[ ᭑᭗ 17B]
᭑᭗᭞
ᬓ᭞ᬓᭂᬳᭂᬗᬦ᭄ᬳᬶᬧᬸᬦ᭄ᬭᬶᬂᬳᬢᬶ᭞ᬲᬂᬢᬫ᭄ᬩᭂᬢ᭄ᬲᭀᬫ᭄ᬩᭀᬂᬩᭂᬋᬕᬄ᭞ᬓᬦ᭄ᬤ᭄ᬭᬶᬬᬦ᭄ᬜᬦᬾᬢᬦ᭄ᬲᬶᬧᬶ᭞ᬳᬚᬸᬫ᭄ᬩᬗ᭄ᬕᬦᬾᬗᬮᬶᬮᬶᬢ᭄᭞ᬫᬸᬯᬸᬄᬳᬦ᭄ᬢᬸᬓ᭄ᬩᭂᬮᭀᬕ᭄ᬧᬸᬗ᭄ᬕᬸᬂ᭞ᬓᬮᬳᬶᬧᬸᬦ᭄ᬲᬧᬸᬦᬶᬓ᭞ᬩᬺ
ᬕᬄᬜᬦᬾᬲᬬᬦ᭄ᬫᭂᬦ᭄ᬢᬶᬓ᭄᭞ᬩᬗ᭄ᬕᬳ?ᬚᬸᬫ᭄᭞ᬫᬯᬸᬯᬸᬄᬯᬸᬯᬸᬄᬭᬶᬂᬫᬦᬄ᭟ᬲᬸᬚᬢᬶᬲᬫ᭄ᬧᬸᬦ᭄ᬓᬶᬭᬸᬲᬧ᭄᭞ᬳᬲᬶᬓᬶᬫᬃᬕᬶᬦᬾᬗᬶᬮᬶᬲ᭄᭞ᬦᬾᬭᬸᬚᬸᬓᬲᬸᬓᬦ᭄ᬚᬕᬢ᭄᭞ᬲᬭᬾᬮᬾᬦ᭄ᬫᬮᬶᬄᬳ᭠
ᬲᬶᬓᬶ᭞ᬫᬃᬕᬶᬫᬫᭂᬦᭂᬂᬫᬢᬶᬢᬶᬲ᭄᭞ᬓᬦᬶᬃᬯᬡᬦ᭄ᬲᬦᬾ ᬮᬸᬳᬸᬃ᭞ᬭᬶᬂᬲᬫ᭄ᬧᬸᬦ᭄ᬢᬢᬲ᭄ᬧᬯᬶᬓᬦ᭄᭞ᬩᬾᬤᬦ᭄ᬫᬃᬕᬶᬦᬾᬓᬓᬮᬶᬄ᭞ᬢ᭄ᬯᬭᬩᬶᬗᬸᬂ᭞ᬦᬸᬮᬸᬄᬦᬾ ᬗᬯᬶᬦᬂᬩᬕ᭄ᬬ᭟ᬧᬸᬦᬶᬓᬲᬦᬾᬗ
ᬯᬶᬦᬂ᭞ᬲᬂᬧᬭᬯᬶᬓᬸᬦᬾᬲᬫᬶ᭞ᬲᬶᬱ᭄ᬬᬦ᭄ᬳᬶᬤᬲᬂᬳ᭄ᬬᬂᬩᬸᬤ᭄ᬥ᭞ᬧᬢᬸᬢᬾᬩᭀᬬᬗᭂᬦ᭄ᬢᬲᬶᬦ᭄᭞ᬫᬃᬕᬶᬦᬸᬚᬸᬲᬸᬓᬦ᭄ᬕᬸᬫᬶ᭞ᬦᬾᬗᬯᬾᬓᬍᬕᬦ᭄ᬓᬬᬸᬦ᭄᭞ᬦᬗ᭄ᬳᬶᬂᬜᬦ᭄ᬤᬂᬫᬜᬭᬢᬂ᭞᭠
[ ᭑᭘ 18A]
