[ ᭖᭓ 63B]
᭖᭓᭞
ᬓᬲᬸᬓᬵᬦᬾᬫᬮᬶᬢ᭄᭞ᬢᬸᬃᬜᬭᬢᬂᬲᬸᬓᬦᬾᬳᬗ᭄ᬫᬮᬶᬄ᭟ᬲᬂᬗᭂᬤᭀᬢᬂᬓᬲᬸᬓᬦ᭄ᬤᬾᬯᬾᬓ᭄᭞ᬗᬭᬕ᭞ᬫᬮᬭᬧᬗᬯᬾᬲᬓᬶᬢ᭄᭞ᬭᬶᬂᬚᬤ᭄ᬫᬦᬾᬮᬾᬦᬦ᭄᭞ᬳᬶᬧᬸᬦ᭄ᬚᬕᬓ
ᬤᭂᬤᭂᬳᬂ᭞ᬫᬭᬾᬂᬢᭂᬗᬗᬄᬚᬭᬶᬂᬩ᭄ᬭᬶᬂᬢᬶ᭞ᬢᬸᬃᬢᬦ᭄ᬲᬶᬤᬵᬚᬕᬍᬧᬲ᭄ᬲᬓᬶᬂᬩ᭄ᬭᬂᬢᬶ᭟ᬲᬂᬗᬫ᭄ᬧᬳᬂᬕᬯᬾᬦᬾᬧᬢᬸᬢ᭄ᬲᭀᬮᬳᬂ᭞ᬓᬵᬃᬬ᭄ᬬᬦᬾᬢᬦ᭄ᬧᬢᬸᬢ᭄ᬓᬃᬤᬶ᭞ᬳᬶᬧᬸᬦ᭄ᬗ᭄ᬮᬓ᭄ᬱᬡᬬᬂ᭞ᬢᬦ᭄ᬗ
ᬮᬶᬫ᭄ᬩᬓᬂᬓᬢᬾᬮᬶᬗᬦ᭄᭞ᬲᬳᬵᬢᬦ᭄ᬗᭀᬋᬕᬂᬤᬶᬭᬶ᭞ᬓ᭄ᬭᬡᬵᬘᬘᬤ᭄ᬫ᭄ᬯᬄᬜᬲᬭᬾᬫᬸᬯᬸᬄᬭᬭᬶᬲ᭄᭟ᬲᬂᬲᬢᬢᬢᭂᬓᭂᬓ᭄ᬗᭀᬋᬕ᭄ᬓᬢᬾᬮᬶᬗᬦ᭄᭞ᬭᬶᬂᬤᬾᬯᬾᬓ᭄ᬳᬶᬧᬸ
ᬦ᭄ᬧᬤᬶᬤᬶ᭞ᬦᬾᬢᬦ᭄ᬗ᭄ᬮᬓ᭄ᬱᬡᬬᬂ᭞ᬦᬾᬢᬦ᭄ᬧᬢᬸᬢ᭄ᬓᬲᭀᬮᬳᬂ᭞ᬫᬮᬶᬳᬵᬲᬢᬢᬵᬗᬃᬤᬶ᭞ᬲᬮ᭄ᬯᬶᬃᬲᭀᬮᬄᬲᬦᬾᬧᬢᬸᬢ᭄ᬓᬓᬃᬤᬶᬦᬶᬦ᭄᭟ᬲᬫᬮᬶᬳᬳᬶᬧᬸᬦ᭄ᬢᬦ᭄ᬫᬭᬶ
[ ᭖᭔ 64A]
ᬦᬩ᭄ᬤᬩᬂ᭞ᬤᬾᬯᬾᬓ᭄ᬳᬶᬧᬸᬦᬾᬧᬤᬶᬤᬶ᭞ᬓᬾᬗᬶᬦ᭄ᬓᬩᬯᭀᬲᬂ᭞ᬚᬤ᭄ᬫᬦᬾᬓᬤᬶᬧᬸᬦᬶᬓᬵ᭞ᬓᬲᭀᬭᬳᬦ᭄ᬳᬶᬧᬸᬦ᭄ᬲᬫᬶ᭞ᬧᬘᬂᬢᭂᬮᬲ᭄ᬭᬶᬂᬤᬾᬯᬾᬓ᭄ᬳᬶᬧᬸᬦᬾᬩᬺᬲᬶᬄ᭟ᬲᬓᬶᬂᬫᬸᬘᭂᬄ
ᬫᬾᬫᬾᬦ᭄ᬜᬦᬾᬢᬸᬮ᭄ᬬᬢᬺᬱ᭄ᬡᬵ᭞ᬫᬤᭂᬫᬂᬩᬧᬦ᭄ᬜᬫᬮᬶᬄ᭞ᬦᬾᬲᬢ᭄ᬳᬢᭂᬗ᭄ᬓᬵᬭ᭞ᬲᬳᬗ᭄ᬭᬸᬲᬓᬂᬦᬕᬭᬵ᭞ᬢ᭄ᬓᬦᬶᬂᬯᬤ᭄ᬯᬧ᭄ᬭᬚᬸᬭᬶᬢ᭄᭞ᬲᬢ᭄ᬳᬶᬦ᭄ᬤ᭄ᬭᬶᬬᬮᬯᬦ᭄ᬯᬶᬲᬬᬦ᭄ᬜ
ᬫᬶᬄ᭟ᬢᬸᬃᬫᬦᭂᬫᬂᬓᬓᬮᬶᬄᬭᬵᬚᬩ᭄ᬭᬵᬳ᭄ᬫᬡᬵ᭞ᬢᬸᬫᬦᬶᬂᬦᭂᬓ᭄ᬤᭂᬓᬂᬲᬫᬶ᭞ᬫᬃᬕᬶᬦᬾᬫᬕᬬ᭞ᬮᬮᬶᬫᬧᬗᬮᬂᬫᬦᬄ᭞ᬲᬂᬳᬭᬳᬢ᭄ᬮ᭄ᬯᬶᬃᬧᬸᬦᬶᬓᬶ᭞ᬫᬢᬶᬦ᭄ᬤᬓᬦ᭄ᬲᬄᬲᬓᬶᬂ
ᬮᬭᬧ᭄ᬭᬶᬳᬢᬶᬦ᭄᭟ᬮᬦᬵᬫᬾᬗᭂᬢ᭄ᬲᬳᬵᬯᬲ᭄ᬧᬤᬵᬭᬶᬂᬫᬦᬄ᭞ᬲᬶᬱ᭄ᬬᬦ᭄ᬲᬂᬳ᭄ᬬᬂᬚᬦᬧᬢᬶ᭞ᬦᬾᬦᬳᭂᬦᬶᬦ᭄ᬯᬾᬦ᭄ᬢᭂᬦ᭄᭞ᬫᭂᬦ᭄ᬢᬶᬓ᭄ᬭᬶᬂᬚᬕᬢ᭄᭞ᬳᬶᬤᬵᬮᬦᬵᬫᬲᬫᬤᬶ᭞
Kaca:Bali-lontar-paparikan-dammapada-500ppi.pdf/64
Kaca puniki sampun kauji-wacén
