[ ᭔᭕ 45B]
᭔᭕᭞
ᬦᬫ᭄ᬧᬶ᭞ᬓᬤᬸᬄᬓᬶᬢᬦ᭄ᬧᬶᬦᬶᬄᬳᬕᬸᬂᬢᬦ᭄ᬧᬢᬦ᭄ᬤᬶᬂ᭟ᬫᬗᬸᬦᬶᬗᬶᬦ᭄ᬧᬦᬩ᭄ᬤᬩ᭄ᬓᬮᬶᬄᬧᬸᬦᬶᬓ᭞ᬓᬯᬾᬦ᭄ᬢᭂᬦᬦ᭄᭞ᬫᬶᬓᭀᬮᬶᬳᬂᬓᬦᬶᬃᬯᬡᬦ᭄᭞ᬧ
ᬲ᭄ᬯᬾᬘᬦᬾᬧᬶᬦᬶᬄᬍᬯᬶᬄ᭞ᬓᬯᬾᬦ᭄ᬢᭂᬦᬦ᭄ᬮᬸᬧᬸᬢ᭄ᬢᬸᬳᬮᬭᬧᬢᬶ᭟ᬲᭂᬕᭂᬃᬳᭀᬕᭂᬃ᭠ᬩᬢᬶᬲᬦᬾᬧᬶᬦᬶᬄᬩᬸᬯᬢ᭄᭞ᬫᬭᬲᬲᬸᬓᬭᬶᬂᬳᬢᬶ᭞ᬧᬸᬘᬓ᭄ᬓᬲᬸᬕᬶᬳᬦ᭄᭞ᬧᬗᭂᬕᬦᬾᬢᭂ
ᬭᬂᬕᬮᬂ᭞ᬓᬸᬮᬯᬃᬕᬧᬶᬦᬶᬄᬓᬲᬶᬄ᭞ᬓᬦᬶᬃᬯᬡᬦ᭄᭞ᬧᬲ᭄ᬯᬾᬘᬧᬶᬦᬶᬄᬉᬢ᭄ᬢᬫᬶ᭟ᬬᬾᬦᬶᬂᬲᬫ᭄ᬧᬸᬦ᭄ᬚᬤ᭄ᬫᬦᬾᬧᭀᬮᬶᬄᬗ᭄ᬭᬲᬬᬂ᭞ᬓᭀᬢ᭄ᬢᬫᬦ᭄ᬕᭂᬦᬳᬾᬲᭂᬧᬶ᭞ᬳᬶᬦᬓ᭄ᬜᬦᬾᬤ
ᬳᬢ᭄᭞ᬢᬍᬃᬓᬤᭂᬕ᭄ᬤᭂᬕᬦ᭄ᬫᬦᬄ᭞ᬲᬫ᭄ᬧᬸᬦ᭄ᬧᭀᬮᬶᬄᬓᬘᬶᬘᬶᬧᬶᬦ᭄᭞ᬓᬭᬲᬬᬂᬳᬶᬦᬓ᭄ᬜᬦᬾᬗᬮᬗ᭄ᬓᬸᬗᬶᬦ᭄᭟ᬳᭂᬦ᭄ᬢᭀᬫᬓ᭄ᬭᬦᬳᬶᬧᬸᬦ᭄ᬫᬺᬲᬶᬤᬬᬂᬍᬧᬲ᭄᭞ᬲᬓᬶᬂ
[ ᭔᭖ 46A]
ᬓᬢᬓᬸᬢᬦ᭄ᬗᬶᬮᬶ᭞ᬢᬍᬃᬲᬶᬤᬩᬾᬩᬲ᭄᭞ᬲᬓᬶᬂᬲᬮ᭄ᬯᬶᬃᬓᬘᭀᬭᬦ᭄᭞ᬓᬶᬦ᭄ᬲᬫ᭄ᬧᬸᬦ᭄ᬳᬶᬧᬸᬦ᭄ᬫᬗ᭄ᬓᬶᬦ᭄᭞ᬧᭀᬮᬶᬄᬗᭂᬍᭂᬤ᭄ᬫᬥᬸᬦ᭄ᬓᬥᬃᬫ᭄ᬫᬦᬾᬫᬦᬶᬲ᭄᭟ᬗᬯᬾᬮᬾ᭠
ᬤᬂᬲ᭄ᬯᬩᬯᬦ᭄ᬲᬂᬧᬭᬳᬃᬬ᭄ᬬ᭞ᬲᬂᬲᬫ᭄ᬧᬸᬦ᭄ᬫᬭᬕᬲᬸᬘᬶ᭞ᬩᬗᭂᬢ᭄ᬦᬸᬦ᭄ᬤᬸᬢ᭄ᬫᬦᬄ᭞ᬢᬸᬃᬗᬮᬾᬤᬗᬶᬦ᭄ᬲᬢᬢ᭞ᬚᬤ᭄ᬫᬦᬾᬲᬤ᭄ᬬᬫᬫᬗ᭄ᬕᬶᬄ᭞ᬫᬤᬫ᭄ᬧᬶᬗᬦ᭄ᬲᬋᬂᬭᬶᬂᬳᬶᬤᬫᬮᬶ
ᬗ᭄ᬕᬶᬄ᭟ᬫᬮᬭᬧᬦ᭄ᬢᬦ᭄ᬗᬦ᭄ᬢᭂᬦᬂᬳᬦᬓ᭄ᬘᭀᬭᬄ᭞ᬢᬦ᭄ᬫᬗ᭄ᬕᬶᬄᬲᬂᬢᬫ᭄ᬩᭂᬢ᭄ᬫᬮᬶᬄ᭞ᬲᬂᬗᬯᬾᬤᬸᬄᬓᬶᬢ᭞ᬦᬾᬗᭂᬦ᭄ᬢᬶᬓᬂᬫᬦᬄᬳᭀᬲᬄ᭞ᬳᬦᬓᬾᬲᬶᬤᬫᬫᬗ᭄ᬕᬶᬄ᭞ᬓᬲᬸᬩ
ᬕ᭄ᬬᬦ᭄ᬓᬲᬸᬓᬦ᭄ᬲᬧᬜ᭄ᬚᬂᬳᬸᬭᬶᬧ᭄᭟ᬓᬚᬢᬾᬦ᭄ᬜᬳᬸᬭᬶᬧᬾᬲᬋᬂᬲᬂᬳᬫ᭄ᬩᭂᬢ᭄᭞ᬚᬕᬲᬗ᭄ᬲᬭᬦᭂᬢᭂᬳᬶᬦ᭄᭞ᬲᬮᬯᬲ᭄ᬮᬯᬲ᭄ᬜ᭞ᬫᬲᬯᬶᬢ᭄ᬭᬭᬶᬂᬲᬂᬢᬫ᭄ᬩᭂᬢ᭄᭞ᬩᬗᭂ᭠
Kaca:Bali-lontar-paparikan-dammapada-500ppi.pdf/46
Kaca puniki sampun kauji-wacén
