[ ᭗᭐ 70B]
᭗᭐᭞
ᬩᬄᬩᬳᬦ᭄ᬕᬸᬮᬓ᭄ᬕᬸᬮᬶᬓ᭄᭞ᬘᬾᬮᬾᬂᬉᬩᬸᬳᬦ᭄ᬫᬲᬳᬶᬄ᭞ᬲᬦᬾᬭᬶᬂᬕᭂᬮᭀᬕᭀᬃᬳᬶᬧᬸᬦ᭄᭞ᬚᬤ᭄ᬫᬦᬾ ᬓᬤᬶᬓᬶᬦᬸᬘᬧ᭄᭞ᬳᬶᬧᬸᬦ᭄ᬫᬮᬶᬄᬚᬕᬵᬦᬺᬱ᭄ᬝᬶ᭞ᬢᬸᬃᬫᬗᬮᬦ᭄ᬢᬸᬃ᭞ᬭᬶᬂᬚᬕᬢᬾᬩᬸᬲᬦ᭄ᬩᬸᬲᬦ᭄
᭟ᬲᬦᬾᬭᬶᬳᬶᬦ᭄ᬫᬦᬄᬢᬶᬢ᭄ᬬᬂ᭞ᬢ᭄ᬯᬄᬫᬮᬮᬦᬵᬢᬦ᭄ᬫᬭᬶ᭞ᬫᬦᬸᬢᬸᬢᬶᬦ᭄ᬓᬶᬢᬦ᭄ᬫᬦᬄ᭞ᬭᬶᬂᬤᬶᬚᬵᬦᬾᬓᬲᭂᬦᭂᬗᬶᬦ᭄᭞ᬦᬗᬶᬂᬢᬶᬢ᭄ᬬᬂᬓᬤᬶᬫᬗ᭄ᬓᬶᬦ᭄᭞ᬳᬦ᭄ᬢᬸᬓ᭄ᬓᬢᬾᬮᬶᬗᬦ᭄ᬓᬸᬓᬸᬄ᭞ᬯᬶᬢ᭄ᬩᭂᬘᬶᬓ᭄ᬳᬦ᭄ᬢᬸ᭠
ᬓ᭄ᬦᬩ᭄ᬤᬩᬂ᭞ᬲᬢ᭄ᬓᬸᬲᬶᬃᬕᬚᬄᬢᬦ᭄ᬧᬳᬶ᭞ᬬᬢ᭄ᬦᬵᬗᬸᬭᬸᬓ᭄᭞ᬕᬚᬄᬦᬾᬓᭂᬜ᭄ᬚᭂᬓᬦ᭄ᬩᬸᬯᬂ᭞ᬧᬢᬸᬢᬾᬚᬤ᭄ᬫᬦᬾᬕᬶᬭᬂ᭞ᬯᬾᬦ᭄ᬢᭂᬦ᭄ᬭᬶᬂᬲᬚ᭄ᬭᭀᬦᬶᬂᬢᬾᬮᬶᬂ᭞ᬕᬫᭂᬮ᭄ᬫᬦᬳᬾᬩᭂᬘᬶᬓᬂ᭞ᬉᬢ᭄ᬲᬳᬵ
ᬢᬸᬃᬢᬗᬭᬶᬦ᭄᭞ᬫᬗ᭄ᬤᬵᬜᬶᬤᬬᬂᬓᬲᬶᬲᬶ᭞ᬲᬓᬶᬂᬘᭀᬭᬄᬫᬶᬯᬄᬍᬢᬸᬄ᭞ᬓᬤᬶᬉᬧᬬᬦ᭄ᬳᬶᬕᬚᬄ᭞ᬲᬦᬾᬓᬜ᭄ᬚᭂᬓᬦ᭄ᬗᬮᬶᬮᬶᬓ᭄᭞ᬢ᭄ᬭᬸᬲ᭄ᬭᬸᬦ᭄ᬢᬸᬄ᭞ᬭᬶᬂᬩᬲᬾᬓᬾᬫᬍᬩᬼᬩ
[ ᭗᭑ 71A]
