[ ᭗᭗ 77B]
᭗᭗᭞
ᬫᬦ᭄᭞ᬭᬱᬦᬾᬲᬫᬶᬓᬢᬲᬶᬦ᭄᭞ᬚ᭄ᬭᭀᬦᬶᬂᬓᬲᬸᬓᬦᬾᬲᬵᬫᬶ᭞ᬲᬸᬓᬦ᭄ᬓᬥᬃᬫ᭄ᬫᬦᬾᬗᬸᬗ᭄ᬕᬸᬮ᭄᭞ᬚᬤ᭄ᬫᬦᬾᬲᬶᬤᬵᬦᭂᬓ᭄ᬤᭂᬓᬂ᭞ᬲᬮ᭄ᬯᬶᬃᬫᭂᬍᬤ᭄ᬳᬶᬧᬸᬦ᭄ᬲᬫᬶ᭞ᬲᭂᬤᬶᬄᬲᬸᬗ᭄ᬲᬸᬢ᭄᭞ᬫᬓᬲᬫᬶᬓᬳᬸᬗ᭄ᬓᬸᬮᬦ᭄᭟ᬓ᭠
ᬲᬸᬕᬶᬳᬦᬾᬫᬩ᭄ᬭᬸᬲᬓ᭄᭞ᬚᬤ᭄ᬫᬦᬾᬢᬫ᭄ᬩᭂᬢ᭄ᬳᬦ᭄ᬲᬶᬧᬶ᭞ᬳᬶᬦ᭄ᬤᬶᬓ᭄ᬧᬸᬓᬢᬦ᭄ᬢᬶᬤ᭞ᬭᬶᬂᬲᬂᬢᭂᬍᬓ᭄ᬫᬗᬸᬮᬢᬶ᭞ᬓᬦᬳᬶᬃᬯᬡᬦ᭄ᬲᬦᬾᬍᬯᬶᬄ᭞ᬦᬵᬗ᭄ᬳᬶᬂᬲᬂᬢᬫ᭄ᬩᭂᬢ᭄ᬧᬸᬦᬶᬓᬸ᭞ᬭᬾᬄᬓᭀᬪᬦᬾᬭᬶᬂᬫᬵᬲ᭄ᬧᬾ
ᬭᬓ᭄᭞ᬗ᭄ᬭᬸᬲᬓ᭄ᬤᬾᬯᬾᬓ᭄ᬜᬧᬤᬶᬤᬶ᭞ᬓᬵᬤᬶᬳᬶᬧᬸᬦ᭄᭞ᬗᬭᬸᬲᬓᬂᬳᬦᬓ᭄ᬮᬾᬦᬦ᭄᭟ᬧᬤᬂ᭠ᬧᬤᬗᬾᬲᬲ᭄ᬫ᭄ᬭᬡ᭞ᬦᬾᬗᬭᬸᬲᬓ᭄ᬢᭂᬕᬮ᭄ᬘᬭᬶᬓ᭄᭞ᬳᬶᬦ᭄ᬤ᭄ᬭᬶᬬᬦᬾᬭᬋᬕᭂᬤᬦ᭄᭞ᬦᬾᬗᬭᬸᬲᬓ᭄ᬗᬯᬶ
ᬲᬦᬶᬦ᭄᭞ᬓᬫᬦᬸᬱᬦᬾᬧᬸᬦᬶᬓᬶ᭞ᬓ᭄ᬭᬡᬧᬥᬦᬦ᭄ᬲᬂᬢᬸᬮᬸᬲ᭄᭞ᬭᬶᬂᬚᬤ᭄ᬫᬦᬾᬲᬵᬫ᭄ᬧᬸᬦᬼᬧᬲ᭄᭞ᬲᬓᬶᬂᬓᬳᬶᬦ᭄ᬤ᭄ᬭᬶᬬᬦ᭄ᬳᬢᬶ᭞ᬧᬮᬦ᭄ᬳᬶᬧᬸᬦ᭄᭞ᬢᬸᬢᬸᬳᬕᬸᬂᬓᬤᬳᬢᬦ᭄᭟ᬧᬤᬂᬧᬤᬗᬾ᭠
[ ᭗᭘ 78A]
