[ ᭙ 9B]
᭙᭞
ᬤᬦ᭄᭞ᬚᭂᬳᭂᬢ᭄ᬳ᭄ᬬᬂᬫᬺᬢ᭄ᬬᬸᬦᬾᬓᬮᬶᬲ᭄᭟ᬫᬦᬄᬚᬤ᭄ᬫᬦᬾᬲᬦᬾᬧᬸᬦ᭄ᬢᬸᬮ᭄᭞ᬲᬦᬾ᭠ᬢᬦ᭄ᬢᬢᬲ᭄ᬗᬸᬦᬶᬗᬶᬦ᭄᭞ᬧᬧ᭄ᬮᬚᬳᬦ᭄ᬓᬲᬸᬦ᭄ᬬᬢᬦ᭄᭞ᬧᬗᭂᬕᬦ᭄ᬜᬳᭀᬩᬄᬲᬳᬶ᭞ᬳᬶᬧᬸᬦ᭄ᬢᬦ᭄ᬚ
ᬕᬗᭂᬦᬶᬬᬂ᭞ᬓᬯᬶᬘᬓ᭄ᬭᬡᬦ᭄ᬉᬢ᭄ᬢᬫᬶ᭟ᬬᬾᬄᬫᬦᬄᬚᬤ᭄ᬫᬦᬾᬓᬸᬓᬸᬄ᭞ᬢᬦ᭄ᬲᬶᬤᬓᭀᬕᬳᬂᬫᬮᬶᬄ᭞ᬳᬦ᭄ᬢᬸᬓ᭄ᬧᬗᬸᬗ᭄ᬕᬸᬮ᭄ᬳᬶᬦ᭄ᬤ᭄ᬭᬶᬬ᭞ᬢᬸᬢᬦ᭄ᬲᬶᬤᬓᬧᬜ᭄ᬘᬶᬗᬶᬦ᭄᭞ᬓᬤᬸᬤᬸᬢ᭄ᬩ᭠
ᬦ᭄ᬩᬺᬕᭂᬤᭂᬕᬦ᭄᭞ᬧᬗ᭄ᬭᬸᬩᬾᬤᬦ᭄ᬫᬦᬄᬩ᭄ᬭᬗ᭄ᬢᬶ᭟ᬫᬮᬶᬳᬜᬶᬤᬬᬂᬮᬸᬧᬸᬢ᭄᭞ᬫᬧᬲ᭄ᬓᬘᭀᬭᬳᬦ᭄ᬲᬫᬶ᭞ᬤ᭄ᬬᬲ᭄ᬢᬸᬲᬮ᭄ᬯᬶᬃᬓᬧᬢᬸᬢᬦ᭄᭞ᬚᬤ᭄ᬫᬦᬾᬧᬕᭂᬄᬢᬸᬃᬢᬾᬮᬶᬂ᭞ᬫᬋᬧ᭄ᬭᬶᬂᬳᬶᬧᬸ᭠
ᬦ᭄ᬧᬸᬦᬶᬓ᭞ᬧᬲ᭄ᬢᬸᬦ᭄ᬓᬦ᭄ᬭᬓᬦᬾᬜᬫ᭄ᬧᬶᬂ᭟ᬲᬫ᭄ᬧᬸᬦ᭄ᬳᬾᬮᬶᬂᬭᬶᬂᬓᬬᬸᬦ᭄᭞ᬳᬶᬦ᭄ᬤᬶᬓ᭄ᬳᬗ᭄ᬕᬦᬾᬧᬸᬦᬶᬓᬶ᭞ᬓᬤᬶᬧᬬᬸᬓ᭄ᬓᬸᬫ᭄ᬧᬫᬬᬂ᭞ᬏᬮᬄᬭᬸᬲᬓ᭄ᬩᭂᬮᬄᬩᬲ᭄ᬫᬶ᭞ᬫᬓ᭄ᬭᬡᬲᬂᬯᬶᬘ
[ ᭑᭐ 10A]
