᬄᬳᬚᬳᬦ᭄᭞ᬢᬸᬫᬸᬮᬶᬫᬢᬶ
ᬗ᭄ᬕᬶᬮ᭄ᬜᬶᬮᬶᬩ᭄᭟ᬧᬢᬸᬢᬾᬲᬂᬫᬭᬕᬯ᭄ᬭᬸᬄ᭞ᬲᬦᬾᬯᬶᬘᬓ᭄ᬱᬦᬾᬂᬩᬸᬤ᭄ᬥᬶ᭞ᬓᬬᬸᬦ᭄ᬳᬶᬤᬦᬾᬓᭀᬋᬕᬂ᭞ᬲᬳᬢᬦ᭄ᬫᬭᬶᬓᬓᭂᬫᬶᬢ᭄᭞ᬭᬾᬄᬗᭂᬦ᭄ᬢᬶᬓᬂᬓᬲᬸᬩᬕ᭄ᬬᬦ᭄᭞ᬫᬦᬳᬾ᭠
ᬬᬾᬦ᭄ᬲᬶᬤᬗᭂᬫᬶᬢ᭄᭟ᬤ᭄ᬬᬲ᭄ᬢᬸᬦ᭄ᬫᬦᬳᬾᬫᬮᬸᬗ᭄ᬕᬸᬄ᭞ᬭᬶᬂᬕᭀᬯᭀᬓ᭄ᬳᬢᬶᬦᬾᬗᭂᬧᬶᬮ᭄᭞ᬦᬗ᭄ᬳᬶᬂᬲᬳᬶᬳᬶᬧᬸᬦ᭄ᬫᬶᬗ᭄ᬕᬢ᭄᭞ᬤᭀᬄᬲᬯᬢ᭄ᬫᬮᬮᬶᬮᬮᬶ᭞ᬫᬾᬯᭂᬄᬜᭂᬤᬬᬂᬫᬶᬬᬮᬂ᭞ᬩᬸᬫ᭄ᬩ
ᬭᬳᬶᬧᬸᬦ᭄ᬧᬤᬶᬤᬶ᭞ᬧᬤᬾᬯᬾᬓᬦᬾᬢᬦ᭄ᬳᬸᬫᬸᬢ᭄᭞ᬓᬢᬶᬗ᭄ᬕᬮ᭄ᬓᬮᬄᬳᬸᬭᬶᬦᬶᬦ᭄᭞ᬲᬂᬜᬶᬤᬬᬂᬗᭂᬫᬶᬢ᭄ᬫᬦᬄ᭞ᬗᭀᬤᬕᬂᬚᬦ᭄ᬢᭀᬲ᭄ᬓᬮᬶᬮᬶᬄ᭞ᬚᬕᬮᬸᬧᬸᬢ᭄ᬭᬶᬂᬕᬕᭀ
Kaca:Bali-lontar-paparikan-dammapada-500ppi.pdf/9
Kaca puniki sampun kauji-wacén
