[ ᭔᭖ 46B]
᭔᭖᭞
ᬢ᭄ᬧᬶᬲᬦ᭄ᬗᬯᬾᬲᬓᬶᬢ᭄᭞ᬓᬤᬶᬭᬲᬫᬲᬸᬦ᭄ᬤᬸᬓ᭄ᬭᬶᬂᬫᬸᬲᬸᬄᬰᬓ᭄ᬢᬶ᭟ᬦᬵᬗᬶᬂᬩᬾᬤᬭᬶᬂᬲᬂᬧ᭄ᬭᬚ᭄ᬜᬦ᭄ᬫᬲᬯᬶᬢ᭄ᬭ᭞ᬭᬳᬶᬦᬯᭂᬗᬶᬫᬗᬶᬭᬶᬂ᭞ᬩᬗᭂᬢ᭄ᬗᬯᬾᬩᬕ᭄ᬬ᭞ᬧᭀᬮᬶᬄᬲᬸᬦᬃᬓᬲᬸᬘᬶᬬᬦ᭄
᭞ᬓᬭᬲᬬᬂᬓᬤᬶᬦᬫ᭄ᬧᬶᬂ᭞ᬓᬸᬮᬯᬃᬕᬦᬾᬳᬚᬧ᭄ᬳᬚᬧ᭄ᬢᬦ᭄ᬫᬭᬶ᭟ᬳᭂᬦ᭄ᬢᭀᬫᬓ᭄ᬭᬦᬜᬦ᭄ᬤᬂᬳᬗ᭄ᬕᬾᬦ᭄ᬧᬲᬯᬶᬢ᭄ᬭᬦ᭄᭞ᬚᬤ᭄ᬫᬦᬾᬢᭂᬧᭂᬢ᭄ᬢᬸᬃᬭᬶᬭᬶᬄ᭞ᬳᬦᬓ᭄ᬱᬦᬾᬯᬶᬓᬦ᭄᭞ᬲᬂᬲ
ᬦᬾᬧᬕᭂᬄᬢᬸᬃᬢᬢᬓ᭄᭞ᬚᬤ᭄ᬫᬦᬾᬢᬦ᭄ᬗᬮᬾᬱᬦᬶᬦ᭄᭞ᬓᬧᬢᬸᬢᬦ᭄ᬫᬮᬶᬄᬳᬦᬓ᭄ᬱᬦᬾᬲᬸᬘᬶ᭟ᬲᬫᬮᬶᬳᬚᬤ᭄ᬫᬦᬾᬲᬦᬾᬓᬶᬦᬸᬘᬧ᭄᭞ᬦᬾᬮᬦᬫᬲᭀᬮᬄ
ᬩᭂᬘᬶᬓ᭄᭞ᬫᬮᬶᬄᬯᬶᬘᬓ᭄ᬱᬡ᭞ᬢᬸᬢᬸᬢᬶᬦ᭄ᬳᬶᬤᬧᬸᬦᬶᬓ᭞ᬓᬤᬶᬩᬸᬮᬦᬾᬦᬸᬢᬸᬢᬶᬦ᭄᭞ᬧᬳᬶᬍᬳᬦ᭄ᬩᬶᬦ᭄ᬢᬂᬩᬶᬦ᭄ᬢᬗᬾᬭᬶᬂᬮᬕᬶᬢ᭄᭟᭐᭟ᬧᬸᬘᬸᬂ᭟᭐᭟ᬲᬂᬲᬢᬸᬧᬸ
[ ᭔᭗ 47A]
ᬓ᭄ᬦᬸᬢᬸᬢᬶᬦ᭄ᬧᬗᬸᬫᬤ᭄ᬓᬬᬸᬦ᭄᭞ᬭᬶᬂᬓᬾᬦ᭄ᬤ᭄ᬭᬶᬬᬦ᭄ᬢᬕᬢ᭄᭞ᬢᬦ᭄ᬗ᭄ᬮᬓ᭄ᬱᬡᬬᬂᬲᬫᬵᬥᬶ᭞ᬢᬍᬃᬳᬶᬧᬸᬦ᭄᭞ᬢᬦ᭄ᬧᬶᬲᬦ᭄ᬫᬺᬲᬶᬳᬶᬦ᭄ᬭᬕ᭟ᬫᬮᬶᬄᬳᬶᬧᬸᬦ᭄ᬓᬲᬸᬓᬦ᭄ᬚᬕᬢ᭄ᬓᬢᭂᬧᬸᬂ
ᬗᬸᬢᬂᬓᬭᬳᬬ᭄ᬯᬦ᭄᭞ᬳᬶᬧᬸᬦ᭄ᬧᬘᬂᬳᬶᬭᬶᬳᬢᬶ᭞ᬭᬶᬂᬲᬂᬓᬸᬦᬸᬓ᭄ᬗᬸᬢ᭄ᬲᬳᬫᬺᬲᬶᬳᬶᬦ᭄ᬭᬕ᭟ᬩᭀᬬᬧᬢᬸᬢ᭄ᬭᬶᬂᬚᬤ᭄ᬫᬦᬾ ᬩᬗᭂᬢ᭄ᬳᬤᬸᬂ᭞ᬢᬫ᭄ᬧᭂᬓ᭄ᬫᬲᬯᬶᬢ᭄ᬭ᭞ᬫ᭄ᬭᬲᬫᬢᭂᬮ᭄ᬤᬶᬳᬢᬶ᭞
ᬢ᭄ᬯᬶᬭᬶᬂᬳᬶᬧᬸᬦ᭄ᬲᬦᬾᬩᬗᭂᬢ᭄ᬓᬫᬸᬲᬸᬳᬂ᭟ᬬᬾᬦ᭄ᬢᬦ᭄ᬧᬗ᭄ᬕᬸᬄᬲᬦᬾᬳᬲᬶᬳᬶᬦ᭄ᬭᬶᬂᬓᬬᬸᬦ᭄᭞ᬉᬢᬯᬶᬫᬧᬧᬲ᭄᭞ᬭᬶᬂᬚᬤᬦ?ᬬᬾᬓᬲᬸᬲᬸᬳᬶᬦ᭄᭞ᬲᬫᬶᬦ᭄ᬳᬶᬧᬸᬦ᭄ᬧᬘᬂᬗᭂᬦ᭄ᬢᬶᬓᬂᬤᬸ
ᬓᬶᬢ᭟ᬓ᭄ᬭᬦᬧᬢᬸᬢ᭄ᬲᬫ᭄ᬧᬸᬦᬂᬩᬗᭂᬢ᭄ᬓᬮᬶᬧᬸᬢ᭄᭞ᬭᬶᬂᬤᬕᬶᬂᬓᬲᬸᬓᬦ᭄᭞ᬭᬾᬄᬓᬮᬦᬶᬂᬓᬩᭂᬮᬲᬶᬦ᭄᭞ᬢᬦ᭄ᬚᬯᬸᬭᬸᬂᬗᭂᬢᬶᬓᬂᬤᬸᬄᬓᬶᬢᬦ᭄ᬫᬦᬄ᭟ᬲᬶᬦᬄᬲᬫ᭄ᬧᬸᬦ᭄ᬢ
Kaca:Bali-lontar-paparikan-dammapada-500ppi.pdf/47
Kaca puniki sampun kauji-wacén