ᬦ᭄᭟ᬬᬾᬦ᭄ᬧᬤᬾᬳᬶᬤᬾᬯᬫᬧᬲ᭄᭞ᬫᬫᬗ᭄ᬕᬶᬄᬲᬯᬶᬢ᭄ᬭᬳᬸᬦᬶᬂ᭞ᬲᬦᬾᬳᬤᬸᬂᬫᬲᬯᬶᬢ᭄ᬭ᭞ᬭᬶᬂᬳᬶᬤᬾᬯᬩᭂᬘᬶᬓ᭄ᬩᭂᬘᬶᬓ᭄᭞ᬲᬦᬾᬢᬶᬗ᭄ᬓᬄᬜᬦᬾᬫᬶᬬᬶᬓ᭄᭞ᬫᬮᬶᬄᬯᬶᬘᬓ᭄ᬱᬡᬳᬶᬧᬸᬦ᭄᭞
ᬳᬶᬤᬾᬯᬚᬕᬕᬃᬕᬶᬢᬵ᭞ᬫᬳᬸᬭᬶᬧ᭄ᬯᬲ᭄ᬧᬤᬵᬢᬾᬮᬶᬂ᭞ᬳᬗ᭄ᬕᬾᬦ᭄ᬗᬸᬯᬸᬩ᭄᭞ᬲᬮ᭄ᬯᬶᬃᬧᬓᬾᬯᬸᬄᬮᬦ᭄ᬩᬕ᭄ᬬ᭟ᬧᬤᬾᬤᬾᬯᬢᬦ᭄ᬫᬧᬧᬲ᭄᭞ᬢᬦ᭄ᬫᬗ᭄ᬕᬶᬄᬲᬯᬶᬢ᭄ᬭᬳᬸᬦᬶᬂ᭞ᬦᬾᬳᬤᬸᬂᬳ
ᬗ᭄ᬕᬾᬦ᭄ᬓᬲᬶᬳᬦ᭄᭞ᬲᬦᬾᬢᬶᬗ᭄ᬓᬄᬜᬦᬾᬩᭂᬘᬶᬓ᭄᭞ᬲᬦᬾᬯᬶᬘᬓ᭄ᬱᬡᬵᬫᬮᬶᬄ᭞ᬩᭂᬘᬶᬓᬦ᭄ᬓᬤᬶᬲᬂᬧ᭄ᬭᬪᬸ᭞ᬦᬾᬦᬶᬗ᭄ᬕᬮ᭄ᬚᬕᬳᬦ᭄᭞ᬜᬦ᭄ᬤᬂᬳᬶᬤᬾᬯᬧᬤᬶᬤᬶ᭞ᬦᬸᬮᬸᬄᬳᬶᬤᬸᬧ᭄᭞
ᬮ᭄ᬯᬶᬃᬕᬚᬄᬭᬶᬂᬳᬮᬲ᭄ᬯᬬᬄ᭟ᬓᬚᬢᬾᬦ᭄ᬜᬩᭂᬘᬶᬓ᭄ᬤᬳᬢ᭄᭞ᬫᬳᬸᬭᬶᬧᬾᬢᬦ᭄ᬧᬓᬦ᭄ᬢᬶ᭞ᬢ᭄ᬯᬶᬦᬶᬃᬕᬸᬡᬵᬫᬲᬯᬶᬢ᭄ᬭᬭᬶᬚᬤ᭄ᬫᬵᬢᬫ᭄ᬩᭂᬢ᭄ᬫᬓᬦ᭄ᬢᬶ᭞ᬜᬦ᭄ᬤᬂᬚᬤ᭄ᬫᬦᬾᬫᬳᬸᬭᬶᬧ᭄᭞ᬦᬸᬗ᭄ᬕᬮ᭄
Kaca:Bali-lontar-paparikan-dammapada-500ppi.pdf/71
Kaca puniki sampun kauji-wacén