ᬓ᭄ᬱᬡ᭞ᬓᬬᬸᬦ᭄ᬳᬶᬤᬦᬾᬓᬧᬾᬦᬶᬦ᭄᭟ᬓᬧᬶᬬᬭᬫᬗ᭄ᬤᬓᬸᬓᬸᬄ᭞ᬓᬤᬶᬧᬕᭂᬮᬭᬦ᭄ᬩᭂᬲᬶ᭞ᬲᬦᬾᬓᬸᬯᬢ᭄ᬗᬶᬢᭂᬃᬓᬸᬝᬵ᭞ᬫ᭄ᬬᬮᬂᬰᬢ᭄ᬭᬸᬦᬾᬗ᭄ᬮᭀᬮᭀᬲᬶᬦ᭄᭞ᬓᬤᬶᬧᬸᬦᬶᬓᬢᬦ᭄ᬩᬦ᭞ᬲᬂ
ᬯᬶᬘᬓ᭄ᬱᬡᬫᬕᬸᬢᬶᬦ᭄᭟ᬗ᭄ᬭᬸᬲᬓ᭄ᬕᬕᭀᬤᬦ᭄ᬳ᭄ᬬᬂᬫᬺᬢ᭄ᬬᬸ᭞ᬩᬦ᭄ᬧᬦᬄᬓᬧ᭄ᬭᬚ᭄ᬜᬦ᭄ᬍᬯᬶᬄ᭞ᬫᬮᬶᬄᬏᬮᬄᬤᬗ᭄ᬭᬓ᭄ᬱ᭞ᬓᬫᭂᬦᬗᬦᬾᬓᬧᬗ᭄ᬕᬶᬄ᭞ᬳᬦ᭄ᬢᬸᬓ᭄ᬗᬍᬧᬲᬂᬭᬕ᭞ᬲᬓᬶᬂᬩᬦ᭄ᬤ
ᬦᬾᬗᬮᬶᬮᬶᬢ᭄᭟ᬤᬸᬄᬫᬲᬦ᭄ᬜᬕᭂᬮᬶᬲ᭄ᬭᬯᬸᬄ᭞ᬳᬗ᭄ᬕᬦᬾᬧᬸᬦᬶᬓᬶᬧᬲ᭄ᬢᬶ᭞ᬢᬦ᭄ᬧᬗ᭄ᬓᬶᬳᬦ᭄ᬢᬦ᭄ᬧᬫᬦᬄ᭞ᬢᭂᬓᭂᬄᬗ᭄ᬮᬾᬫ᭄ᬧᬂᬭᬶᬂᬧ᭄ᬭᬣᬶᬯᬶ᭞ᬓᬤᬶᬢᬭᬸᬦᬾᬩᬸᬩᬸᬓᬦ᭄᭞ᬦᬶᬃᬕᬸᬡᬢᬦ᭄ᬯᬾᬦ᭄ᬢᭂ
ᬦ᭄ᬫᭀᬮᬶᬄ᭟ᬓᬤᬸᬱ᭄ᬝᬦᬾᬧᬶᬦᬶᬄᬳᬕᬸᬂ᭞ᬢᬸᬯᬶᬫᬭᬸᬧᬧᬸᬦᬧᬶ᭞ᬭᬶᬂᬚᬕᬢᬾᬢᬦ᭄ᬧᬤ᭞ᬲᬦᬾᬧᭂᬃᬦᬄᬓᬓᬃᬤᬶᬦᬶᬦ᭄᭞ᬳᬦ᭄ᬢᬸᬓ᭄ᬲᬂᬫᬫᭂᬲᭂᬄᬤᬳᬢ᭄᭞ᬭᬶᬂᬫᬸᬲᬸᬄᬳᬶ᭠
Kaca:Bali-lontar-paparikan-dammapada-500ppi.pdf/10
Kaca puniki sampun kauji-wacén