ᬳᬦ᭄ᬢᭂᬂᬗᬮᬶᬫ᭄ᬩᬓᬂᬫᬃᬕᬶ᭞ᬲᬦᬾᬦᬸᬚᬸ᭞ᬗᬶᬮᬶᬲ᭄ᬗᬸᬗ᭄ᬲᬶᬓᬍᬧᬲᬦ᭄᭟᭐᭟ᬕᬶᬦᬦ᭄ᬢᬶ᭟᭐᭟ᬬᬾᬦ᭄ᬧᬤᬾᬫᬗ᭄ᬕᬶᬄᬲᬂᬧᬸᬢᬸᬲ᭄᭞ᬳᬶᬤᬲᬓ᭄ᬱᬢ᭄ᬫᬢᬸᬚᬸᬳᬶᬦ᭄᭞ᬓᬲᬸᬕᬶᬳᬦ᭄ᬫᬲ᭄ᬲ
ᬲᭀᬘᬦ᭄᭞ᬭᬾᬄᬳᬶᬤᬮᬾᬤᬂᬫᬓᬾᬮᬶᬂ᭞ᬲᭀᬮᬳᬾ ᬳᬶᬯᬂᬓᬲᬲᬃ᭞ᬫᬢᬸᬚᬸᬳᬶᬦ᭄ᬲᭀᬮᬄᬩᭂᬘᬶᬓ᭄᭟ᬫᬓ᭄ᬭᬦᬧᬢᬸᬢᬾᬮᬚᬸ᭞ᬭᬶᬂᬲᬂᬉᬢ᭄ᬢᬫᬫᬦᬶᬯᬶ᭞ᬫᬲᬯᬶᬢ᭄ᬭᬫᬲᬬᬸᬩᬦ᭄
᭞ᬮ᭄ᬯᬶᬳᬶᬂᬕᬸᬡᬢᬦ᭄ᬫᭀᬘᬮᬶᬦ᭄᭞ᬭᬾᬄᬳᬶᬦ᭄ᬤᬶᬓ᭄ᬫᬸᬮ᭄ᬬᬓᬮᬶᬦ᭄ᬢᬂ᭞ᬗᬶᬭᬶᬂᬲᬂᬧ᭄ᬭᬚ᭄ᬜᬦ᭄ᬳᬦ᭄ᬫᬭᬶ᭟ᬫᬗ᭄ᬤᬾᬦ᭄ᬳᬶᬤᬫᬧᬶᬢᬸᬢᬸᬃ᭞ᬮᬾᬤᬂᬫᬯᬾᬄᬫᬃᬕᬶᬍᬯᬶᬄ᭞ᬫᬬᬮᬂᬲᬂᬫᭀᬮᬄᬘᭀᬭᬄ
᭞ᬳᬶᬤᬯ᭄ᬬᬓ᭄ᬢᬶᬓᬲ?ᬦᭂᬗᬶᬦ᭄᭞ᬳᬦ᭄ᬢᬸᬓ᭄ᬚᬤ᭄ᬫᬦᬾᬲᬸᬰᬶᬮ᭞ᬲᬂᬘᭀᬭᬄᬗᬮᬄᬳᬸᬦ᭄ᬓᬸᬭᬶᬦ᭄᭟ᬲᬫ᭄ᬧᬸᬦᬂᬚᭂᬕ᭄ᬭᬤᬕ᭄ᬭᬸᬤᬸᬕ᭄᭞ᬲᬋᬂᬲᬂᬓᬢᬸᬦᬦ᭄ᬩᬸᬤ᭄ᬥᬶ᭞ᬢᬸᬃᬫᬓᬦ᭄ᬢᬶᬭᬶᬂᬲᬂᬘᭀᬭᬄ
Kaca:Bali-lontar-paparikan-dammapada-500ppi.pdf/18
Kaca puniki sampun kauji-wacén