ᬲᬢ᭄ᬫ᭄ᬭᬡ᭞ᬦᬾᬗᬭᬸᬲᬓ᭄ᬢᭂᬕᬮ᭄ᬘᬭᬶᬓ᭄᭞ᬩ᭄ᬭᭀᬕᭀᬤᭀᬕᬦᬾᬲᬢ᭄ᬘᬘᬤ᭄᭞ᬲᬦᬾᬗᬭᬸᬲᬓ᭄ᬢᬦ᭄ᬲᬶᬧᬶ᭞ᬓᬫᬦᬸᬱᬦᬾᬧᬸᬦᬶᬓᬶ᭞ᬓ᭄ᬭᬡᬧᬤᬦᬦ᭄ᬲᬂᬢᬸᬮᬸᬲ᭄᭞ᬭᬶᬂᬚᬤ᭄ᬫᬦᬾᬲᬵᬫ᭄ᬧᬸᬍᬧᬲ᭄᭞
ᬲᬓᬶᬂᬗ᭄ᬭᭀᬲᬮᬦ᭄ᬫᬲᭂᬗᬶᬢ᭄᭞ᬧᬮᬦ᭄ᬳᬶᬧᬸᬦ᭄᭞ᬢᬸᬳᬸᬳᬕᬸᬂᬓᬤᬢᬢᬦ᭄᭟ᬧᬦᬂᬧᬤᬗᬾᬲᬢ᭄ᬫ᭄ᬭᬡ᭞ᬦᬾᬗᬭᬸᬲᬓ᭄ᬢᭂᬕᬮ᭄ᬘᬭᬶᬓ᭄᭞ᬫᬦᬳᬾᬦᬾᬫᬗᬸᬫ᭄ᬩᬭᬵ᭞ᬗᬗᭂᬦᬗᭂᬦᬂᬢᬦ᭄ᬯᬸᬓ᭄ᬢᬶ᭞ᬫ
ᬭᬸᬧᬘᬘᬤ᭄ᬢᬦ᭄ᬕᬶᬕᬶᬲ᭄᭞ᬗ᭄ᬭᬸᬲᬓ᭄ᬓᬫᬦᬸᬱᬦ᭄ᬢᬸᬳᬸ᭞ᬲᬦᬾᬜᬶᬤᬬᬂᬗᬍᬧᬲ᭄᭞ᬳᬗᭂᬦᬗᭂᬦᬾᬤᬶᬳᬢᬶ᭞ᬚᬢᬶᬳᬕᬸᬂ᭞ᬧᬮᬦ᭄ᬜᬦᬾᬓᬤᬢᬢᬦ᭄᭟ᬧᬤᬂᬧᬤᬗᬾᬲᬢ᭄ᬫ᭄ᬭᬡ᭞ᬦᬾᬗᬭᬸᬲᬓ᭄ᬢᭂᬕ
ᬮ᭄ᬘᬭᬶᬓ᭄᭞ᬓᬶᬦ᭄ᬤ᭄ᬭᬶᬬᬦ᭄ᬫᬦᬳᬾᬫᬩᬸᬯᬢ᭄᭞ᬦᬸᬧᬸᬓᬶᬦ᭄ᬲᬓᬶᬢᬦ᭄ᬳᬢᬶ᭞ᬫᬭᬸᬧᬘᬘᬤ᭄ᬳᬦ᭄ᬲᬶᬧᬶ᭞ᬗ᭄ᬭᬸᬲᬓ᭄ᬓᬫᬦᬸᬱᬦ᭄ᬢᬸᬳᬸ᭞ᬲᬦᬾᬜᬶᬤᬬᬂᬗᬍᬧᬲ᭄᭞ᬲᬓᬜ᭄ᬘᬦ᭄ᬓᬶᬦ᭄ᬤ᭄ᬭᬶᬬᬦ᭄ᬳᬢᬶ᭞ᬚᬢᬶᬢᬶᬕᬂᬧᬮ
Kaca:Bali-lontar-paparikan-dammapada-500ppi.pdf/78
Kaca puniki sampun kauji-wacén
