[ ᭒᭒ 22B]
᭒᭒᭞
ᬩᬄ᭞ᬦᬶᬗ᭄ᬓᭂᬲ᭄ᬭᬯᭀᬲ᭄ᬩᬦ᭄ᬩᬦ᭄ᬫᬦᬶᬲ᭄᭞ᬬᬤ᭄ᬬᬲ᭄ᬢᬸᬮᬓ᭄ᬱᬡ᭞ᬤᬩ᭄ᬤᬩ᭄ᬩᭂᬘᬶᬓ᭄ᬦᬸᬤᬸᬢ᭄ᬓᬬᬸᬦ᭄᭞ᬲᬲᬶᬂᬲᭀᬮᬄᬗᬬᬸᬦ᭄ᬳ᭄ᬬᬸᬦᬶᬦ᭄᭞ᬢᬦ᭄ᬧᬘᬾᬤ᭞ᬲᬤᬕᬶᬂᬚᬕᬢᬾᬳᬲᬶᬄ᭟ᬢ᭠
ᬦ᭄ᬓᬫ᭄ᬧᬢᬦ᭄ᬭᬶᬂᬫᬳᬶᬤᬧᬯᬶᬓᬦ᭄᭞ᬲᬦᬾᬢᬦ᭄ᬓᬤᭂᬓᭂᬢ᭄ᬫᬮᬶᬄ᭞ᬳᬦ᭄ᬢᬸᬓ᭄ᬭᬋᬕᭂᬤᬦ᭄᭞ᬲᬓᬜ᭄ᬘᬦᬶᬂᬘᭀᬭᬳᬦ᭄᭞ᬤᭂᬕ᭄ᬤᭂᬕ᭄ᬲᬗ᭄ᬰᬬᬫᬮᬶᬄ᭞ᬢ᭄ᬯᬶᬦᬶᬃᬩᬬ᭞ᬮᬦ᭄ᬤᬸᬄ
ᬲᬸᬩᬕ᭄ᬬᬫᬳᬸᬭᬶᬧ᭄᭟ᬓᬩᬯᭀᬲᬂᬚᬤ᭄ᬫᬦᬾᬢᬦ᭄ᬩᬺᬕᬸᬕᬸᬯᬦ᭄᭞ᬲᬓᬶᬂᬫᬫᭀᬗᭀᬮ᭄ᬗᭂᬕ᭄ᬯᬦᬶᬦ᭄᭞ᬭᬶᬂᬤᬕᬶᬂᬲᬸᬦ᭄ᬬᬢ᭞ᬢᭂᬍᬩ᭄ᬧᬦᬫ᭄ᬧᬶᬦᬾᬘᭂᬤᬂ᭞ᬦᬸᬲ᭄ᬢᬸᬲ᭄ᬭᬦ᭄ᬢᬾᬦᬾ
ᬫᬳᬸᬭᬶᬧ᭄᭞ᬢ᭄ᬯᬶᬓᬲᬸᬓᬦ᭄᭞ᬢᬮᬶᬦ᭄ᬜᬦᬾᬢᬲ᭄ᬢᬲ᭄ᬲᬫᬶ᭟ᬓᬓᬯᭀᬦᬦ᭄ᬜᬶᬤᬬᬂᬳᬶᬤᬜᬫ᭄ᬧᬶᬗᬂ᭞ᬢᬍᬃᬗᬶᬫ᭄ᬧᬲᬶᬂᬦᬾᬩᭂᬲᬶᬢ᭄᭞ᬢ᭄ᬯᬶᬲᬸᬓᬤᬸᬄᬓᬶᬢ᭞ᬳᬶᬦ᭄ᬤ᭄ᬭᬶᬬᬢ
[ ᭒᭓ 23A]
ᬍᬃᬓᬤᭀᬳᬂ᭞ᬫᭂᬍᬤ᭄ᬫᬶᬯᬄᬲᬸᬓᬦ᭄ᬳᬢᬶ᭞ᬳᬶᬤᬚᬢᬶᬚᬤ᭄ᬫᬫᬸᬮ᭄ᬬᬓᬯᬲ᭄ᬝᬦᬶᬦ᭄᭟᭠ᬢ᭄ᬯᬶᬭᬶᬂᬤᬾᬰᬤ᭄ᬬᬲ᭄ᬢᬸᬭᬶᬂᬢᭂᬗᬳᬶᬂᬳᬮᬲ᭄᭞ᬭᬶᬂᬧᬸᬘᬓ᭄ᬕᬸᬦᬸᬗᬾᬗᬕ᭄ᬮᬶᬓ᭄᭞ᬭᬶᬂᬧᬮᭀᬳᬾᬮᬶ
ᬗ᭄ᬕᬄ᭞ᬧᬶᬢᬸᬯᬶᬭᬶᬂᬤᬶᬚᬤᬶᬚ᭞ᬲᬂᬫ᭄ᬭᬕᬲᬸᬘᬶᬫᬮᬶᬗ᭄ᬕᬶᬄ᭞ᬗᬯᬾᬮᬾᬤᬂᬕᭂᬦᬳᬾᬧᬸᬦᬶᬓᬲᬫᬶ᭟ᬕᬸᬦᬸᬂᬳᬮᬲ᭄ᬗᬯᬾᬮᬾᬤᬂᬦᬸᬤᬸᬢ᭄ᬫᬦᬄ᭞ᬫᬋᬧ᭄ᬲᬂᬫᬭᬕᬲᬸᬘᬶ᭞ᬲ
ᬦᬾᬲᬫ᭄ᬧᬸᬦᬼᬧᬲ᭄᭞ᬲᬢᬶᬂᬢᬳᬶᬦ᭄ᬤ᭄ᬭᬶᬬᬦ᭄ᬫᬦᬄ᭞ᬦᬵᬗ᭄ᬳᬶᬂᬲᬂᬓᬦ᭄ᬢᬸᬦ᭄ᬗᬸᬩᭂᬭᬶᬦ᭄᭞ᬲᬸᬓᬦ᭄ᬚᬕᬢ᭄ᬳᬮᬲᬾᬜᬓᬶᬢᬶᬦ᭄ᬳᬢᬶ᭟ᬯᬦ᭄ᬢᬄᬳᬶᬤᬦᬾᬮᬸᬧᬸᬢ᭄ᬲᬓᬶᬂᬓᬾᬗ᭄ᬤ᭄ᬭᬶᬬ
ᬦ᭄᭞ᬫᭂᬍᬤ᭄ᬫᬶᬯᬄᬓᬶᬢᬦ᭄ᬳᬢᬶ᭞ᬳᬶᬤᬗᬮᬾᬤᬗᬂ᭞ᬲᭂᬧᬶᬦᬾᬭᬶᬂᬕᬶᬭᬶᬯ᭠ᬦ᭞ᬭᬾᬄᬢᬦ᭄ᬫᬮᬶᬄᬗᬭᬸᬭᬸᬦ᭄ᬳᬶᬦ᭄᭞ᬲᬸᬓᬦ᭄ᬚᬕᬢ᭄ᬦᬾᬢᬦ᭄ᬚᬢᬶᬗᬮᬾᬤᬗᬶᬦ᭄
Kaca:Bali-lontar-paparikan-dammapada-500ppi.pdf/23
Kaca puniki sampun kauji-wacén
