[ ᭖᭒ 62B]
᭖᭒᭞
ᬓᬲᬶᬄᬳᬶᬤᬾᬯᬵ᭞ᬲᬦᬾᬦᬶᬱ᭄ᬝᬵᬗᬯᬾᬲᭂᬤᬶᬄ᭞ᬓᬤᬶᬗᭂᬧᬶᬓ᭄ᬗᬮᬧ᭄ᬓᭂᬫ᭄ᬩᬂ᭞ᬲᭂᬓᬃᬢᬸᬜ᭄ᬚᬸᬂᬫᬶᬬᬶᬓ᭄ᬗᬮᬸᬩ᭄᭞ᬭᬶᬂᬫᬲ?ᬦ᭄ᬮᬬᬸᬦᬾᬢᬶᬩᬵ᭞ᬳᭂᬦ᭄ᬢᭀᬧᬢᬶᬢᬶᬲ᭄᭞ᬲᬶᬦᬄᬤᬗᬦ᭄ᬳᬦ᭄ᬢᬸᬓ᭄ᬳᬗᬦ᭄᭟
ᬗᬭᬭᬶᬲ᭄ᬜᬦ᭄ᬤᬂᬓᭂᬫ᭄ᬩᬗᬂ᭞ᬫᬃᬕᬶᬦᬸᬚᬸᬢᬦ᭄ᬧᬢᬮᬶ᭞ᬫᬶᬯᬄᬓᬤᭂᬕ᭄ᬤᭂᬕᬦ᭄ᬫᬦᬄ᭞ᬓᬦᬶᬃᬯᬡᬦ᭄ᬲᬦᬾᬮᬸᬳᬸᬃ᭞ᬦᬾᬲᬵᬫ᭄ᬧᬸᬦ᭄ᬓᬧᬶᬤᬃᬣᬬᬂ᭞ᬲᬓᬶᬂᬗᬸᬦᬶ᭞ᬳᬦ᭄ᬢᬸᬓ᭄ᬲᬂᬳ᭄ᬬᬂᬢᬢᬵᬕᬢ᭟ᬭᬶᬓᬵ
ᬮᬦᬶᬂᬫᬲᬦ᭄ᬧᬦᭂᬲ᭄᭞ᬢᬶᬢ᭄ᬬᬂᬲᬸᬫᭂᬓᭂᬦ᭄ᬳᬶᬭᬶᬓᬶ᭞ᬚᬕᬫᬕᭂᬦᬄᬢᬦ᭄ᬮᬾᬦᬦ᭄᭞ᬭᬶᬂᬫᬲᬦ᭄ᬲᬩᭂᬳᬾᬢᭂᬤᬸᬦ᭄᭞ᬢ᭄ᬯᬄᬳᬶᬭᬶᬓᬶᬢᬍᬃᬢᬶᬢ᭄ᬬᬂ᭞ᬲᬵᬫ᭄ᬧᬸᬦ᭄ᬧᬱ᭄ᬝᬶ᭞ᬚᬕᬲᬸᬫᭂᬓᭂᬦ᭄ᬫᬕᭂᬦᬄ
᭟ᬇᬭᬶᬓᬶᬲᬸᬫᭂᬓᭂᬦ᭄ᬢᬶᬢ᭄ᬬᬂ᭞ᬭᬶᬓᬵᬮᬦᬶᬂᬫᬲᬦ᭄ᬤᬶᬗᬶᬦ᭄᭞ᬚᬕᬫᬲ᭄ᬢ᭄ᬬᬂᬫᬕᭂᬦᬄ᭞ᬓᬤᬶᬧᬸᬦᬶᬓᬵᬲᬂᬧᬸᬗ᭄ᬕ᭄ᬬᬂᬗᬮᬶᬧᬸᬃᬧᬤᬾᬯᬾᬓᬦ᭄ᬜ᭞ᬗᬶᬂᬢᬦ᭄ᬳᬸᬦᬶᬂ᭞ᬭᬶᬂᬧᬜᭂᬗ᭄ᬓᬮᬦ᭄ᬳᬸᬭᬶᬧ᭄ᬜ᭟ᬚ
[ ᭖᭓ 63A]
