[ ᭗᭖ 76B]
᭗᭖᭞
ᬲᬢᬢ᭞ᬭᬶᬂᬗᭀᬤᬕᬂᬫᬦᬄᬤᬓᬶ᭞ᬦᬾᬫᬲᬫᬵᬥᬶᬢᬦ᭄ᬢᭂᬮᬤ᭄᭞ᬫᬋᬧ᭄ᬲᬦᬾᬗᬋᬕᭂᬤᬶᬦ᭄᭞ᬤᬾᬯᬾᬓ᭄ᬳᬶᬧᬸᬦᬾᬧᬤᬶᬤᬶ᭞ᬦᬾᬢᬾᬮᬶᬂᬯᬲ᭄ᬧᬤᬢᭂᬭᬸᬲ᭄᭞ᬳᬶᬧᬸᬦ᭄ᬦᬾᬚᬕᬗᬸ
ᬲᬦᬂ᭞ᬓᬶᬢᬮᬦ᭄ᬤᭀᬢ᭄ᬤᭀᬢᬦ᭄ᬲᬫᬶ᭞ᬳᬶᬧᬸᬦ᭄ᬗᬸᬯᬸᬕ᭄᭞ᬗᬸᬯᭂᬓ᭄ᬚᭂᬳᭂᬢ᭄ᬲᬂᬳ᭄ᬬᬂᬓᬵᬮ᭞ᬚᬤ᭄ᬫᬲᬦᬾᬫᬶᬓᭀᬮᬶᬳᬂ᭞ᬢᬢᬸᬚᭀᬦ᭄ᬧᬫᭂᬓᬲᬼᬯᬶᬄ᭞ᬦᬾᬓᬮᬶᬲ᭄ᬭᬶᬂᬓᬫᭂᬍᬤᬦ᭄᭞
ᬍᬧᬲ᭄ᬲᬓᬶᬂᬫᬦᬄᬳᬚ᭄ᬭᬶᬄ᭞ᬦᬾᬮᬸᬧᬸᬢ᭄ᬭᬶᬂᬓᬶᬢᬦ᭄ᬳᬢᬶ᭞ᬦᬾᬜᬶᬤᬬᬂᬲᬵᬫ᭄ᬧᬸᬦ᭄ᬫᬜ᭄ᬘᬸᬢ᭄᭞ᬤᬸᬯᬶᬤᬸᬯᬶᬦ᭄ᬓᬳᬸᬭᬶᬧᬦ᭄᭞ᬧᬸᬦᬶᬓᬶᬤᬾᬯᬾᬓ᭄ᬜᬫᬗ᭄ᬓᬶᬦ᭄᭞ᬧᬶᬦᬶᬄᬧᬸᬗ᭄ᬓᬸᬃ᭞ᬢᬦ᭄ᬫᬮᬶᬄᬚᬕ᭠
ᬫᬜ᭄ᬚᬤ᭄ᬫ᭟ᬚᬤ᭄ᬫᬦᬾᬲᬦᬾᬲᬵᬫ᭄ᬧᬸᬦᬼᬧᬲ᭄᭞ᬲᬓᬶᬂᬓᬫᭂᬍᬤᬦ᭄ᬲᬫᬶ᭞ᬦᬾᬢᬦ᭄ᬯᬾᬦ᭄ᬢᭂᬦ᭄ᬧᬦᭂᬕᬸᬮᬦ᭄᭞ᬦᬾᬯᬶᬓᬦ᭄ᬚ᭄ᬭᭀᬦᬶᬂᬧᬗᬸᬦᬶᬂ᭞ᬩᬲᬮᬯᬦ᭄ᬮᬶᬗ᭄ᬲᬫᬮᬶᬄ᭞ᬭᬶᬂᬲᬸᬲᬸᬦᬦ᭄ᬰᬲ᭄ᬢ᭄ᬭᬯᭂᬭᬸᬄ᭞
[ ᭗᭗ 77A]
ᬫᬤ᭄ᬯᬾᬓᬧ᭄ᬭᬚ᭄ᬜᬦᬦ᭄ᬩᬸᬯᬢ᭄᭞ᬳᬶᬧᬸᬦ᭄ᬚᬦ᭄ᬫᬮᬸᬳᬸᬃᬚᬢᬶ᭞ᬧᬶᬦᬶᬄᬧᬸᬗ᭄ᬓᬸᬃ᭞ᬧᬸᬦᬶᬓᬶᬧᬤᬾᬯᬾᬓᬦ᭄ᬜ᭟ᬲᬫᬶᬲᬓᬜ᭄ᬘᬦ᭄ᬧᬸᬦᬶᬓ᭞ᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬫᬗᬸᬗ᭄ᬕᬸᬮᬶᬦ᭄᭞ᬲᬵᬫ᭄ᬧᬸᬦ᭄ᬦᬸᬮ᭄ᬓᬓᬲᭀᬭᬂ᭞ᬲᬫᬶ
