[ ᭑᭖ 16B]
᭑᭖᭞
ᬮ᭄ᬓᬶᬭᬂᬲᬯᬳᬶ᭞ᬗᬶᬂᬩᬩ᭄ᬭᬣᬦᬾ ᬢᬦ᭄ᬲᬶᬧᬶ᭞ᬢᬦ᭄ᬗᬯᬾᬧᬗᬃᬕᬦ᭄ᬳᬶᬧᬸᬦ᭄᭞ᬮᬗ᭄ᬓᬸᬂᬭᬶᬂᬧᬄᬦᭂᬫ᭄ᬩᭂᬮᬲᬦ᭄᭞ᬭᬶᬂᬩᭀᬩᭀᬢ᭄ᬚᬦ᭄ᬫᬦᬾᬫᬶᬧᬶᬢ᭄᭞ᬤᬳᬢ᭄ᬓᬸᬓᬸᬄ᭞ᬜᬦ᭄ᬢᭂᬧ᭄ᬜᭀ
ᬮᬳᬂᬓᬥᬃᬫ᭄ᬫᬦ᭄᭟ᬓᬚᬢᬾᬦ᭄ᬲᭀᬮᬳᬾᬘᭀᬭᬄ᭞ᬢᬦ᭄ᬫᬨᬮᬧ᭄ᬭᬫ᭠ᬗ᭄ᬓᬶᬦ᭄᭞ᬯᬮᬸᬬᬓᬤᬶᬳᭂᬫ᭄ᬧᭂᬳᬦ᭄᭞ᬢᬦ᭄ᬓᭂᬦ᭄ᬢᭂᬮ᭄ᬳᬶᬧᬸᬦ᭄ᬧ᭄ᬭᬫᬗ᭄ᬓᬶᬦ᭄᭞ᬲᭀᬭᬳᬶᬧᬸᬦ᭄ᬚᬕ᭠
ᬗᬶᬦ᭄ᬢᬶᬮ᭄᭞ᬳᬶᬢᬫ᭄ᬩᭂᬢ᭄ᬲᬮᬫ᭄ᬧᬄᬮᬓᬸ᭞ᬗᬍᬧᬼᬧ᭄ᬢᭂᬭᬸᬲ᭄ᬢᬦ᭄ᬲᬶᬦᬄ᭞ᬧᬫᬸᬧᬸᬢ᭄ᬦᬶᬮᬧ᭄ᬫᬸᬯᬸᬦᬶᬦ᭄᭞ᬚᬕ᭄ᬫᬓᭂᬩ᭄ᬬᬸᬃ᭞ᬲᬢ᭄ᬳᬧᬶᬭᬶᬂᬢᭂᬗᬄᬕᬸᬫ᭄ᬧᬂ᭟ᬢᬦ᭄ᬮᬾᬯ᭄ᬯᬦ᭄ᬢᬄᬓᬭᬸᬲᬓ
ᬦ᭄᭞ᬦᬾᬲᬂᬲᬶᬦᬄᬧᬘᬂᬓᬳᬸᬗ᭄ᬲᬶ᭞ᬳᬦ᭄ᬢᬸᬓ᭄ᬚᬤ᭄ᬫᬦᬾᬯᬶᬫᬸᬤ᭞ᬭᬾᬄᬳᬶᬧᬸᬦ᭄ᬯᬦᬘᬂᬳᬸᬦᬶᬂ᭞ᬗᬗ᭄ᬕᬾᬦ᭄ᬧ?ᬗᬯ᭄ᬭᬸᬄᬜᬧᬶᬗᬶᬢ᭄᭞ᬓᬰᬓ᭄ᬢᬾᬦ᭄ᬳᬶᬧᬸᬦᬾᬓᬲᬸᬩ᭄᭞ᬢ᭄ᬯᬄ
[ ᭑᭗ 17A]
ᬳᬶᬧᬸᬦ᭄ᬧᬤᬶᬤᬶᬗ᭄ᬭᬸᬲᬓ᭄᭞ᬓᬯᭂᬭᬸᬳᬦ᭄ᬮᬾᬦ᭄ᬓᬰᬓ᭄ᬢᬶᬦ᭄᭞ᬲᬶᬭᬳᬶᬧᬸᬦ᭄᭞ᬲᬢ᭄ᬳᬶᬧᬸᬦ᭄ᬧᬤᬶᬤᬶᬜᬶᬗᬓ᭄᭟ᬲᬂᬢᬫ᭄ᬩᭂᬢ᭄ᬲᬳᬶᬗᭂᬤᭀᬢᬂ᭞ᬓᬓ᭄ᬯᬲᬦᬾᬳᬦ᭄ᬧᬢᬦ᭄ᬤᬶᬂ᭞ᬦᬾᬭᬶᬂᬳᬶᬧᬸ᭠
ᬦ᭄ᬢᬦ᭄ᬲᬧᬤᬦ᭄᭞ᬫᬮᬶᬄᬫᭂᬍᬤ᭄ᬭᬶᬂᬧᬫᬸᬚᬶ᭞ᬭᬶᬂᬲᬚ᭄ᬭᭀᬦᬶᬂᬓᬸᬮᬯᬃᬕᬶ᭞ᬤᭀᬢ᭄ᬫᬮᬶᬄᬤᬤᭀᬲ᭄ᬧᬫᬸᬘᬸᬓ᭄᭞ᬭᬶᬂᬧᬭᬯᬶᬓᬸᬫᬓᭂᬚᬂ᭞ᬦᬾᬫᭂᬍᬤᬂᬳᬶᬧᬸᬦ᭄ᬫᬮᬶᬄ᭞ᬦᬾᬧᬶᬭᬸᬳᬸᬦ᭄᭞ᬤ
ᬤᭀᬲ᭄ᬧᬗᬋᬧ᭄ᬯᬶᬳᬭ᭟ᬫᬗ᭄ᬤᬾᬦ᭄ᬳᬦᬓᬾᬫᬓᭂᬚᬂ᭞ᬮᬾᬦ᭄ᬧᬭᬯᬶᬓᬸᬦᬾᬩᬸᬯᬶᬦ᭄᭞ᬬᬫᬓᭂᬚᬂᬳᬧᬂᬦᬯᬂ᭞ᬧ᭄ᬭᬕᬢ᭄ᬳᬶᬤᬾᬯᬾᬓ᭄ᬗᬯᬾᬦᬶᬦ᭄᭞ᬲᬓᬜ᭄ᬘᬦ᭄ᬦᬾᬳᬤᬤᬶᬦᬶ᭞ᬳᬶ
ᬤᬾᬯᬾᬓ᭄ᬳᬦᬾ ᬗᬯᬗᬸᬦ᭄᭞ᬕᬯᬾᬦᬾᬳᭂᬦ᭄ᬢᭀᬫᬓᭂᬚᬂ᭞ᬤ᭄ᬬᬲ᭄ᬢᬸᬕᭂᬤᬾ ᬢᬸᬯᬶᬘᭂᬦᬶᬓ᭄᭞ᬳᭂᬦ᭄ᬢᭀᬧᬫᬸᬧᬸᬢ᭄᭞ᬬᬲᬦ᭄ᬳᬶᬤᬾᬯᬾᬓ᭄ᬫᬓᭂᬚᬂ᭟ᬯᬦ᭄ᬢᬄᬓᬤᬶᬲᬧᬸᬦᬶ᭠
Kaca:Bali-lontar-paparikan-dammapada-500ppi.pdf/17
Kaca puniki sampun kauji-wacén
