[ ᭖᭘ 68B]
᭖᭘᭞
ᬬᬸᬤᬦᬾᬲᭂᬗᬶᬢ᭄᭞ᬢᬗ᭄ᬕᭂᬦ᭄ᬭᬶᬂᬦᬦ᭄ᬤᬗᬶᬦ᭄ᬧᬦᬄ᭞ᬲᬓᬶᬂᬕᬦ᭄ᬤᬾᬯᬦᬾᬫᬶᬚᬶᬮ᭄᭞ᬲᬧᬸᬦᬶᬓᬢᬶᬢ᭄ᬬᬂᬉᬕᬶ᭞ᬚᬕᬦᬦ᭄ᬤᬗᬶᬦ᭄ᬧᬫᬶᬲᬸᬄ᭞ᬧᬗᬸᬧᭂᬢ᭄ᬮᬯᬦ᭄ᬧᬜᬤ᭄ᬘᬤ᭄᭞ᬓᬢᬳᬦ᭄ᬚᬤ᭄ᬫᬦᬾ
ᬲᬫᬶ᭞ᬚᬢᬶᬦ᭄ᬳᬶᬧᬸᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬗᬫᭂᬮ᭄ᬰᬲᬦᬵ᭟ᬚᬤ᭄ᬫᬦᬾᬗᭀᬋᬕᬂᬕᬚᬄ᭞ᬦᬾᬲᬵᬫ᭄ᬧᬸᬦ᭄ᬓᬸᬭᬸᬓᬂᬩᭂᬘᬶᬓ᭄᭞ᬓᬢᭂᬗᬄᬢᭂᬗᬄᬧᬧ᭄ᬭᬗᬦ᭄᭞ᬕᬚᬄᬚᭂᬫᭂᬢ᭄ᬓᬮᬶ
ᬗ᭄ᬕᬶᬳᬶᬦ᭄᭞ᬳᬦ᭄ᬢᬸᬓ᭄ᬳᬶᬤᬵᬲᬂᬩᬸᬧᬢᬶ᭞ᬓᬵᬮᬓᬧᬲᬾᬩᬦ᭄ᬭᬯᬸᬄ᭞ᬲᬚ᭄ᬭᭀᬦᬶᬂᬲᬂᬧᬭᬚᬦᬵ᭞ᬦᬾᬧᬶᬦᬶᬄᬚᭂᬫᭂᬢ᭄ᬢᬸᬃᬚᬢᬶ᭞ᬲᬦᬾᬓᬸᬓᬸᬄ᭞ᬦᬢᬓ᭄ᬫᬯᭀᬲ᭄ᬓᭂᬭᬲ᭄ᬓᬲᬃ᭟ᬓᬫᬶᬭᬾ
ᬩᬗᭂᬢ᭄ᬫᬕᬸᬡ᭞ᬦᬾᬲᬵᬫ᭄ᬧᬸᬦ᭄ᬩᭀᬄᬓᬸᬭᬸᬓ᭄ᬩᭂᬘᬶᬓ᭄᭞ᬓᬸᬤᬵᬲᬶᬦ᭄ᬥᬸᬦᬾᬲᭂᬩᭂᬢ᭄᭞ᬓᬤᬶᬲᬧᬸᬦᬶᬓᬵᬉᬕᬶ᭞ᬍᬯᬶᬄᬭᬶᬂᬓᬕᬸᬡᬦ᭄ᬫᬮᬶᬄ᭞ᬕᬚᬳᬾᬳᬕᭂᬂᬢᬸᬃᬓᬸᬓᬸᬄ᭞ᬗᬶᬧᬶ
[ ᭖᭙ 69A]
ᬦᬶᬄᬜᬗᭂᬢ᭄ᬫᬕᬸᬡᬵ᭞ᬭᬶᬂᬧᬸᬦᬶᬓᬵᬫᬓᬲᬫᬶ᭞ᬯᬦ᭄ᬢᬄᬳᬶᬧᬸᬦ᭄᭞ᬲᬂᬢᬦ᭄ᬫᬭᬶᬗᬸᬭᬸᬓ᭄ᬭᬕᬵ᭟ᬭᬾᬄᬳᬦ᭄ᬢᬸᬓ᭄ᬱᬫᬶᬢᬸᬗ᭄ᬕᬗᬦ᭄᭞ᬬᬤᬶᬦ᭄ᬓᬸᬤᬵᬕᬚᬄᬢᬸᬯᬶ᭞ᬚᬤ᭄ᬫᬦᬾᬢᬦ᭄ᬫᬺᬲᬶᬤᬬᬂ᭞ᬚᬕ᭠
ᬫᬗᭂᬦ᭄ᬢᬧ᭄ᬫᬫᬃᬕᬶ᭞ᬦᬸᬚᬸᬦᬶᬃᬯᬡᬦᬾᬗᬶᬮᬶᬲ᭄᭞ᬫᬃᬕᬶᬢᬦ᭄ᬲᬶᬤᬵᬓᬤᬸᬮᬸᬄ᭞ᬲᬚᬩᬵᬚᬤ᭄ᬫᬦᬾᬚᭂᬫᭂᬢ᭄᭞ᬦᬾᬲᬵᬫ᭄ᬧᬸᬦ᭄ᬗᭀᬤᬕᬂᬤᬶᬭᬶ᭞ᬯᬦ᭄ᬢᬄᬳᬶᬧᬸᬦ᭄᭞ᬚᬕᬳᬕᭂᬢ᭄ᬲᬶᬤᬵᬗᭂᬦ᭄ᬢᬧ᭄᭟
ᬲᬂᬕᬚᬄᬤᬦᬵᬧᬮᬓᬵ᭞ᬦᬾᬯᬯᭂᬓᭂᬚᬸᬓ᭄ᬢᬦ᭄ᬮᬫᬶ᭞ᬩᬗᭂᬢ᭄ᬫᬾᬯᭂᬄᬓᬓ᭄ᬯᬲᬬᬂ᭞ᬧᬮᬶᬳᬢ᭄ᬜᬳᭂᬦ᭄ᬥᬸᬓ᭄ᬲᭂᬤᬶᬄ᭞ᬬᬾᬄᬫᬣᬗᭂᬢᬾᬮ᭄ᬭᬶᬂᬧᬶᬧᬶ᭞ᬓᭂᬤᬶᬓ᭄ᬢᬦ᭄ᬜᬓ᭄ᬦᭂᬥᬳᬶᬧᬸᬦ᭄᭞ᬯᬶᬭᬾᬄᬲᭂᬤᬶᬄ
ᬢᬲᬗ᭄ᬲᬭᬦ᭄᭞ᬫᬮᬶᬳᬵᬳᬶᬲᭂᬂᬜᬸᬲᬸᬧᬶᬦ᭄᭞ᬏᬮᬶᬂᬳᬶᬧᬸᬦ᭄᭞ᬭᬶᬂᬫᬾᬫᬾᬦ᭄ᬜᬮᬯᬦ᭄ᬳᬮᬲ᭄᭟ᬚᬤ᭄ᬫᬦᬾᬢᬫ᭄ᬩᭂᬢ᭄ᬓᬶᬦᬸᬘᬧ᭄᭞ᬫᬍᬲ᭄ᬫᬓ᭄ᬮᬶᬬᬸᬤᬦ᭄ᬲᬳᬶ᭞ᬫᬤᬳᬃᬩᬗᬸᬦ᭄ᬓᬾᬯᬦ᭄ᬢᭂᬦ᭄ᬫ
Kaca:Bali-lontar-paparikan-dammapada-500ppi.pdf/70
Kaca puniki sampun kauji-wacén