ᬲᬵᬫ᭄ᬧᬸᬦ᭄ᬓᬢᬸᬦᬗᬦ᭄᭞ᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬮᬧᬲ᭄ᬫᬗ᭄ᬓᬶᬦ᭄᭞ᬓᭂᬮᬾᬲ᭄ᬲᬓᬶᬂᬮ᭄ᬯᬶᬃᬳᬸᬦ᭄ᬤᬸᬓ᭄᭞ᬲᬵᬫ᭄ᬧᬸᬦ᭄ᬲᬫᬶᬓᬸᬢᬂᬢᬶᬢ᭄ᬬᬂ᭞ᬭᬶᬂᬲᬵᬫ᭄ᬧᬸᬦ᭄ᬗᬭᬸᬲᬓ᭄ᬱᬫᬶ᭞ᬦᭂᬓ᭄ᬤᭂᬓ᭄ᬋᬫᬸᬓ᭄᭞ᬲᬫᬶᬲᬮ᭄ᬯᬶᬃᬲᬲᭂᬦᭂᬗᬦ᭄
᭟ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬢᬶᬢ᭄ᬬᬂᬍᬧᬲ᭄᭞ᬢᬦ᭄ᬫᬮᬶᬄᬢᬶᬢ᭄ᬬᬂᬫᬢᬮᬶ᭞ᬲᬓᬶᬂᬲᬮ᭄ᬯᬶᬃᬤᭂᬤᭂᬫᭂᬦᬦ᭄᭞ᬢᬍᬃᬲᬵᬫ᭄ᬧᬸᬦ᭄ᬫᬗᬸᬦᬶᬗᬶᬦ᭄᭞ᬗᬃᬢᬶᬭᬶᬂᬲᬓᬜ᭄ᬘᬦ᭄ᬳᬶᬦ᭄ᬤᬶᬓ᭄᭞ᬮᬭᬧᬦ᭄ᬳᬸᬲᬳᬢᬸᬬᬸᬄ᭞ᬢᬦ᭄ᬮᬾᬦ᭄ᬲ
ᬓᬶᬂᬤᬾᬯᬾᬓ᭄ᬢᬶᬢ᭄ᬬᬂ᭞ᬲᬧᬲᬶᬭᬲᬦᬾᬫᬗ᭄ᬓᬶᬦ᭄᭞ᬲᬦᬾᬧᬢᬸᬢ᭄᭞ᬓᬩᬯᭀᬲᬂᬕᬸᬭᬸᬦ᭄ᬢᬶᬢ᭄ᬬᬂ᭟ᬢ᭄ᬯᬓ᭄ᬢᬶᬧᬯᬾᬯᬾᬄᬓᬥᬃᬫᬦ᭄᭞ᬫᬯᬾᬯᬾᬄᬲᬫᬶᬓᬸᬗ᭄ᬓᬸᬮᬶᬦ᭄᭞ᬬᬾᬦ᭄ᬫᬸᬗ᭄ᬕ᭄ᬯᬶᬂᬭᬱᬦ᭄ᬓᬥᬃ
Kaca:Bali-lontar-paparikan-dammapada-500ppi.pdf/77
Kaca puniki sampun kauji-wacén