ᬤ᭄ᬫᬦᬾᬫᬢᭂᬕᬸᬮ᭄ᬤᬳᬢ᭄᭞ᬭᬶᬂᬲᬦᬓ᭄ᬮᬦ᭄ᬓᬸᬮᬯᬃᬕᬶ᭞ᬭᬶᬂᬉᬩᬸᬳᬦ᭄ᬳᬶᬧᬸᬦ᭄ᬫᬸᬯᬄ᭞ᬧᬤᭂᬫᬾᬚᬕᬫᬗᬜᬸᬢ᭄᭞ᬫᬓ᭄ᬢᬳᬶᬧᬸᬦ᭄ᬫᬫᬮᬲᬂ᭞ᬧᬢᬶ᭞ᬩ᭄ᬮᬩᬭᬾᬗᬜᬸᬤᬂᬤᬾᬰ᭞ᬢᬦ᭄ᬯᬾᬦ᭄ᬢᭂᬦ᭄ᬧᬗ᭄ᬕᬶᬄ
ᬧᬾᬫ᭄ᬩᭀᬦᬦ᭄᭞ᬲᬓᬶᬂᬧ᭄ᬬᬦᬓ᭄ᬩᬶᬬᬂᬳᬚᬶ᭞ᬢ᭄ᬯᬶᬲᬦᬓ᭄ᬓᬸᬮᬵᬯᬃᬕ᭞ᬭᬶᬂᬓᬵᬮᬧᬤᭂᬫᬾᬗᭂᬮᬸᬢ᭄᭞ᬢᬦ᭄ᬲᬶᬤᬵᬧᭀᬮᬶᬄᬧᬾᬫ᭄ᬩᭀᬦᬦ᭄᭞ᬲᬦᬾᬓᬧ᭄ᬢᬶ᭞ᬲᬓᬶᬂᬲᬦᬓ᭄ᬓᬸᬮᬵᬯᬃᬕ᭟
ᬲᬵᬲᬫ᭄ᬧᬸᬦ᭄ᬢᭂᬭᬂᬗᬦ᭄ᬢᭂᬦᬂ᭞ᬚᬢᬶᬦ᭄ᬓᭀᬢ᭄ᬢᬫᬦ᭄ᬧᬸᬦᬶᬓᬶ᭞ᬧᬢᬸᬢᬾᬲᬂᬲᬸᬰᬶᬮᬯᬦ᭄᭞ᬢ᭄ᬯᬶᬲᬂᬯᬶᬘᬓ᭄ᬱᬦᬾᬂᬓᬬᬸᬦ᭄᭞ᬕᭂᬮᬶᬲ᭄ᬳᬶᬤᬵᬫᬤᬩ᭄ᬤᬩᬦ᭄᭞ᬫᬦᬶᬦ᭄ᬤᬓᬶᬦ᭄᭞ᬫᬃᬕᬶᬦᬸᬚᬸᬓ
ᬦᬶᬃᬯᬡᬦ᭄᭟᭐᭟ᬤᬸᬃᬫ᭄ᬫᬵ᭟᭐᭟ᬬᬾᬦ᭄ᬉᬮᬶᬳᬦ᭄ᬦᬶᬗ᭄ᬕᬮ᭄ᬓᬲᬸᬓᬵᬦᬾᬤᬗᬦ᭄᭞ᬳᬦᬓᬾᬲᬶᬤᬫᬗ᭄ᬕᬶᬳᬶᬦ᭄᭞ᬲᬸᬓᬦᬾᬫᬕᬸᬯᬢ᭄᭞ᬫᬓ᭄ᬭᬡᬲᬂᬯᬶᬘᬓ᭄ᬱᬡ᭞ᬗᬸᬢᬂ
Kaca:Bali-lontar-paparikan-dammapada-500ppi.pdf/63
Kaca puniki sampun kauji-wacén
