[ ᭒᭓ 23B]
᭒᭓᭞
᭟᭜᭟ᬕᬶᬦᬤ᭟᭜᭟ᬩᬦ᭄ᬤᬶᬗᬂᬭᬶᬂᬧᬜᬶᬬᬸᬯᬦ᭄᭞ᬭᬯᭀᬲᬦᬾᬢᬦ᭄ᬧᬳᬶᬲᬶ᭞ᬦᬾᬫᬮᬾᬤ᭄ᬧᬾᬤ᭄ᬢᬦ᭄ᬧᬕᬸᬡ᭞ᬍᬯᬶᬄᬭᬯᭀᬲᬾᬳᬩᬸᬓᬸ᭞ᬦᬾᬫᬤᬕᬶᬂᬓᬲᬹ
ᬓ᭄ᬱ᭄ᬫᬦ᭄᭞ᬓᬵᬮᬫᬶᬚᬶᬮ᭄᭞ᬤᭂᬕ᭄ᬤᭂᬕ᭄ᬮᬾᬤᬂᬲᬂᬫᬶᬋᬗᬂ᭞ᬩᬦ᭄ᬤᬶᬗᬂᬭᬶᬂᬧᬜᬶᬬᬸᬯᬦ᭄᭞ᬫ᭄ᬭᬾᬭᭀᬤ᭄ᬲ᭄ᬮᭀᬓᬦᬾᬗᭂᬩᭂᬓᬶᬦ᭄᭞ᬲᬦᬾᬧᬸᬬᬸᬂᬢᬦ᭄ᬧᬕᬸᬡ᭞ᬳᬲᬶ᭠
ᬓᬶᬩᭂᬘᬶᬓᬦ᭄ᬮᬗ᭄ᬓᬸᬂ᭞ᬲᬦᬾᬫᬤᬕᬶᬂᬓᭀᬢ᭄ᬢᬫᬦ᭄᭞ᬗᬯᬾᬩᭂᬘᬶᬓ᭄᭞ᬤᭂᬕ᭄ᬤᭂᬕ᭄ᬫᬦᬄᬲᬂᬫᬶᬋᬗᬂ᭟ᬩᬦ᭄ᬤᬶᬗᬂᬭᬶᬂᬧᬜᬢᬸᬲᬦ᭄᭞ᬗᭀᬚᬄᬲ᭄ᬮᭀᬓᬢᬦ᭄ᬧᬳᬶᬲᬶ
᭞ᬳᬓᭂᬘᬧ᭄ᬓᬦ᭄ᬢᬸᬦ᭄ᬍᬯᬶᬳᬦ᭄᭞ᬲᬦᬾᬭᬶᬂᬓᬥᬃᬫ᭄ᬫᬦ᭄ᬫᬦᬹᬢ᭄᭞ᬓᬮᬲ᭄ᬮᭀᬓᬦᬾᬓᬘᬧᬂ᭞ᬗᬯᬾᬕᭂᬮᬶᬲ᭄᭞ᬳᭂᬦᬶᬂᬓᬬᬸᬦ᭄ᬲᬂᬫᬶᬋᬗᬂ᭟ᬤ᭄ᬬᬲ᭄ᬢᬸᬦ᭄ᬫᬦᬾ
[ ᭒᭔ 24A]
ᬗᬲᭀᬭᬂ᭞ᬫᬸᬲᬸᬄᬜᬲᬢᬸᬲᬦ᭄ᬓᭂᬢᬶ᭞ᬭᬶᬂᬢᭂᬗᬄᬧᬬᬸᬤᬦ᭄᭞ᬗᬶᬂᬓᬲ᭠ᬢ᭄ᬭᬶᬬᬦᬾᬓᬲᬸᬩ᭄᭞ᬦᬾᬜᬶᬤᬬᬂᬗᬸᬘᬶᬯᬬᬂ᭞ᬫᬸᬲᬸᬄᬰᬓ᭄ᬢᬶ᭞ᬤᬾᬯᬾᬓᬵᬜᬧᬤᬶᬦᬶ
ᬓᭀᬘᬧ᭄᭟ᬓᬯ᭄ᬬᬓ᭄ᬢ᭄ᬬᬦ᭄ᬜᬍᬯᬶᬄᬤᬳᬢ᭄᭞ᬗᬲᭀᬭᬂᬤᬾᬯᬾᬓ᭄ᬧᬤᬶᬤᬶ᭞ᬩᬦ᭄ᬤᬶᬗᬂᬭᬶᬂᬓᬯᬶᬭᭀᬲᬦ᭄᭞ᬜᬶᬤᬬᬂᬗᬯᬶᬦᬂᬦᬸᬗ᭄ᬓᬸᬮ᭄᭞ᬫᭂᬲᭂᬄᬚᬦ᭄ᬢᭀᬲ᭄ᬧᬜᬶᬬᬸ
ᬯᬦ᭄᭞ᬲᬫᬶᬮᬶᬮᬶᬄ᭞ᬤᭂᬓ᭄ᬤᭂᬓ᭄ᬜᬕ᭄ᬢᬦ᭄ᬧᬕᬦ᭄ᬢᬸᬮᬦ᭄᭟ᬢᬦ᭄ᬤᬾᬯᬓᬮᬕᬦ᭄ᬤᬃᬯ᭄ᬯ᭞ᬭᬓ᭄ᬱᬲᬳ᭄ᬬᬂᬩ᭄ᬭᬳ᭄ᬫᬵᬫᬮᬶᬄ᭞ᬦᬾᬲᬶᬤᬚᬕᬗᬲᭀᬭᬂ᭞ᬲᬂᬗᭀᬤᬕᬂᬤᬾᬯᬾ
ᬓ᭄ᬳᬶᬧᬸᬦ᭄᭞ᬲᬦᬾᬳᬾᬮᬶᬂᬢᬦ᭄ᬧᬳᬶᬗᬦ᭄᭞ᬳᬦ᭄ᬢᬸᬓ᭄ᬗᬶᬮᬶᬲ᭄᭞ᬳᬸᬢ᭄ᬲᬳᬫᬶᬢᭂᬢᬶᬦ᭄ᬭᬕ᭟ᬬᬤ᭄ᬬᬲ᭄ᬢᬸᬦ᭄ᬩᬸᬮᬦ᭄ᬩᬸᬮᬦᬦ᭄᭞ᬢᬳᬸᬦ᭄ᬢᬳᬸᬦᬦ᭄ᬫᬦᬯᬶ᭞ᬢ᭄ᬯᬚ
Kaca:Bali-lontar-paparikan-dammapada-500ppi.pdf/24
Kaca puniki sampun kauji-wacén
